10. адхикаран̣асаматхасуттаван̣н̣ана̄

84. дасаме адхикаран̣а̄ни саменти вӯпасаментӣти адхикаран̣асаматха̄. уппаннуппанна̄нанти уппанна̄нам̣ уппанна̄нам̣. адхикаран̣а̄нанти вива̄да̄дхикаран̣ам̣ анува̄да̄дхикаран̣ам̣ а̄патта̄дхикаран̣ам̣ кичча̄дхикаран̣анти имесам̣ чатуннам̣. саматха̄йа вӯпасама̄йа̄ти саматхаттхан̃чева вӯпасаманаттхан̃ча. саммукха̄винайо да̄таббо…пе… тин̣аваттха̄ракоти име сатта саматха̄ да̄табба̄. тесам̣ виниччхайо винайасам̣ван̣н̣анато (чӯл̣ава. ат̣т̣ха. 186-187 а̄дайо) гахетаббо. апича дӣгханика̄йе сан̇гӣтисуттаван̣н̣ана̄йампи (дӣ. ни. ат̣т̣ха. 3.331 адхикаран̣асаматхасаттакаван̣н̣ана̄) виттха̄ритойева, татха̄ маджджхиманика̄йе са̄мага̄масуттаван̣н̣ана̄йа̄ти (ма. ни. ат̣т̣ха. 3.46).

винайавагго ат̣т̣хамо.