3. пуггаладхаммава̄ро

(1) уппа̄даниродхака̄ласамбхедава̄ро

105. (ка) йасса йам̣ читтам̣ уппаджджати на нируджджхати тасса там̣ читтам̣ нируджджхиссати на уппаджджиссатӣти? а̄манта̄.

(кха) йасса ва̄ пана йам̣ читтам̣ нируджджхиссати на уппаджджиссати тасса там̣ читтам̣ уппаджджати на нируджджхатӣти? а̄манта̄.

(ка) йасса йам̣ читтам̣ на уппаджджати нируджджхати тасса там̣ читтам̣ на нируджджхиссати уппаджджиссатӣти? но.

(кха) йасса ва̄ пана йам̣ читтам̣ на нируджджхиссати уппаджджиссати тасса там̣ читтам̣ на уппаджджати нируджджхатӣти? наттхи.

(2) уппа̄дуппаннава̄ро

106. (ка) йасса йам̣ читтам̣ уппаджджати тасса там̣ читтам̣ уппаннанти? а̄манта̄.

(кха) йасса ва̄ пана йам̣ читтам̣ уппаннам̣ тасса там̣ читтам̣ уппаджджатӣти?

бхан̇гаккхан̣е читтам̣ уппаннам̣, но ча тасса там̣ читтам̣ уппаджджати. уппа̄даккхан̣е читтам̣ уппаннан̃чева уппаджджати ча.

(ка) йасса йам̣ читтам̣ на уппаджджати тасса там̣ читтам̣ на уппаннанти?

бхан̇гаккхан̣е читтам̣ на уппаджджати, но ча тасса там̣ читтам̣ на уппаннам̣. атӣта̄на̄гатам̣ читтам̣ на чева уппаджджати на ча уппаннам̣.

(кха) йасса ва̄ пана йам̣ читтам̣ на уппаннам̣ тасса там̣ читтам̣ на уппаджджатӣти? а̄манта̄.

(3) ниродхуппаннава̄ро

107. (ка) йасса йам̣ читтам̣ нируджджхати тасса там̣ читтам̣ уппаннанти? а̄манта̄.

(кха) йасса ва̄ пана йам̣ читтам̣ уппаннам̣ тасса там̣ читтам̣ нируджджхатӣти?

уппа̄даккхан̣е читтам̣ уппаннам̣, но ча тасса там̣ читтам̣ нируджджхати. бхан̇гаккхан̣е читтам̣ уппаннан̃чева нируджджхати ча.

(ка) йасса йам̣ читтам̣ на нируджджхати тасса там̣ читтам̣ на уппаннанти?

уппа̄даккхан̣е читтам̣ на нируджджхати, но ча тасса там̣ читтам̣ на уппаннам̣. атӣта̄на̄гатам̣ читтам̣ на чева нируджджхати на ча уппаннам̣.

(кха) йасса ва̄ пана йам̣ читтам̣ на уппаннам̣ тасса там̣ читтам̣ на нируджджхатӣти? а̄манта̄.

(4) уппа̄дава̄ро

108. (ка) йасса йам̣ читтам̣ уппаджджати тасса там̣ читтам̣ уппаджджиттха̄ти? но.

(кха) йасса ва̄ пана йам̣ читтам̣ уппаджджиттха тасса там̣ читтам̣ уппаджджатӣти? но.

(ка) йасса йам̣ читтам̣ на уппаджджати тасса там̣ читтам̣ на уппаджджиттха̄ти?

атӣтам̣ читтам̣ на уппаджджати, но ча тасса там̣ читтам̣ на уппаджджиттха. бхан̇гаккхан̣е ана̄гатан̃ча читтам̣ на чева уппаджджати на ча уппаджджиттха.

(кха) йасса ва̄ пана йам̣ читтам̣ на уппаджджиттха тасса там̣ читтам̣ на уппаджджатӣти?

уппа̄даккхан̣е читтам̣ на уппаджджиттха, но ча тасса там̣ читтам̣ на уппаджджати. бхан̇гаккхан̣е ана̄гатан̃ча читтам̣ на чева уппаджджиттха на ча уппаджджати.

109. (ка) йасса йам̣ читтам̣ уппаджджати тасса там̣ читтам̣ уппаджджиссатӣти? но.

(кха) йасса ва̄ пана йам̣ читтам̣ уппаджджиссати тасса там̣ читтам̣ уппаджджатӣти? но.

(ка) йасса йам̣ читтам̣ на уппаджджати тасса там̣ читтам̣ на уппаджджиссатӣти?

ана̄гатам̣ читтам̣ на уппаджджати, но ча тасса там̣ читтам̣ на уппаджджиссати. бхан̇гаккхан̣е атӣтан̃ча читтам̣ на чева уппаджджати на ча уппаджджиссати.

(кха) йасса ва̄ пана йам̣ читтам̣ на уппаджджиссати тасса там̣ читтам̣ на уппаджджатӣти?

уппа̄даккхан̣е читтам̣ на уппаджджиссати, но ча тасса там̣ читтам̣ на уппаджджати. бхан̇гаккхан̣е атӣтан̃ча читтам̣ на чева уппаджджиссати на ча уппаджджати.

110. (ка) йасса йам̣ читтам̣ уппаджджиттха тасса там̣ читтам̣ уппаджджиссатӣти? но.

(кха) йасса ва̄ пана йам̣ читтам̣ уппаджджиссати тасса там̣ читтам̣ уппаджджиттха̄ти? но.

(ка) йасса йам̣ читтам̣ на уппаджджиттха тасса там̣ читтам̣ на уппаджджиссатӣти?

ана̄гатам̣ читтам̣ на уппаджджиттха, но ча тасса там̣ читтам̣ на уппаджджиссати. паччуппаннам̣ читтам̣ на чева уппаджджиттха на ча уппаджджиссати.

(кха) йасса ва̄ пана йам̣ читтам̣ на уппаджджиссати тасса там̣ читтам̣ на уппаджджиттха̄ти?

атӣтам̣ читтам̣ на уппаджджиссати, но ча тасса там̣ читтам̣ на уппаджджиттха. паччуппаннам̣ читтам̣ на чева уппаджджиссати на ча уппаджджиттха.

(5) ниродхава̄ро

111. (ка) йасса йам̣ читтам̣ нируджджхати тасса там̣ читтам̣ нируджджхиттха̄ти? но.

(кха) йасса ва̄ пана йам̣ читтам̣ нируджджхиттха тасса там̣ читтам̣ нируджджхатӣти? но.

(ка) йасса йам̣ читтам̣ на нируджджхати тасса там̣ читтам̣ на нируджджхиттха̄ти?

атӣтам̣ читтам̣ на нируджджхати, но ча тасса там̣ читтам̣ на нируджджхиттха. уппа̄даккхан̣е ана̄гатан̃ча читтам̣ на чева нируджджхати на ча нируджджхиттха.

(кха) йасса ва̄ пана йам̣ читтам̣ на нируджджхиттха тасса там̣ читтам̣ на нируджджхатӣти?

бхан̇гаккхан̣е читтам̣ на нируджджхиттха, но ча тасса там̣ читтам̣ на нируджджхати. уппа̄даккхан̣е ана̄гатан̃ча читтам̣ на чева нируджджхиттха на ча нируджджхати.

112. (ка) йасса йам̣ читтам̣ нируджджхати тасса там̣ читтам̣ нируджджхиссатӣти? но.

(кха) йасса ва̄ пана йам̣ читтам̣ нируджджхиссати тасса там̣ читтам̣ нируджджхатӣти? но.

(ка) йасса йам̣ читтам̣ на нируджджхати тасса там̣ читтам̣ на нируджджхиссатӣти?

уппа̄даккхан̣е ана̄гатан̃ча читтам̣ на нируджджхати, но ча тасса там̣ читтам̣ на нируджджхиссати. атӣтам̣ читтам̣ на чева нируджджхати на ча нируджджхиссати.

(кха) йасса ва̄ пана йам̣ читтам̣ на нируджджхиссати тасса там̣ читтам̣ на нируджджхатӣти?

бхан̇гаккхан̣е читтам̣ на нируджджхиссати, но ча тасса там̣ читтам̣ на нируджджхати. атӣтам̣ читтам̣ на чева нируджджхиссати на ча нируджджхати.

113. (ка) йасса йам̣ читтам̣ нируджджхиттха тасса там̣ читтам̣ нируджджхиссатӣти? но.

(кха) йасса ва̄ пана йам̣ читтам̣ нируджджхиссати тасса там̣ читтам̣ нируджджхиттха̄ти? но.

(ка) йасса йам̣ читтам̣ на нируджджхиттха тасса там̣ читтам̣ на нируджджхиссатӣти?

уппа̄даккхан̣е ана̄гатан̃ча читтам̣ на нируджджхиттха, но ча тасса там̣ читтам̣ на нируджджхиссати. бхан̇гаккхан̣е читтам̣ на чева нируджджхиттха на ча нируджджхиссати.

(кха) йасса ва̄ пана йам̣ читтам̣ на нируджджхиссати тасса там̣ читтам̣ на нируджджхиттха̄ти?

атӣтам̣ читтам̣ на нируджджхиссати, но ча тасса там̣ читтам̣ на нируджджхиттха. бхан̇гаккхан̣е читтам̣ на чева нируджджхиссати на ча нируджджхиттха.

(йасса читтаке сакабха̄вена ниддит̣т̣хе, йам̣ читтаке ча йасса йам̣ читтаке ча екаттена ниддит̣т̣хе.)

2. суттантачиттамиссакависесо

114. йасса сара̄гам̣ читтам̣ уппаджджати на нируджджхати тасса сара̄гам̣ читтам̣ нируджджхиссати на уппаджджиссатӣти?

сара̄гапаччхимачиттасса уппа̄даккхан̣е тесам̣ сара̄гам̣ читтам̣ уппаджджати на нируджджхати, нируджджхиссати на уппаджджиссати. итаресам̣ сара̄гачиттасса уппа̄даккхан̣е тесам̣…пе….

3. абхидхаммачиттамиссакависесо

115. йасса кусалам̣ читтам̣ уппаджджати на нируджджхати тасса кусалам̣ читтам̣ нируджджхиссати на уппаджджиссатӣти?

паччхимакусалачиттасса уппа̄даккхан̣е тесам̣ кусалам̣ читтам̣ уппаджджати на нируджджхати, нируджджхиссати на уппаджджиссати. итаресам̣ кусалачиттасса уппа̄даккхан̣е тесам̣…пе….

йасса ва̄ пана…пе…? а̄манта̄ …пе….

116. йасса акусалам̣ читтам̣ уппаджджати на нируджджхати…пе…. йасса абйа̄катам̣ читтам̣ уппаджджати на нируджджхати…пе….

(мӯлайамакам̣ читтайамакам̣ дхаммайамаканти тӣн̣и йамака̄ни йа̄ва саран̣ааран̣а̄ гаччханти.)

читтайамакам̣ нит̣т̣хитам̣.