(1) паччуппаннава̄ро

(ка) ануломапуггало

136. (ка) йасса дуккхасаччам̣ уппаджджати тасса самудайасаччам̣ нируджджхатӣти? но.

(кха) йасса ва̄ пана самудайасаччам̣ нируджджхати тасса дуккхасаччам̣ уппаджджатӣти? но.

(ка) йасса дуккхасаччам̣ уппаджджати тасса маггасаччам̣ нируджджхатӣти? но.

(кха) йасса ва̄ пана маггасаччам̣ нируджджхати тасса дуккхасаччам̣ уппаджджатӣти? но.

137. (ка) йасса самудайасаччам̣ уппаджджати тасса маггасаччам̣ нируджджхатӣти? но.

(кха) йасса ва̄ пана маггасаччам̣ нируджджхати тасса самудайасаччам̣ уппаджджатӣти? но.

(кха) ануломаока̄со

138. йаттха дуккхасаччам̣ уппаджджати таттха самудайасаччам̣ нируджджхатӣти?

асан̃н̃асатте таттха дуккхасаччам̣ уппаджджати, но ча таттха самудайасаччам̣ нируджджхати…пе….

(йаттхакам̣ уппа̄дава̄репи ниродхава̄репи уппа̄даниродхава̄репи садисам̣ наттхи на̄на̄каран̣ам̣).

(га) ануломапуггалока̄са̄

139. йасса йаттха дуккхасаччам̣ уппаджджати тасса таттха самудайасаччам̣ нируджджхатӣти? но.

(йассакампи йассайаттхакампи садисам̣).

(гха) паччанӣкапуггало

140. (ка) йасса дуккхасаччам̣ нуппаджджати тасса самудайасаччам̣ на нируджджхатӣти?

тан̣ха̄йа бхан̇гаккхан̣е тесам̣ дуккхасаччам̣ нуппаджджати, но ча тесам̣ самудайасаччам̣ на нируджджхати. саббесам̣ чаванта̄нам̣ паватте тан̣ха̄виппайуттачиттасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ дуккхасаччан̃ча нуппаджджати самудайасаччан̃ча на нируджджхати.

(кха) йасса ва̄ пана самудайасаччам̣ на нируджджхати тасса дуккхасаччам̣ нуппаджджатӣти?

саббесам̣ упападжджанта̄нам̣ паватте читтасса уппа̄даккхан̣е тесам̣ самудайасаччам̣ на нируджджхати, но ча тесам̣ дуккхасаччам̣ нуппаджджати. саббесам̣ чаванта̄нам̣ паватте тан̣ха̄виппайуттачиттасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ самудайасаччан̃ча на нируджджхати дуккхасаччан̃ча нуппаджджати.

(ка) йасса дуккхасаччам̣ нуппаджджати тасса маггасаччам̣ на нируджджхатӣти?

маггасса бхан̇гаккхан̣е тесам̣ дуккхасаччам̣ нуппаджджати, но ча тесам̣ маггасаччам̣ на нируджджхати. саббесам̣ чаванта̄нам̣ паватте маггавиппайуттачиттасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ дуккхасаччан̃ча нуппаджджати маггасаччан̃ча на нируджджхати.

(кха) йасса ва̄ пана маггасаччам̣ на нируджджхати тасса дуккхасаччам̣ нуппаджджатӣти?

саббесам̣ упападжджанта̄нам̣ паватте читтасса уппа̄даккхан̣е тесам̣ маггасаччам̣ на нируджджхати, но ча тесам̣ дуккхасаччам̣ нуппаджджати. саббесам̣ чаванта̄нам̣ паватте маггавиппайуттачиттасса бхан̇гаккхан̣е арӯпе маггасса ча пхаласса ча уппа̄даккхан̣е тесам̣ маггасаччан̃ча на нируджджхати дуккхасаччан̃ча нуппаджджати.

141. (ка) йасса самудайасаччам̣ нуппаджджати тасса маггасаччам̣ на нируджджхатӣти?

маггасса бхан̇гаккхан̣е тесам̣ самудайасаччам̣ нуппаджджати, но ча тесам̣ маггасаччам̣ на нируджджхати. тан̣ха̄виппайуттачиттасса уппа̄даккхан̣е маггавиппайуттачиттасса бхан̇гаккхан̣е ниродхасама̄панна̄нам̣ асан̃н̃асатта̄нам̣ тесам̣ самудайасаччан̃ча нуппаджджати маггасаччан̃ча на нируджджхати.

(кха) йасса ва̄ пана маггасаччам̣ на нируджджхати тасса самудайасаччам̣ нуппаджджатӣти?

тан̣ха̄йа уппа̄даккхан̣е тесам̣ маггасаччам̣ на нируджджхати, но ча тесам̣ самудайасаччам̣ нуппаджджати. маггавиппайуттачиттасса бхан̇гаккхан̣е тан̣ха̄виппайуттачиттасса уппа̄даккхан̣е ниродхасама̄панна̄нам̣ асан̃н̃асатта̄нам̣ тесам̣ маггасаччан̃ча на нируджджхати самудайасаччан̃ча нуппаджджати.

(н̇а) паччанӣкаока̄со

142. йаттха дуккхасаччам̣ нуппаджджати…пе….

(ча) паччанӣкапуггалока̄са̄

143. йасса йаттха дуккхасаччам̣ нуппаджджати…пе….

(йассакампи йассайаттхакампи садисам̣, йассайаттхакепи ниродхасама̄панна̄нанти на ка̄таббам̣).