(13) нируддханируджджхама̄нава̄ро

82. (ка) нируддхам̣ нируджджхама̄нанти? но.

(кха) нируджджхама̄нам̣ нируддханти? но.

(ка) на нируддхам̣ на нируджджхама̄нанти?

бхан̇гаккхан̣е на нируддхам̣, но ча на нируджджхама̄нам̣. уппа̄даккхан̣е ана̄гатан̃ча читтам̣ на чева нируддхам̣ на ча нируджджхама̄нам̣.

(кха) на нируджджхама̄нам̣ на нируддханти?

атӣтам̣ читтам̣ на нируджджхама̄нам̣, но ча на нируддхам̣. уппа̄даккхан̣е ана̄гатан̃ча читтам̣ на чева нируджджхама̄нам̣ на ча нируддхам̣.

(14) атиккантака̄лава̄ро

83. (ка) йасса читтам̣ уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса читтанти?

бхан̇гаккхан̣е читтам̣ уппа̄даккхан̣ам̣ вӣтаккантам̣ бхан̇гаккхан̣ам̣ авӣтиккантам̣, атӣтам̣ читтам̣ уппа̄даккхан̣ан̃ча вӣтиккантам̣ бхан̇гаккхан̣ан̃ча вӣтиккантам̣.

(кха) йасса ва̄ пана читтам̣ нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса читтанти?

атӣтам̣ читтам̣.

(ка) йасса читтам̣ на уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, на нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса читтанти?

уппа̄даккхан̣е ана̄гатам̣ читтам̣.

(кха) йасса ва̄ пана читтам̣ на нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, на уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса читтанти?

бхан̇гаккхан̣е читтам̣ бхан̇гаккхан̣ам̣ авӣтиккантам̣ но ча уппа̄даккхан̣ам̣ авӣтиккантам̣, уппа̄даккхан̣е ана̄гатан̃ча читтам̣ бхан̇гаккхан̣ан̃ча авӣтиккантам̣ уппа̄даккхан̣ан̃ча авӣтиккантам̣.