(2) уппа̄дуппаннава̄ро

85. (ка) йам̣ читтам̣ уппаджджати там̣ читтам̣ уппаннанти? а̄манта̄.

(кха) йам̣ ва̄ пана читтам̣ уппаннам̣ там̣ читтам̣ уппаджджатӣти?

бхан̇гаккхан̣е читтам̣ уппаннам̣, но ча там̣ читтам̣ уппаджджати. уппа̄даккхан̣е читтам̣ уппаннан̃чева уппаджджати ча.

(ка) йам̣ читтам̣ на уппаджджати там̣ читтам̣ на уппаннанти?

бхан̇гаккхан̣е читтам̣ на уппаджджати, но ча там̣ читтам̣ на уппаннам̣. атӣта̄на̄гатам̣ читтам̣ на чева уппаджджати на ча уппаннам̣.

(кха) йам̣ ва̄ пана читтам̣ на уппаннам̣ там̣ читтам̣ на уппаджджатӣти? а̄манта̄.