6. атӣта̄на̄гатава̄ро

(ка) ануломам̣

475. (ка) йо чаккхундрийам̣ париджа̄ниттха со доманассиндрийам̣ паджахиссатӣти? но.

(кха) йо ва̄ пана доманассиндрийам̣ паджахиссати со чаккхундрийам̣ париджа̄ниттха̄ти? но.

(ка) йо чаккхундрийам̣ париджа̄ниттха со анан̃н̃а̄тан̃н̃асса̄мӣтиндрийам̣ бха̄вессатӣти? но.

(кха) йо ва̄ пана анан̃н̃а̄тан̃н̃асса̄мӣтиндрийам̣ бха̄вессати со чаккхундрийам̣ париджа̄ниттха̄ти? но.

(ка) йо чаккхундрийам̣ париджа̄ниттха со ан̃н̃индрийам̣ бха̄вессатӣти? но.

(кха) йо ва̄ пана ан̃н̃индрийам̣ бха̄вессати со чаккхундрийам̣ париджа̄ниттха̄ти? но.

(ка) йо чаккхундрийам̣ париджа̄ниттха со ан̃н̃а̄та̄виндрийам̣ саччхикариссатӣти? но.

(кха) йо ва̄ пана ан̃н̃а̄та̄виндрийам̣ саччхикариссати со чаккхундрийам̣ париджа̄ниттха̄ти? но. (чаккхундрийамӯлакам̣)

476. (ка) йо доманассиндрийам̣ паджахиттха со анан̃н̃а̄тан̃н̃асса̄мӣтиндрийам̣ бха̄вессатӣти? но.

(кха) йо ва̄ пана анан̃н̃а̄тан̃н̃асса̄мӣтиндрийам̣ бха̄вессати со доманассиндрийам̣ паджахиттха̄ти? но.

(ка) йо доманассиндрийам̣ паджахиттха со ан̃н̃индрийам̣ бха̄вессатӣти?

две пуггала̄ доманассиндрийам̣ паджахиттха, но ча ан̃н̃индрийам̣ бха̄вессанти. ана̄га̄мӣ доманассиндрийан̃ча паджахиттха ан̃н̃индрийан̃ча бха̄вессати.

(кха) йо ва̄ пана ан̃н̃индрийам̣ бха̄вессати со доманассиндрийам̣ паджахиттха̄ти?

чха пуггала̄ ан̃н̃индрийам̣ бха̄вессанти, но ча доманассиндрийам̣ паджахиттха. ана̄га̄мӣ ан̃н̃индрийан̃ча бха̄вессати доманассиндрийан̃ча паджахиттха.

(ка) йо доманассиндрийам̣ паджахиттха со ан̃н̃а̄та̄виндрийам̣ саччхикариссатӣти?

араха̄ доманассиндрийам̣ паджахиттха, но ча ан̃н̃а̄та̄виндрийам̣ саччхикариссати. две пуггала̄ доманассиндрийан̃ча паджахиттха ан̃н̃а̄та̄виндрийан̃ча саччхикариссанти.

(кха) йо ва̄ пана ан̃н̃а̄та̄виндрийам̣ саччхикариссати со доманассиндрийам̣ паджахиттха̄ти?

чха пуггала̄ ан̃н̃а̄та̄виндрийам̣ саччхикариссанти, но ча доманассиндрийам̣ паджахиттха. две пуггала̄ ан̃н̃а̄та̄виндрийан̃ча саччхикариссанти доманассиндрийан̃ча паджахиттха. (доманассиндрийамӯлакам̣)

477. (ка) йо анан̃н̃а̄тан̃н̃асса̄мӣтиндрийам̣ бха̄виттха со ан̃н̃индрийам̣ бха̄вессатӣти?

две пуггала̄ анан̃н̃а̄тан̃н̃асса̄мӣтиндрийам̣ бха̄виттха, но ча ан̃н̃индрийам̣ бха̄вессанти. пан̃ча пуггала̄ анан̃н̃а̄тан̃н̃асса̄мӣтиндрийан̃ча бха̄виттха ан̃н̃индрийан̃ча бха̄вессанти.

(кха) йо ва̄ пана ан̃н̃индрийам̣ бха̄вессати. со анан̃н̃а̄тан̃н̃асса̄мӣтиндрийам̣ бха̄виттха̄ти?

две пуггала̄ ан̃н̃индрийам̣ бха̄вессанти но ча анан̃н̃а̄тан̃н̃асса̄мӣтиндрийам̣ бха̄виттха. тайо пуггала̄ ан̃н̃индрийан̃ча бха̄вессанти анан̃н̃а̄тан̃н̃асса̄мӣтиндрийан̃ча бха̄виттха.

(ка) йо анан̃н̃а̄тан̃н̃асса̄мӣтиндрийам̣ бха̄виттха со ан̃н̃а̄та̄виндрийам̣ саччхикариссатӣти?

араха̄ анан̃н̃а̄тан̃н̃асса̄мӣтиндрийам̣ бха̄виттха, но ча ан̃н̃а̄та̄виндрийам̣ саччхикариссати. чха пуггала̄ анан̃н̃а̄тан̃н̃асса̄мӣтиндрийан̃ча бха̄виттха ан̃н̃а̄та̄виндрийан̃ча саччхикариссанти.

(кха) йо ва̄ пана ан̃н̃а̄та̄виндрийам̣ саччхикариссати со анан̃н̃а̄тан̃н̃асса̄мӣтиндрийам̣ бха̄виттха̄ти?

две пуггала̄ ан̃н̃а̄та̄виндрийам̣ саччхикариссанти, но ча анан̃н̃а̄тан̃н̃асса̄мӣтиндрийам̣ бха̄виттха. чха пуггала̄ ан̃н̃а̄та̄виндрийан̃ча саччхикариссанти анан̃н̃а̄тан̃н̃асса̄мӣтиндрийан̃ча бха̄виттха. (анан̃н̃а̄тан̃н̃асса̄мӣтиндрийамӯлакам̣)

478. (ка) йо ан̃н̃индрийам̣ бха̄виттха со ан̃н̃а̄та̄виндрийам̣ саччхикариссатӣти? но.

(кха) йо ва̄ пана ан̃н̃а̄та̄виндрийам̣ саччхикариссати со ан̃н̃индрийам̣ бха̄виттха̄ти? но. (ан̃н̃индрийамӯлакам̣)

(кха) паччанӣкам̣

479. (ка) йо чаккхундрийам̣ на париджа̄ниттха со доманассиндрийам̣ наппаджахиссатӣти?

пан̃ча пуггала̄ чаккхундрийам̣ на париджа̄ниттха, но ча доманассиндрийам̣ наппаджахиссанти. чатта̄ро пуггала̄ чаккхундрийан̃ча на париджа̄ниттха доманассиндрийан̃ча наппаджахиссанти.

(кха) йо ва̄ пана доманассиндрийам̣ наппаджахиссати со чаккхундрийам̣ на париджа̄ниттха̄ти?

араха̄ доманассиндрийам̣ наппаджахиссати, но ча чаккхундрийам̣ на париджа̄ниттха. чатта̄ро пуггала̄ доманассиндрийан̃ча наппаджахиссанти чаккхундрийан̃ча на париджа̄ниттха.

(ка) йо чаккхундрийам̣ на париджа̄ниттха со анан̃н̃а̄тан̃н̃асса̄мӣтиндрийам̣ на бха̄вессатӣти?

йе путхуджджана̄ маггам̣ пат̣илабхиссанти те чаккхундрийам̣ на париджа̄ниттха, но ча анан̃н̃а̄тан̃н̃асса̄мӣтиндрийам̣ на бха̄вессанти. ат̣т̣ха пуггала̄ чаккхундрийан̃ча на париджа̄ниттха анан̃н̃а̄тан̃н̃асса̄мӣтиндрийан̃ча на бха̄вессанти.

(кха) йо ва̄ пана анан̃н̃а̄тан̃н̃асса̄мӣтиндрийам̣ на бха̄вессати со чаккхундрийам̣ на париджа̄ниттха̄ти?

араха̄ анан̃н̃а̄тан̃н̃асса̄мӣтиндрийам̣ на бха̄вессати, но ча чаккхундрийам̣ на париджа̄ниттха. ат̣т̣ха пуггала̄ анан̃н̃а̄тан̃н̃асса̄мӣтиндрийан̃ча на бха̄вессанти чаккхундрийан̃ча на париджа̄ниттха.

(ка) йо чаккхундрийам̣ на париджа̄ниттха со ан̃н̃индрийам̣ на бха̄вессатӣти?

сатта пуггала̄ чаккхундрийам̣ на париджа̄ниттха, но ча ан̃н̃индрийам̣ на бха̄вессанти. две пуггала̄ чаккхундрийан̃ча на париджа̄ниттха ан̃н̃индрийан̃ча на бха̄вессанти.

(кха) йо ва̄ пана ан̃н̃индрийам̣ на бха̄вессати со чаккхундрийам̣ на париджа̄ниттха̄ти?

араха̄ ан̃н̃индрийам̣ на бха̄вессати, но ча чаккхундрийам̣ на париджа̄ниттха. две пуггала̄ ан̃н̃индрийан̃ча на бха̄вессанти чаккхундрийан̃ча на париджа̄ниттха.

(ка) йо чаккхундрийам̣ на париджа̄ниттха со ан̃н̃а̄та̄виндрийам̣ на саччхикариссатӣти?

ат̣т̣ха пуггала̄ чаккхундрийам̣ на париджа̄ниттха, но ча ан̃н̃а̄та̄виндрийам̣ на саччхикариссанти. йе путхуджджана̄ маггам̣ на пат̣илабхиссанти те чаккхундрийан̃ча на париджа̄ниттха ан̃н̃а̄та̄виндрийан̃ча на саччхикариссанти.

(кха) йо ва̄ пана ан̃н̃а̄та̄виндрийам̣ на саччхикариссати со чаккхундрийам̣ на париджа̄ниттха̄ти?

араха̄ ан̃н̃а̄та̄виндрийам̣ на саччхикариссати, но ча чаккхундрийам̣ на париджа̄ниттха. йе путхуджджана̄ маггам̣ на пат̣илабхиссанти те ан̃н̃а̄та̄виндрийан̃ча на саччхикариссанти чаккхундрийан̃ча на париджа̄ниттха. (чаккхундрийамӯлакам̣)

480. (ка) йо доманассиндрийам̣ наппаджахиттха со анан̃н̃а̄тан̃н̃асса̄мӣтиндрийам̣ на бха̄вессатӣти?

йе путхуджджана̄ маггам̣ пат̣илабхиссанти те доманассиндрийам̣ наппаджахиттха, но ча анан̃н̃а̄тан̃н̃асса̄мӣтиндрийам̣ на бха̄вессанти. чха пуггала̄ доманассиндрийан̃ча наппаджахиттха анан̃н̃а̄тан̃н̃асса̄мӣтиндрийан̃ча на бха̄вессанти.

(кха) йо ва̄ пана анан̃н̃а̄тан̃н̃асса̄мӣтиндрийам̣ на бха̄вессати со доманассиндрийам̣ наппаджахиттха̄ти?

тайо пуггала̄ анан̃н̃а̄тан̃н̃асса̄мӣтиндрийам̣ на бха̄вессанти, но ча доманассиндрийам̣ наппаджахиттха. чха пуггала̄ анан̃н̃а̄тан̃н̃асса̄мӣтиндрийан̃ча на бха̄вессанти доманассиндрийан̃ча наппаджахиттха.

(ка) йо доманассиндрийам̣ наппаджахиттха со ан̃н̃индрийам̣ на бха̄вессатӣти?

чха пуггала̄ доманассиндрийам̣ наппаджахиттха, но ча ан̃н̃индрийам̣ на бха̄вессанти. йе путхуджджана̄ маггам̣ на пат̣илабхиссанти те доманассиндрийан̃ча наппаджахиттха ан̃н̃индрийан̃ча на бха̄вессанти.

(кха) йо ва̄ пана ан̃н̃индрийам̣ на бха̄вессати со доманассиндрийам̣ наппаджахиттха̄ти?

две пуггала̄ ан̃н̃индрийам̣ на бха̄вессанти, но ча доманассиндрийам̣ наппаджахиттха. йе путхуджджана̄ маггам̣ на пат̣илабхиссанти те ан̃н̃индрийан̃ча на бха̄вессанти доманассиндрийан̃ча наппаджахиттха.

(ка) йо доманассиндрийам̣ наппаджджахиттха со ан̃н̃а̄та̄виндрийам̣ на саччхикариссатӣти?

чха пуггала̄ доманассиндрийам̣ наппаджахиттха, но ча ан̃н̃а̄та̄виндрийам̣ на саччхикариссанти. йе путхуджджана̄ маггам̣ на пат̣илабхиссанти те доманассиндрийан̃ча наппаджахиттха ан̃н̃а̄та̄виндрийан̃ча на саччхикариссанти.

(кха) йо ва̄ пана ан̃н̃а̄та̄виндрийам̣ на саччхикариссати со доманассиндрийам̣ наппаджахиттха̄ти?

араха̄ ан̃н̃а̄та̄виндрийам̣ на саччхикариссати, но ча доманассиндрийам̣ наппаджахиттха. йе путхуджджана̄ маггам̣ на пат̣илабхиссанти те ан̃н̃а̄та̄виндрийан̃ча на саччхикариссанти доманассиндрийан̃ча наппаджахиттха. (доманассиндрийамӯлакам̣)

481. (ка) йо анан̃н̃а̄тан̃н̃асса̄мӣтиндрийам̣ на бха̄виттха со ан̃н̃индрийам̣ на бха̄вессатӣти?

две пуггала̄ анан̃н̃а̄тан̃н̃асса̄мӣтиндрийам̣ на бха̄виттха, но ча ан̃н̃индрийам̣ на бха̄вессанти. йе путхуджджана̄ маггам̣ на пат̣илабхиссанти те анан̃н̃а̄тан̃н̃асса̄мӣтиндрийан̃ча на бха̄виттха ан̃н̃индрийан̃ча на бха̄вессанти.

(кха) йо ва̄ пана ан̃н̃индрийам̣ на бха̄вессати со анан̃н̃а̄тан̃н̃асса̄мӣтиндрийам̣ на бха̄виттха̄ти?

две пуггала̄ ан̃н̃индрийам̣ на бха̄вессанти, но ча анан̃н̃а̄тан̃н̃асса̄мӣтиндрийам̣ на бха̄виттха. йе путхуджджана̄ маггам̣ на пат̣илабхиссанти те ан̃н̃индрийан̃ча на бха̄вессанти анан̃н̃а̄тан̃н̃асса̄мӣтиндрийан̃ча на бха̄виттха.

(ка) йо анан̃н̃а̄тан̃н̃асса̄мӣтиндрийам̣ на бха̄виттха со ан̃н̃а̄та̄виндрийам̣ на саччхикариссатӣти?

две пуггала̄ анан̃н̃а̄тан̃н̃асса̄мӣтиндрийам̣ на бха̄виттха, но ча ан̃н̃а̄та̄виндрийам̣ на саччхикариссанти. йе путхуджджана̄ маггам̣ на пат̣илабхиссанти те анан̃н̃а̄тан̃н̃асса̄мӣтиндрийан̃ча на бха̄виттха ан̃н̃а̄та̄виндрийан̃ча на саччхикариссанти.

(кха) йо ва̄ пана ан̃н̃а̄та̄виндрийам̣ на саччхикариссати со анан̃н̃а̄тан̃н̃асса̄мӣтиндрийам̣ на бха̄виттха̄ти?

араха̄ ан̃н̃а̄та̄виндрийам̣ на саччхикариссати, но ча анан̃н̃а̄тан̃н̃асса̄мӣтиндрийам̣ на бха̄виттха. йе путхуджджана̄ маггам̣ на пат̣илабхиссанти те ан̃н̃а̄та̄виндрийан̃ча на саччхикариссанти анан̃н̃а̄тан̃н̃асса̄мӣтиндрийан̃ча на бха̄виттха. (анан̃н̃а̄тан̃н̃асса̄мӣтиндрийамӯлакам̣)

482. (ка) йо ан̃н̃индрийам̣ на бха̄виттха со ан̃н̃а̄та̄виндрийам̣ на саччхикариссатӣти?

ат̣т̣ха пуггала̄ ан̃н̃индрийам̣ на бха̄виттха, но ча ан̃н̃а̄та̄виндрийам̣ на саччхикариссанти. йе путхуджджана̄ маггам̣ на пат̣илабхиссанти те ан̃н̃индрийан̃ча на бха̄виттха ан̃н̃а̄та̄виндрийан̃ча на саччхикариссанти.

(кха) йо ва̄ пана ан̃н̃а̄та̄виндрийам̣ на саччхикариссати со ан̃н̃индрийам̣ на бха̄виттха̄ти?

араха̄ ан̃н̃а̄та̄виндрийам̣ на саччхикариссати, но ча ан̃н̃индрийам̣ на бха̄виттха. йе путхуджджана̄ маггам̣ на пат̣илабхиссанти те ан̃н̃а̄та̄виндрийан̃ча на саччхикариссанти ан̃н̃индрийан̃ча на бха̄виттха. (ан̃н̃индрийамӯлакам̣).

парин̃н̃а̄ва̄ро.

индрийайамакам̣ нит̣т̣хитам̣.

йамакапакаран̣ам̣ нит̣т̣хитам̣.