(10) уппаннуппа̄дава̄ро

99. (ка) йам̣ читтам̣ уппаннам̣ там̣ читтам̣ уппаджджиттха̄ти? но.

(кха) йам̣ ва̄ пана читтам̣ уппаджджиттха там̣ читтам̣ уппаннанти? но.

(ка) йам̣ читтам̣ на уппаннам̣ там̣ читтам̣ на уппаджджиттха̄ти?

атӣтам̣ читтам̣ на уппаннам̣, но ча там̣ читтам̣ на уппаджджиттха. ана̄гатам̣ читтам̣ на чева уппаннам̣ на ча уппаджджиттха.

(кха) йам̣ ва̄ пана читтам̣ на уппаджджиттха там̣ читтам̣ на уппаннанти?

паччуппаннам̣ читтам̣ на уппаджджиттха, но ча там̣ читтам̣ на уппаннам̣. ана̄гатам̣ читтам̣ на чева уппаджджиттха на ча уппаннам̣.

100. (ка) йам̣ читтам̣ уппаннам̣ там̣ читтам̣ уппаджджиссатӣти? но.

(кха) йам̣ ва̄ пана читтам̣ уппаджджиссати там̣ читтам̣ уппаннанти? но.

(ка) йам̣ читтам̣ на уппаннам̣ там̣ читтам̣ на уппаджджиссатӣти?

ана̄гатам̣ читтам̣ на уппаннам̣, но ча там̣ читтам̣ на уппаджджиссати. атӣтам̣ читтам̣ на чева уппаннам̣ на ча уппаджджиссати.

(кха) йам̣ ва̄ пана читтам̣ на уппаджджиссати там̣ читтам̣ на уппаннанти?

паччуппаннам̣ читтам̣ на уппаджджиссати, но ча там̣ читтам̣ на уппаннам̣. атӣтам̣ читтам̣ на чева уппаджджиссати на ча уппаннам̣.