1. пат̣хамаага̄рийавима̄наван̣н̣ана̄

йатха̄ ванам̣ читталатам̣ пабха̄сатӣти ага̄рийавима̄нам̣. тасса ка̄ уппатти? бхагава̄ ра̄джагахе вихарати вел̣уване. тена самайена ра̄джагахе екам̣ кулам̣ убхатопасаннам̣ хоти сӣла̄ча̄расампаннам̣ опа̄набхӯтам̣ бхиккхӯнам̣ бхиккхунӣнам̣. те две джайампатика̄ ратанаттайам̣ уддисса йа̄ваджӣвам̣ пун̃н̃а̄ни катва̄ тато чута̄ та̄ватим̣сесу ниббаттим̣су, тесам̣ два̄дасайоджаникам̣ канакавима̄нам̣ ниббатти. те таттха диббасампаттим̣ анубхаванти. атха̄йасма̄ маха̄моггалла̄нотиа̄ди хет̣т̣ха̄ вуттанайенева ведитаббам̣.

1048. ‘‘йатха̄ ванам̣ читталатам̣ пабха̄сати, уййа̄насет̣т̣хам̣ тидаса̄намуттамам̣;

татхӯпамам̣ туйхамидам̣ вима̄нам̣, обха̄сайам̣ тит̣т̣хати анталиккхе.

1049. ‘‘девиддхипаттоси маха̄нубха̄во, мануссабхӯто кимака̄си пун̃н̃ам̣;

кена̄си евам̣ джалита̄нубха̄во, ван̣н̣о ча те саббадиса̄ пабха̄сатӣ’’ти. –

тхеро пуччхи.

1050. ‘‘со девапутто аттамано, моггалла̄нена пуччхито;

пан̃хам̣ пут̣т̣хо вийа̄ка̄си, йасса каммассидам̣ пхалам̣’’.

1051. ‘‘ахан̃ча бхарийа̄ ча мануссалоке, опа̄набхӯта̄ гхарама̄васимха;

аннан̃ча па̄нан̃ча пасанначитта̄, саккачча да̄нам̣ випулам̣ адамха.

1052. ‘‘тена мета̄дисо ван̣н̣о…пе…

ван̣н̣о ча ме саббадиса̄ пабха̄сатӣ’’ти. –

аттано сампаттим̣ бйа̄ка̄си. га̄тха̄супи апуббам̣ наттхи.

пат̣хамаага̄рийавима̄наван̣н̣ана̄ нит̣т̣хита̄.