6. атӣта̄на̄гатава̄ро

170. (ка) йо дуккхасаччам̣ париджа̄ниттха со самудайасаччам̣ паджахиссатӣти? но.

(кха) йо ва̄ пана самудайасаччам̣ паджахиссати со дуккхасаччам̣ париджа̄ниттха̄ти? но.

(ка) йо дуккхасаччам̣ на париджа̄ниттха со самудайасаччам̣ наппаджахиссатӣти?

йе маггам̣ пат̣илабхиссанти те дуккхасаччам̣ на париджа̄ниттха, но ча те самудайасаччам̣ наппаджахиссанти. аггамаггасаман̇гӣ йе ча путхуджджана̄ маггам̣ на пат̣илабхиссанти те дуккхасаччан̃ча на париджа̄ниттха самудайасаччан̃ча наппаджахиссанти.

(кха) йо ва̄ пана самудайасаччам̣ наппаджахиссати со дуккхасаччам̣ на париджа̄ниттха̄ти?

араха̄ самудайасаччам̣ наппаджахиссати, но ча дуккхасаччам̣ на париджа̄ниттха. аггамаггасаман̇гӣ йе ча путхуджджана̄ маггам̣ на пат̣илабхиссанти те самудайасаччан̃ча наппаджахиссанти дуккхасаччан̃ча на париджа̄ниттха.

парин̃н̃а̄ва̄ро.

саччайамакам̣ нит̣т̣хитам̣.