1. ачча̄йикасуттаван̣н̣ана̄

93. пан̃чамасса пат̣хаме ачча̄йика̄нӣти атипа̄тика̄ни. каран̣ӣйа̄нӣти авассакичча̄ни. йан̃хи на авассам̣ ка̄таббам̣, там̣ киччанти вуччати. авассам̣ ка̄таббам̣ каран̣ӣйам̣ на̄ма. сӣгхам̣ сӣгханти вегена вегена. тасса кхо танти еттха танти нипа̄таматтам̣. наттхи са̄ иддхи ва̄ а̄нубха̄во ва̄ти са̄ ва̄ иддхи со ва̄ а̄нубха̄во наттхи. уттарасвети татийадивасе. утупарин̣а̄минӣти ладдхаутупарин̣а̄ма̄ни хутва̄. джа̄йантипӣти татийадивасе никкхантасетан̇кура̄ни хонти, сатта̄хе патте нӣлан̇кура̄ни хонти. габбхӣнипи хонтӣти дийад̣д̣хама̄сам̣ патва̄ гахитагаббха̄ни хонти. паччантипӣти тайо ма̄се патва̄ паччанти. ида̄ни йасма̄ буддха̄нам̣ гахапатикена ва̄ сассехи ва̄ аттхо наттхи, са̄сане пана таппат̣ирӯпакам̣ пуггалам̣ ва̄ аттхам̣ ва̄ дассетум̣ там̣ там̣ опаммам̣ а̄харанти. тасма̄ йаматтхам̣ дассетука̄мена етам̣ а̄бхатам̣, там̣ дассенто евамева кхотиа̄дима̄ха. там̣ аттхато утта̄намева. сиккха̄ пана идха̄пи миссика̄ ева катхита̄.