(5) паччуппанна̄на̄гатава̄ро

(ка) ануломапуггало

154. (ка) йасса дуккхасаччам̣ уппаджджати тасса самудайасаччам̣ нируджджхиссатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е тесам̣ дуккхасаччам̣ уппаджджати, но ча тесам̣ самудайасаччам̣ нируджджхиссати. итаресам̣ упападжджанта̄нам̣ паватте читтасса уппа̄даккхан̣е тесам̣ дуккхасаччан̃ча уппаджджати самудайасаччан̃ча нируджджхиссати.

(кха) йасса ва̄ пана самудайасаччам̣ нируджджхиссати тасса дуккхасаччам̣ уппаджджатӣти?

саббесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ самудайасаччам̣ нируджджхиссати, но ча тесам̣ дуккхасаччам̣ уппаджджати. саббесам̣ упападжджанта̄нам̣ паватте читтасса уппа̄даккхан̣е тесам̣ самудайасаччан̃ча нируджджхиссати дуккхасаччан̃ча уппаджджати.

(ка) йасса дуккхасаччам̣ уппаджджати тасса маггасаччам̣ нируджджхиссатӣти?

араханта̄нам̣ читтасса уппа̄даккхан̣е йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ дуккхасаччам̣ уппаджджати, но ча тесам̣ маггасаччам̣ нируджджхиссати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ дуккхасаччан̃ча уппаджджати маггасаччан̃ча нируджджхиссати.

(кха) йасса ва̄ пана маггасаччам̣ нируджджхиссати тасса дуккхасаччам̣ уппаджджатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ маггасаччам̣ нируджджхиссати, но ча тесам̣ дуккхасаччам̣ уппаджджати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ маггасаччан̃ча нируджджхиссати дуккхасаччан̃ча уппаджджати.

155. (ка) йасса самудайасаччам̣ уппаджджати тасса маггасаччам̣ нируджджхиссатӣти?

йе путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ самудайасаччам̣ уппаджджати, но ча тесам̣ маггасаччам̣ нируджджхиссати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ самудайасаччан̃ча уппаджджати маггасаччан̃ча нируджджхиссати.

(кха) йасса ва̄ пана маггасаччам̣ нируджджхиссати тасса самудайасаччам̣ уппаджджатӣти?

аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не ниродхасама̄панна̄нам̣ асан̃н̃асатта̄нам̣ тесам̣ маггасаччам̣ нируджджхиссати, но ча тесам̣ самудайасаччам̣ уппаджджати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ маггасаччан̃ча нируджджхиссати самудайасаччан̃ча уппаджджати.

(кха) ануломаока̄со

156. йаттха дуккхасаччам̣ уппаджджати…пе….

(га) ануломапуггалока̄са̄

157. (ка) йасса йаттха дуккхасаччам̣ уппаджджати тасса таттха самудайасаччам̣ нируджджхиссатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха дуккхасаччам̣…пе… итаресам̣ чатувока̄рам̣ пан̃чавока̄рам̣ упападжджанта̄нам̣ паватте читтасса уппа̄даккхан̣е тесам̣ таттха дуккхасаччам̣…пе….

(кха) йасса ва̄ пана йаттха самудайасаччам̣ нируджджхиссати тасса таттха дуккхасаччам̣ уппаджджатӣти?

чатувока̄ра̄ пан̃чавока̄ра̄ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха самудайасаччам̣ нируджджхиссати, но ча тесам̣ таттха дуккхасаччам̣ уппаджджати. чатувока̄рам̣ пан̃чавока̄рам̣ упападжджанта̄нам̣ паватте читтасса уппа̄даккхан̣е тесам̣ таттха самудайасаччан̃ча нируджджхиссати дуккхасаччан̃ча уппаджджати.

(ка) йасса йаттха дуккхасаччам̣ уппаджджати тасса таттха маггасаччам̣ нируджджхиссатӣти?

араханта̄нам̣ читтасса уппа̄даккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха дуккхасаччам̣ уппаджджати, но ча тесам̣ таттха маггасаччам̣ нируджджхиссати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ таттха дуккхасаччан̃ча уппаджджати маггасаччан̃ча нируджджхиссати.

(кха) йасса ва̄ пана йаттха маггасаччам̣ нируджджхиссати тасса таттха дуккхасаччам̣ уппаджджатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха маггасаччам̣ нируджджхиссати, но ча тесам̣ таттха дуккхасаччам̣ уппаджджати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е йе чан̃н̃е маггам̣ пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ таттха маггасаччан̃ча нируджджхиссати дуккхасаччан̃ча уппаджджати.

158. (ка) йасса йаттха самудайасаччам̣ уппаджджати тасса таттха маггасаччам̣ нируджджхиссатӣти?

а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ таттха самудайасаччам̣ уппаджджати, но ча тесам̣ таттха маггасаччам̣ нируджджхиссати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ таттха самудайасаччан̃ча уппаджджати маггасаччан̃ча нируджджхиссати.

(кха) йасса ва̄ пана йаттха маггасаччам̣ нируджджхиссати тасса таттха самудайасаччам̣ уппаджджатӣти?

аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ таттха маггасаччам̣ нируджджхиссати, но ча тесам̣ таттха самудайасаччам̣ уппаджджати. йе маггам̣ пат̣илабхиссанти тесам̣ тан̣ха̄йа уппа̄даккхан̣е тесам̣ таттха маггасаччан̃ча нируджджхиссати самудайасаччан̃ча уппаджджати.

(гха) паччанӣкапуггало

159. (ка) йасса дуккхасаччам̣ нуппаджджати тасса самудайасаччам̣ на нируджджхиссатӣти?

саббесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ дуккхасаччам̣ нуппаджджати, но ча тесам̣ самудайасаччам̣ на нируджджхиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е тесам̣ дуккхасаччан̃ча нуппаджджати самудайасаччан̃ча на нируджджхиссати.

(кха) йасса ва̄ пана самудайасаччам̣ на нируджджхиссати тасса дуккхасаччам̣ нуппаджджатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е тесам̣ самудайасаччам̣ на нируджджхиссати, но ча тесам̣ дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е тесам̣ самудайасаччан̃ча на нируджджхиссати дуккхасаччан̃ча нуппаджджати.

(ка) йасса дуккхасаччам̣ нуппаджджати тасса маггасаччам̣ на нируджджхиссатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ дуккхасаччам̣ нуппаджджати, но ча тесам̣ маггасаччам̣ на нируджджхиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе аггапхаласса уппа̄даккхан̣е тесам̣ дуккхасаччан̃ча нуппаджджати маггасаччан̃ча на нируджджхиссати.

(кха) йасса ва̄ пана маггасаччам̣ на нируджджхиссати тасса дуккхасаччам̣ нуппаджджатӣти?

араханта̄нам̣ читтасса уппа̄даккхан̣е йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е тесам̣ маггасаччам̣ на нируджджхиссати, но ча тесам̣ дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе аггапхаласса уппа̄даккхан̣е тесам̣ маггасаччан̃ча на нируджджхиссати дуккхасаччан̃ча нуппаджджати.

160. (ка) йасса самудайасаччам̣ нуппаджджати тасса маггасаччам̣ на нируджджхиссатӣти?

аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не ниродхасама̄панна̄нам̣ асан̃н̃асатта̄нам̣ тесам̣ самудайасаччам̣ нуппаджджати, но ча тесам̣ маггасаччам̣ на нируджджхиссати. аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ самудайасаччан̃ча нуппаджджати маггасаччан̃ча на нируджджхиссати.

(кха) йасса ва̄ пана маггасаччам̣ на нируджджхиссати тасса самудайасаччам̣ нуппаджджатӣти?

йе путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ маггасаччам̣ на нируджджхиссати, но ча тесам̣ самудайасаччам̣ нуппаджджати. аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ маггасаччан̃ча на нируджджхиссати самудайасаччан̃ча нуппаджджати.

(н̇а) паччанӣкаока̄со

161. йаттха дуккхасаччам̣ нуппаджджати…пе….

(ча) паччанӣкапуггалока̄са̄

162. (ка) йасса йаттха дуккхасаччам̣ нуппаджджати тасса таттха самудайасаччам̣ на нируджджхиссатӣти?

чатувока̄ра̄ пан̃чавока̄ра̄ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха дуккхасаччам̣ нуппаджджати, но ча тесам̣ таттха самудайасаччам̣ на нируджджхиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е асан̃н̃асатта̄ чаванта̄нам̣ тесам̣ таттха дуккхасаччан̃ча нуппаджджати самудайасаччан̃ча на нируджджхиссати.

(кха) йасса ва̄ пана йаттха самудайасаччам̣ на нируджджхиссати тасса таттха дуккхасаччам̣ нуппаджджатӣти?

аггамаггасса уппа̄даккхан̣е араханта̄нам̣ читтасса уппа̄даккхан̣е йасса читтасса анантара̄ аггамаггам̣ пат̣илабхиссанти тасса читтасса уппа̄даккхан̣е асан̃н̃асаттам̣ упападжджанта̄нам̣ тесам̣ таттха самудайасаччам̣ на нируджджхиссати, но ча тесам̣ таттха дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е арӯпе аггамаггасса ча пхаласса ча уппа̄даккхан̣е асан̃н̃асатта̄ чаванта̄нам̣ тесам̣ таттха самудайасаччан̃ча на нируджджхиссати дуккхасаччан̃ча нуппаджджати.

(ка) йасса йаттха дуккхасаччам̣ нуппаджджати тасса таттха маггасаччам̣ на нируджджхиссатӣти?

йасса читтасса анантара̄ аггамаггам̣ пат̣илабхиссанти тасса читтасса бхан̇гаккхан̣е йе чан̃н̃е маггам̣ пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ таттха дуккхасаччам̣ нуппаджджати, но ча тесам̣ таттха маггасаччам̣ на нируджджхиссати. аггамаггасса бхан̇гаккхан̣е араханта̄нам̣ читтасса бхан̇гаккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе аггапхаласса уппа̄даккхан̣е асан̃н̃асатта̄ [апа̄йа̄ асан̃н̃асатта̄ (сйа̄.)] чаванта̄нам̣ тесам̣ таттха дуккхасаччан̃ча нуппаджджати маггасаччан̃ча на нируджджхиссати.

(кха) йасса ва̄ пана йаттха маггасаччам̣ на нируджджхиссати тасса таттха дуккхасаччам̣ нуппаджджатӣти?

араханта̄нам̣ читтасса уппа̄даккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ упападжджанта̄нам̣ паватте читтасса уппа̄даккхан̣е асан̃н̃асаттам̣ [апа̄йам̣ асан̃н̃асаттам̣ (сйа̄.)] упападжджанта̄нам̣ тесам̣ таттха маггасаччам̣ на нируджджхиссати, но ча тесам̣ таттха дуккхасаччам̣ нуппаджджати. аггамаггасса бхан̇гаккхан̣е араханта̄нам̣ читтасса бхан̇гаккхан̣е а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ чаванта̄нам̣ паватте читтасса бхан̇гаккхан̣е арӯпе аггапхаласса уппа̄даккхан̣е асан̃н̃асатта̄ чаванта̄нам̣ тесам̣ таттха маггасаччан̃ча на нируджджхиссати дуккхасаччан̃ча нуппаджджати.

163. (ка) йасса йаттха самудайасаччам̣ нуппаджджати тасса таттха маггасаччам̣ на нируджджхиссатӣти?

аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не тесам̣ таттха самудайасаччам̣ нуппаджджати, но ча тесам̣ таттха маггасаччам̣ на нируджджхиссати. аггамаггасса бхан̇гаккхан̣е араханта̄нам̣ а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ таттха самудайасаччан̃ча нуппаджджати маггасаччан̃ча на нируджджхиссати.

(кха) йасса ва̄ пана йаттха маггасаччам̣ на нируджджхиссати тасса таттха самудайасаччам̣ нуппаджджатӣти?

а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа уппа̄даккхан̣е тесам̣ таттха маггасаччам̣ на нируджджхиссати, но ча тесам̣ таттха самудайасаччам̣ нуппаджджати. аггамаггасса бхан̇гаккхан̣е араханта̄нам̣ а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ тан̣ха̄йа бхан̇гаккхан̣е тан̣ха̄виппайуттачитте ваттама̄не асан̃н̃асатта̄нам̣ тесам̣ таттха маггасаччан̃ча на нируджджхиссати самудайасаччан̃ча нуппаджджати.