1. ма̄расуттаван̣н̣ана̄

160. ра̄дхасам̣йуттасса пат̣хаме ма̄ро ва̄ асса̄ти маран̣ам̣ ва̄ бхавеййа. ма̄рета̄ ва̄ти ма̄ретаббо ва̄. йо ва̄ пана мӣйатӣти йо ва̄ пана марати. ниббидаттханти ниббида̄н̃а̄н̣аттхам̣. нибба̄наттха̄ти пхалавимутти на̄меса̄ анупа̄да̄нибба̄наттха̄ти аттхо. аччайа̄сӣти атиккантоси. нибба̄ногадханти нибба̄не патит̣т̣хитам̣. идам̣ маггабрахмачарийам̣ на̄ма нибба̄наббхантаре вуссати, на нибба̄нам̣ атиккамитва̄ти аттхо. нибба̄напарийоса̄нанти нибба̄нам̣ асса парийоса̄нам̣, ниппхатти нит̣т̣ха̄ти аттхо. пат̣хамам̣.