9. пат̣хамасукка̄суттаван̣н̣ана̄

243. наваме ратхика̄йа ратхиканти екам̣ ратхикам̣ гахетва̄ тато апарам̣ гаччханто ратхика̄йа ратхикам̣ упасан̇каманто на̄ма хоти. син̇гха̄т̣акепи есева найо. еттха ча ратхика̄ти раччха̄. син̇гха̄т̣аканти чатуккам̣. ким̣ ме ката̄ти ким̣ име ката̄? ким̣ каронтӣти аттхо. мадхупӣта̄ва сейарети гандхамадхупа̄нам̣ пӣта̄ вийа сайанти. гандхамадхупа̄нам̣ пӣто кира сӣсам̣ уккхипитум̣ на саккоти, асан̃н̃ӣ хутва̄ сайатева. тасма̄ евама̄ха.

тан̃ча пана аппат̣ива̄нӣйанти тан̃ча пана дхаммам̣ аппат̣ива̄нӣйам̣ десети. ба̄хиракан̃хи сумадхурампи бходжанам̣ пунаппунам̣ бхун̃джантасса на руччати, ‘‘апанетха, ким̣ имина̄’’ти? пат̣ива̄нетаббам̣ апанетаббам̣ хоти, на евамайам̣ дхаммо. имам̣ хи дхаммам̣ пан̣д̣ита̄ вассасатампи вассасахассампи сун̣анта̄ титтим̣ на гаччханти. тена̄ха ‘‘аппат̣ива̄нӣйа’’нти. асечанакамоджаванти ана̄ситтакам̣ оджавантам̣. йатха̄ хи ба̄хира̄ни асамбхиннапа̄йа̄са̄дӣнипи саппимадхусаккхара̄хи а̄ситта̄ни йоджита̄нева мадхура̄ни оджаванта̄ни хонти, на евамайам̣ дхаммо. айам̣ хи аттано дхаммата̄йа мадхуро чева оджава̄ ча, на ан̃н̃ена упаситто. тена̄ха ‘‘асечанакамоджава’’нти. пиванти ман̃н̃е саппан̃н̃а̄ти пан̣д̣итапуриса̄ пиванти вийа. вала̄хакамева пантхагӯти вала̄хакантарато никкхантаудакам̣ гхамма̄бхитатта̄ патхика̄ вийа. навамам̣.