(6) атӣта̄на̄гатава̄ро
(ка) ануломапуггало
126. (ка) йасса дуккхасаччам̣ нируджджхиттха тасса самудайасаччам̣ нируджджхиссатӣти?
аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти тесам̣ дуккхасаччам̣ нируджджхиттха, но ча тесам̣ самудайасаччам̣ нируджджхиссати. итаресам̣ тесам̣ дуккхасаччан̃ча нируджджхиттха самудайасаччан̃ча нируджджхиссати.
(кха) йасса ва̄ пана…пе…? а̄манта̄.
(ка) йасса дуккхасаччам̣ нируджджхиттха тасса маггасаччам̣ нируджджхиссатӣти?
аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти тесам̣ дуккхасаччам̣ нируджджхиттха, но ча тесам̣ маггасаччам̣ нируджджхиссати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ дуккхасаччан̃ча нируджджхиттха маггасаччан̃ча нируджджхиссати.
(кха) йасса ва̄ пана…пе…? а̄манта̄.
127. (ка) йасса самудайасаччам̣ нируджджхиттха тасса маггасаччам̣ нируджджхиссатӣти?
аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти тесам̣ самудайасаччам̣ нируджджхиттха, но ча тесам̣ маггасаччам̣ нируджджхиссати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ самудайасаччан̃ча нируджджхиттха маггасаччан̃ча нируджджхиссати.
(кха) йасса ва̄ пана…пе…? а̄манта̄.
(кха) ануломаока̄со
128. йаттха дуккхасаччам̣ нируджджхиттха…пе….
(га) ануломапуггалока̄са̄
129. (ка) йасса йаттха дуккхасаччам̣ нируджджхиттха тасса таттха самудайасаччам̣ нируджджхиссатӣти?
аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти асан̃н̃асатта̄нам̣ тесам̣ таттха дуккхасаччам̣ нируджджхиттха, но ча тесам̣ таттха самудайасаччам̣ нируджджхиссати. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха дуккхасаччан̃ча нируджджхиттха самудайасаччан̃ча нируджджхиссати.
(кха) йасса ва̄ пана йаттха самудайасаччам̣ нируджджхиссати тасса таттха дуккхасаччам̣ нируджджхиттха̄ти?
суддха̄ва̄сам̣ упападжджанта̄нам̣ тесам̣ таттха самудайасаччам̣ нируджджхиссати, но ча тесам̣ таттха дуккхасаччам̣ нируджджхиттха. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха самудайасаччан̃ча нируджджхиссати дуккхасаччан̃ча нируджджхиттха.
(ка) йасса йаттха дуккхасаччам̣ нируджджхиттха тасса таттха маггасаччам̣ нируджджхиссатӣти?
аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ асан̃н̃асатта̄нам̣ тесам̣ таттха дуккхасаччам̣ нируджджхиттха, но ча тесам̣ таттха маггасаччам̣ нируджджхиссати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха дуккхасаччан̃ча нируджджхиттха маггасаччан̃ча нируджджхиссати.
(кха) йасса ва̄ пана йаттха маггасаччам̣ нируджджхиссати тасса таттха дуккхасаччам̣ нируджджхиттха̄ти?
суддха̄ва̄сам̣ упападжджанта̄нам̣ тесам̣ таттха маггасаччам̣ нируджджхиссати, но ча тесам̣ таттха дуккхасаччам̣ нируджджхиттха. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха маггасаччан̃ча нируджджхиссати дуккхасаччан̃ча нируджджхиттха.
130. (ка) йасса йаттха самудайасаччам̣ нируджджхиттха тасса таттха маггасаччам̣ нируджджхиссатӣти?
аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ тесам̣ таттха самудайасаччам̣ нируджджхиттха, но ча тесам̣ таттха маггасаччам̣ нируджджхиссати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха самудайасаччан̃ча нируджджхиттха маггасаччан̃ча нируджджхиссати.
(кха) йасса ва̄ пана йаттха маггасаччам̣ нируджджхиссати тасса таттха самудайасаччам̣ нируджджхиттха̄ти.
суддха̄ва̄са̄нам̣ дутийе читте ваттама̄не тесам̣ таттха маггасаччам̣ нируджджхиссати, но ча тесам̣ таттха самудайасаччам̣ нируджджхиттха. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ таттха маггасаччан̃ча нируджджхиссати самудайасаччан̃ча нируджджхиттха.
(гха) паччанӣкапуггало
131. (ка) йасса дуккхасаччам̣ на нируджджхиттха тасса самудайасаччам̣ на нируджджхиссатӣти? наттхи.
(кха) йасса ва̄ пана самудайасаччам̣ на нируджджхиссати тасса дуккхасаччам̣ на нируджджхиттха̄ти? нируджджхиттха.
(ка) йасса дуккхасаччам̣ на нируджджхиттха тасса маггасаччам̣ на нируджджхиссатӣти? наттхи.
(кха) йасса ва̄ пана маггасаччам̣ на нируджджхиссати тасса дуккхасаччам̣ на нируджджхиттха̄ти? нируджджхиттха.
132. (ка) йасса самудайасаччам̣ на нируджджхиттха тасса маггасаччам̣ на нируджджхиссатӣти? наттхи.
(кха) йасса ва̄ пана маггасаччам̣ на нируджджхиссати тасса самудайасаччам̣ на нируджджхиттха̄ти? нируджджхиттха.
(н̇а) паччанӣкаока̄со
133. йаттха дуккхасаччам̣ на нируджджхиттха…пе….
(ча) паччанӣкапуггалока̄са̄
134. (ка) йасса йаттха дуккхасаччам̣ на нируджджхиттха тасса таттха самудайасаччам̣ на нируджджхиссатӣти? нируджджхиссати.
(кха) йасса ва̄ пана йаттха самудайасаччам̣ на нируджджхиссати тасса таттха дуккхасаччам̣ на нируджджхиттха̄ти? нируджджхиттха.
(ка) йасса йаттха дуккхасаччам̣ на нируджджхиттха тасса таттха маггасаччам̣ на нируджджхиссатӣти? нируджджхиссати.
(кха) йасса ва̄ пана йаттха маггасаччам̣ на нируджджхиссати тасса таттха дуккхасаччам̣ на нируджджхиттха̄ти? нируджджхиттха.
135. (ка) йасса йаттха самудайасаччам̣ на нируджджхиттха тасса таттха маггасаччам̣ на нируджджхиссатӣти?
суддха̄ва̄са̄нам̣ дутийе читте ваттама̄не тесам̣ таттха самудайасаччам̣ на нируджджхиттха, но ча тесам̣ таттха маггасаччам̣ на нируджджхиссати. асан̃н̃асатта̄нам̣ тесам̣ таттха самудайасаччан̃ча на нируджджхиттха маггасаччан̃ча на нируджджхиссати.
(кха) йасса ва̄ пана йаттха маггасаччам̣ на нируджджхиссати тасса таттха самудайасаччам̣ на нируджджхиттха̄ти?
аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ тесам̣ таттха маггасаччам̣ на нируджджхиссати, но ча тесам̣ таттха самудайасаччам̣ на нируджджхиттха. асан̃н̃асатта̄нам̣ тесам̣ таттха маггасаччан̃ча на нируджджхиссати самудайасаччан̃ча на нируджджхиттха.
ниродхава̄ро.