(3) ниродхуппаннава̄ро

65. (ка) йасса читтам̣ нируджджхати тасса читтам̣ уппаннанти? а̄манта̄.

(кха) йасса ва̄ пана читтам̣ уппаннам̣ тасса читтам̣ нируджджхатӣти?

читтасса уппа̄даккхан̣е тесам̣ читтам̣ уппаннам̣, но ча тесам̣ читтам̣ нируджджхати. читтасса бхан̇гаккхан̣е тесам̣ читтам̣ уппаннан̃чева нируджджхати ча.

(ка) йасса читтам̣ на нируджджхати тасса читтам̣ на уппаннанти?

читтасса уппа̄даккхан̣е тесам̣ читтам̣ на нируджджхати, но ча тесам̣ читтам̣ на уппаннам̣. ниродхасама̄панна̄нам̣ асан̃н̃асатта̄нам̣ тесам̣ читтам̣ на чева нируджджхати на ча уппаннам̣.

(кха) йасса ва̄ пана читтам̣ на уппаннам̣ тасса читтам̣ на нируджджхатӣти? а̄манта̄.