1-10. чаккхусутта̄диван̣н̣ана̄

302-311. оккантасам̣йутте адхимуччатӣти саддха̄дхимоккхам̣ пат̣илабхати. окканто самматтанийа̄манти павит̣т̣хо арийамаггам̣. абхаббо ча та̄ва ка̄лам̣ ка̄тунти имина̄ уппанне магге пхаласса анантара̄йатам̣ дӣпети. уппаннасмин̃хи магге пхаласса антара̄йакаран̣ам̣ на̄ма наттхи. тенева̄ха – ‘‘айан̃ча пуггало сота̄паттипхаласаччхикирийа̄йа пат̣ипанно асса, каппасса ча уд̣д̣айханавела̄ асса, нева та̄ва каппо уд̣д̣айхеййа, йа̄ва̄йам̣ пуггало на сота̄паттипхалам̣ саччхикароти, айам̣ вуччати пуггало т̣хитакаппӣ’’ти (пу. па. 17). маттасо ниджджха̄нам̣ кхамантӣти пама̄н̣ато олоканам̣ кхаманти. сесам̣ саббаттха утта̄намева̄ти.

оккантасам̣йуттаван̣н̣ана̄ нит̣т̣хита̄.