1. падасодханава̄ро

(ка) ануломам̣

10. (ка) дуккхам̣ дуккхасаччанти? а̄манта̄.

(кха) дуккхасаччам̣ дуккханти?

ка̄йикам̣ дуккхам̣ четасикам̣ дуккхам̣ т̣хапетва̄ авасесам̣ дуккхасаччам̣ [авасесам̣ дуккхасаччам̣ дуккхасаччам̣ (сйа̄.) евамупарипи], на дуккхам̣. ка̄йикам̣ дуккхам̣ четасикам̣ дуккхам̣ дуккхан̃чева дуккхасаччан̃ча.

(ка) самудайо самудайасаччанти?

самудайасаччам̣ т̣хапетва̄ авасесо самудайо, на самудайасаччам̣. самудайасаччам̣ самудайо чева самудайасаччан̃ча.

(кха) самудайасаччам̣ самудайоти? а̄манта̄.

(ка) ниродхо ниродхасаччанти?

ниродхасаччам̣ т̣хапетва̄ авасесо ниродхо, на ниродхасаччам̣. ниродхасаччам̣ ниродхо чева ниродхасаччан̃ча.

(кха) ниродхасаччам̣ ниродхоти? а̄манта̄.

(ка) магго маггасаччанти?

маггасаччам̣ т̣хапетва̄ авасесо магго, на маггасаччам̣. маггасаччам̣ магго чева маггасаччан̃ча.

(кха) маггасаччам̣ магготи? а̄манта̄.

(кха) паччанӣкам̣

11. (ка) на дуккхам̣ на дуккхасаччанти?

ка̄йикам̣ дуккхам̣ четасикам̣ дуккхам̣ т̣хапетва̄ авасесам̣ на дуккхам̣ [авасесам̣ дуккхасаччам̣ на дуккхам̣ (сӣ. сйа̄. ка.) евам̣ авасесесу тӣсу саччесу] дуккхасаччам̣. дуккхан̃ча дуккхасаччан̃ча т̣хапетва̄ авасесам̣ на чева дуккхам̣ на ча дуккхасаччам̣.

(кха) на дуккхасаччам̣ на дуккханти? а̄манта̄.

(ка) на самудайо на самудайасаччанти? а̄манта̄.

(кха) на самудайасаччам̣ на самудайоти?

самудайасаччам̣ т̣хапетва̄ авасесо на самудайасаччам̣, самудайо. самудайан̃ча самудайасаччан̃ча т̣хапетва̄ авасесо на чева самудайо на ча самудайасаччам̣.

(ка) на ниродхо на ниродхасаччанти? а̄манта̄.

(кха) на ниродхасаччам̣ на ниродхоти?

ниродхасаччам̣ т̣хапетва̄ авасесо на ниродхасаччам̣, ниродхо. ниродхан̃ча ниродхасаччан̃ча т̣хапетва̄ авасесо на чева ниродхо на ча ниродхасаччам̣.

(ка) на магго на маггасаччанти? а̄манта̄.

(кха) на маггасаччам̣ на магготи?

маггасаччам̣ т̣хапетва̄ авасесо на маггасаччам̣, магго. магган̃ча маггасаччан̃ча т̣хапетва̄ авасесо на чева магго на ча маггасаччам̣.