5. окилинӣсуттаван̣н̣ана̄

216. окилинӣваттхусмим̣ уппаккам̣ окилиним̣ окирининти са̄ кира ан̇га̄рачитаке нипанна̄ виппхандама̄на̄ випариваттама̄на̄ паччати, тасма̄ уппакка̄ чева хоти ун̣хена аггина̄ паккасарӣра̄, окилинӣ ча килиннасарӣра̄, биндӯнисса̄ сарӣрато паггхаранти, окиринӣ ча ан̇га̄расампарикин̣н̣а̄. тасса̄ хи хет̣т̣хатопи ким̣сукапуппхаван̣н̣а̄ ан̇га̄ра̄, убхайапассесупи, а̄ка̄сатописса̄ упари патанти. тена вуттам̣ – ‘‘уппаккам̣ окилиним̣ окирини’’нти. са̄ исса̄паката̄ сапаттим̣ ан̇га̄ракат̣а̄хена окирӣти тасса кира ран̃н̃о ека̄ на̄т̣акинӣ ан̇га̄ракат̣а̄хам̣ самӣпе т̣хапетва̄ гаттато удакам̣ пун̃чхати, па̄н̣ина̄ ча седам̣ кароти. ра̄джа̄пи та̄йа саддхим̣ катхан̃ча кароти, паритут̣т̣ха̄ка̄ран̃ча дассети. аггамахесӣ там̣ асахама̄на̄ исса̄паката̄ хутва̄ ачирапаккантасса ран̃н̃о там̣ ан̇га̄ракат̣а̄хам̣ гахетва̄ тасса̄ упари ан̇га̄ре окири. са̄ там̣ каммам̣ катва̄ та̄дисам̣йева випа̄кам̣ паччанубхавитум̣ петалоке ниббатта̄. пан̃чамам̣.