35. паринибба̄нан̃а̄н̣аниддесо

86. катхам̣ сампаджа̄насса паваттапарийа̄да̄не пан̃н̃а̄ паринибба̄не н̃а̄н̣ам̣? идха сампаджа̄но неккхаммена ка̄маччхандасса паваттам̣ парийа̄дийати, абйа̄па̄дена бйа̄па̄дасса паваттам̣ парийа̄дийати, а̄локасан̃н̃а̄йа тхинамиддхасса паваттам̣ парийа̄дийати, авиккхепена уддхаччасса паваттам̣ парийа̄дийати, дхаммававаттха̄нена вичикиччха̄йа…пе… н̃а̄н̣ена авиджджа̄йа… па̄моджджена аратийа̄ … пат̣хамена джха̄нена нӣваран̣а̄нам̣ паваттам̣ парийа̄дийати…пе… арахаттамаггена саббакилеса̄нам̣ паваттам̣ парийа̄дийати.

атха ва̄ пана сампаджа̄насса анупа̄дисеса̄йа нибба̄надха̄туйа̄ паринибба̄йантасса идан̃чева чаккхупаваттам̣ парийа̄дийати, ан̃н̃ан̃ча чаккхупаваттам̣ на уппаджджати. идан̃чева сотапаваттам̣…пе… гха̄напаваттам̣… дживха̄паваттам̣… ка̄йапаваттам̣… манопаваттам̣ парийа̄дийати, ан̃н̃ан̃ча манопаваттам̣ на уппаджджати. идам̣ сампаджа̄насса паваттапарийа̄да̄не пан̃н̃а̄ паринибба̄не н̃а̄н̣ам̣. там̣ н̃а̄тат̣т̣хена н̃а̄н̣ам̣, паджа̄нанат̣т̣хена пан̃н̃а̄. тена вуччати – ‘‘сампаджа̄насса паваттапарийа̄да̄не пан̃н̃а̄ паринибба̄не н̃а̄н̣ам̣’’.

паринибба̄нан̃а̄н̣аниддесо пан̃чатим̣сатимо.