8. поттхакасуттаван̣н̣ана̄

100. ат̣т̣хаме навоти каран̣ам̣ упа̄да̄йа вуччати. поттхакоти ва̄камайаваттхам̣. маджджхимоти парибхогамаджджхимо. джин̣н̣оти парибхогаджин̣н̣о. уккхалипаримаджджананти уккхалипарипун̃чханам̣ дуссӣлоти ниссӣло. дуббан̣н̣ата̄йа̄ти гун̣аван̣н̣а̄бха̄вена дуббан̣н̣ата̄йа. дит̣т̣ха̄нугатим̣ а̄паджджантӣти тена катам̣ анукаронти. на махаппхалам̣ хотӣти випа̄капхалена махаппхалам̣ на хоти. на маха̄нисам̣санти випа̄ка̄нисам̣сенева на маха̄нисам̣сам̣. аппаггхата̄йа̄ти випа̄каггхена аппаггхата̄йа. ка̄сикам̣ ваттханти тӣхи каппа̄саам̣сӯхи суттам̣ кантитва̄ катаваттхам̣, тан̃ча кхо ка̄сират̣т̣хейева ут̣т̣хитам̣. сесам̣ утта̄намева. сӣлам̣ панеттха миссакам̣ катхитанти.