4. дхаммат̣т̣хитин̃а̄н̣аниддесо

45. катхам̣ паччайапариггахе пан̃н̃а̄ дхаммат̣т̣хитин̃а̄н̣ам̣? авиджджа̄ сан̇кха̄ра̄нам̣ уппа̄дат̣т̣хити ча паваттат̣т̣хити ча нимиттат̣т̣хити ча а̄йӯханат̣т̣хити ча сан̃н̃огат̣т̣хити ча палибодхат̣т̣хити ча самудайат̣т̣хити ча хетут̣т̣хити ча паччайат̣т̣хити ча. имехи наваха̄ка̄рехи авиджджа̄ паччайо, сан̇кха̄ра̄ паччайасамуппанна̄. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ авиджджа̄ сан̇кха̄ра̄нам̣ уппа̄дат̣т̣хити ча паваттат̣т̣хити ча нимиттат̣т̣хити ча а̄йӯханат̣т̣хити ча сан̃н̃огат̣т̣хити ча палибодхат̣т̣хити ча самудайат̣т̣хити ча хетут̣т̣хити ча паччайат̣т̣хити ча. имехи наваха̄ка̄рехи авиджджа̄ паччайо, сан̇кха̄ра̄ паччайасамуппанна̄. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

сан̇кха̄ра̄ вин̃н̃а̄н̣асса…пе… вин̃н̃а̄н̣ам̣ на̄марӯпасса… на̄марӯпам̣ сал̣а̄йатанасса… сал̣а̄йатанам̣ пхассасса… пхассо ведана̄йа… ведана̄ тан̣ха̄йа… тан̣ха̄ упа̄да̄насса… упа̄да̄нам̣ бхавасса… бхаво джа̄тийа̄… джа̄ти джара̄маран̣асса уппа̄дат̣т̣хити ча паваттат̣т̣хити ча нимиттат̣т̣хити ча а̄йӯханат̣т̣хити ча сан̃н̃огат̣т̣хити ча палибодхат̣т̣хити ча самудайат̣т̣хити ча хетут̣т̣хити ча паччайат̣т̣хити ча. имехи наваха̄ка̄рехи джа̄ти паччайо, джара̄маран̣ам̣ паччайасамуппаннам̣. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ джа̄ти джара̄маран̣асса уппа̄дат̣т̣хити ча паваттат̣т̣хити ча нимиттат̣т̣хити ча а̄йӯханат̣т̣хити ча сан̃н̃огат̣т̣хити ча палибодхат̣т̣хити ча самудайат̣т̣хити ча хетут̣т̣хити ча паччайат̣т̣хити ча. имехи наваха̄ка̄рехи джа̄ти паччайо, джара̄маран̣ам̣ паччайасамуппаннам̣. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

46. авиджджа̄ хету, сан̇кха̄ра̄ хетусамуппанна̄. убхопете дхамма̄ хетусамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ авиджджа̄ хету, сан̇кха̄ра̄ хетусамуппанна̄. убхопете дхамма̄ хетусамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

сан̇кха̄ра̄ хету, вин̃н̃а̄н̣ам̣ хетусамуппаннам̣…пе… вин̃н̃а̄н̣ам̣ хету, на̄марӯпам̣ хетусамуппаннам̣… на̄марӯпам̣ хету, сал̣а̄йатанам̣ хетусамуппаннам̣… сал̣а̄йатанам̣ хету, пхассо хетусамуппанно… пхассо хету, ведана̄ хетусамуппанна̄… ведана̄ хету, тан̣ха̄ хетусамуппанна̄… тан̣ха̄ хету, упа̄да̄нам̣ хетусамуппаннам̣… упа̄да̄нам̣ хету, бхаво хетусамуппанно… бхаво хету, джа̄ти хетусамуппанна̄… джа̄ти хету, джара̄маран̣ам̣ хетусамуппаннам̣. убхопете дхамма̄ хетусамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ джа̄ти хету, джара̄маран̣ам̣ хетусамуппаннам̣. убхопете дхамма̄ хетусамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

авиджджа̄ пат̣ичча̄, сан̇кха̄ра̄ пат̣иччасамуппанна̄. убхопете дхамма̄ пат̣иччасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ авиджджа̄ пат̣ичча̄, сан̇кха̄ра̄ пат̣иччасамуппанна̄. убхопете дхамма̄ пат̣иччасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

сан̇кха̄ра̄ пат̣ичча̄, вин̃н̃а̄н̣ам̣ пат̣иччасамуппаннам̣…пе… вин̃н̃а̄н̣ам̣ пат̣ичча̄, на̄марӯпам̣ пат̣иччасамуппаннам̣… на̄марӯпам̣ пат̣ичча̄, сал̣а̄йатанам̣ пат̣иччасамуппаннам̣… сал̣а̄йатанам̣ пат̣ичча̄, пхассо пат̣иччасамуппанно… пхассо пат̣ичча̄, ведана̄ пат̣иччасамуппанна̄… ведана̄ пат̣ичча̄, тан̣ха̄ пат̣иччасамуппанна̄… тан̣ха̄ пат̣ичча̄, упа̄да̄нам̣ пат̣иччасамуппаннам̣… упа̄да̄нам̣ пат̣ичча̄, бхаво пат̣иччасамуппанно… бхаво пат̣ичча̄, джа̄ти пат̣иччасамуппанна̄… джа̄ти пат̣ичча̄, джара̄маран̣ам̣ пат̣иччасамуппаннам̣. убхопете дхамма̄ пат̣иччасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ джа̄ти пат̣ичча̄, джара̄маран̣ам̣ пат̣иччасамуппаннам̣. убхопете дхамма̄ пат̣иччасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

авиджджа̄ паччайо, сан̇кха̄ра̄ паччайасамуппанна̄. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ авиджджа̄ паччайо, сан̇кха̄ра̄ паччайасамуппанна̄. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

сан̇кха̄ра̄ паччайа̄, вин̃н̃а̄н̣ам̣ паччайасамуппаннам̣…пе… вин̃н̃а̄н̣ам̣ паччайо, на̄марӯпам̣ паччайасамуппаннам̣… на̄марӯпам̣ паччайо, сал̣а̄йатанам̣ паччайасамуппаннам̣… сал̣а̄йатанам̣ паччайо, пхассо паччайасамуппанно… пхассо паччайо, ведана̄ паччайасамуппанна̄… ведана̄ паччайо, тан̣ха̄ паччайасамуппанна̄… тан̣ха̄ паччайо, упа̄да̄нам̣ паччайасамуппаннам̣… упа̄да̄нам̣ паччайо, бхаво паччайасамуппанно… бхаво паччайо, джа̄ти паччайасамуппанна̄… джа̄ти паччайо, джара̄маран̣ам̣ паччайасамуппаннам̣. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣. атӣтампи аддха̄нам̣… ана̄гатампи аддха̄нам̣ джа̄ти паччайо, джара̄маран̣ам̣ паччайасамуппаннам̣. убхопете дхамма̄ паччайасамуппанна̄ти – паччайапариггахе пан̃н̃а̄ дхаммат̣т̣хитин̃а̄н̣ам̣.

47. пуримакаммабхавасмим̣ мохо авиджджа̄, а̄йӯхана̄ сан̇кха̄ра̄, никанти тан̣ха̄, упагаманам̣ упа̄да̄нам̣, четана̄ бхаво. име пан̃ча дхамма̄ пуримакаммабхавасмим̣ идха пат̣исандхийа̄ паччайа̄. идха пат̣исандхи вин̃н̃а̄н̣ам̣, окканти на̄марӯпам̣, паса̄до а̄йатанам̣, пхут̣т̣хо пхассо, ведайитам̣ ведана̄. име пан̃ча дхамма̄ идхупапаттибхавасмим̣ пурекатасса каммасса паччайа̄. идха парипаккатта̄ а̄йатана̄нам̣ мохо авиджджа̄, а̄йӯхана̄ сан̇кха̄ра̄, никанти тан̣ха̄ упагаманам̣ упа̄да̄нам̣, четана̄ бхаво. име пан̃ча дхамма̄ идха каммабхавасмим̣ а̄йатим̣ пат̣исандхийа̄ паччайа̄. а̄йатим̣ пат̣исандхи вин̃н̃а̄н̣ам̣, окканти на̄марӯпам̣, паса̄до а̄йатанам̣, пхут̣т̣хо пхассо, ведайитам̣ ведана̄. име пан̃ча дхамма̄ а̄йатим̣ упапаттибхавасмим̣ идха катасса каммасса паччайа̄. итиме чатусан̇кхепе тайо аддхе тисандхим̣ вӣсатийа̄ а̄ка̄рехи пат̣иччасамуппа̄дам̣ джа̄на̄ти пассати ан̃н̃а̄ти пат̣ивиджджхати. там̣ н̃а̄тат̣т̣хена н̃а̄н̣ам̣, паджа̄нанат̣т̣хена пан̃н̃а̄. тена вуччати – ‘‘паччайапариггахе пан̃н̃а̄ дхаммат̣т̣хитин̃а̄н̣ам̣’’.

дхаммат̣т̣хитин̃а̄н̣аниддесо чатуттхо.