(3) ана̄гатава̄ро

(ка) ануломапуггало

97. (ка) йасса дуккхасаччам̣ нируджджхиссати тасса самудайасаччам̣ нируджджхиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти [пат̣илабхиссанти тасса читтасса уппа̄даккхан̣е (сӣ. сйа̄.) уппа̄дава̄ре пана па̄т̣хантарам̣ наттхи] тесам̣ дуккхасаччам̣ нируджджхиссати, но ча тесам̣ самудайасаччам̣ нируджджхиссати. итаресам̣ тесам̣ дуккхасаччан̃ча нируджджхиссати самудайасаччан̃ча нируджджхиссати.

(кха) йасса ва̄ пана…пе…? а̄манта̄.

(ка) йасса дуккхасаччам̣ нируджджхиссати тасса маггасаччам̣ нируджджхиссатӣти?

аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти тесам̣ дуккхасаччам̣ нируджджхиссати, но ча тесам̣ маггасаччам̣ нируджджхиссати. аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти йе чан̃н̃е маггам̣ пат̣илабхиссанти тесам̣ дуккхасаччан̃ча нируджджхиссати маггасаччан̃ча нируджджхиссати.

(кха) йасса ва̄ пана…пе…. а̄манта̄.

98. (ка) йасса самудайасаччам̣ нируджджхиссати тасса маггасаччам̣ нируджджхиссатӣти?

йе путхуджджана̄ маггам̣ на пат̣илабхиссанти тесам̣ самудайасаччам̣ нируджджхиссати, но ча тесам̣ маггасаччам̣ нируджджхиссати. йе маггам̣ пат̣илабхиссанти тесам̣ самудайасаччан̃ча нируджджхиссати маггасаччан̃ча нируджджхиссати.

(кха) йасса ва̄ пана маггасаччам̣ нируджджхиссати тасса самудайасаччам̣ нируджджхиссатӣти?

аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти тесам̣ маггасаччам̣ нируджджхиссати, но ча тесам̣ самудайасаччам̣ нируджджхиссати. йе маггам̣ пат̣илабхиссанти тесам̣ маггасаччан̃ча нируджджхиссати самудайасаччан̃ча нируджджхиссати.

(кха) ануломаока̄со

99. йаттха дуккхасаччам̣ нируджджхиссати…пе….

(га) ануломапуггалока̄са̄

100. йасса йаттха дуккхасаччам̣ нируджджхиссати тасса таттха самудайасаччам̣ нируджджхиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти асан̃н̃асатта̄нам̣ тесам̣ таттха дуккхасаччам̣ нируджджхиссати, но ча тесам̣ таттха самудайасаччам̣ нируджджхиссати. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха дуккхасаччан̃ча нируджджхиссати самудайасаччан̃ча нируджджхиссати…пе….

(йассакампи йассайаттхакампи садисам̣).

(гха) паччанӣкапуггало

101. (ка) йасса дуккхасаччам̣ на нируджджхиссати тасса самудайасаччам̣ на нируджджхиссатӣти? а̄манта̄.

(кха) йасса ва̄ пана самудайасаччам̣ на нируджджхиссати тасса дуккхасаччам̣ на нируджджхиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти тесам̣ самудайасаччам̣ на нируджджхиссати, но ча тесам̣ дуккхасаччам̣ на нируджджхиссати. паччхимачиттасса бхан̇гаккхан̣е тесам̣ самудайасаччан̃ча на нируджджхиссати дуккхасаччан̃ча на нируджджхиссати.

(ка) йасса дуккхасаччам̣ на нируджджхиссати тасса маггасаччам̣ на нируджджхиссатӣти? а̄манта̄.

(кха) йасса ва̄ пана маггасаччам̣ на нируджджхиссати тасса дуккхасаччам̣ на нируджджхиссатӣти?

аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти тесам̣ маггасаччам̣ на нируджджхиссати, но ча тесам̣ дуккхасаччам̣ на нируджджхиссати. паччхимачиттасса бхан̇гаккхан̣е тесам̣ маггасаччан̃ча на нируджджхиссати дуккхасаччан̃ча на нируджджхиссати.

102. (ка) йасса самудайасаччам̣ на нируджджхиссати тасса маггасаччам̣ на нируджджхиссатӣти?

аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти тесам̣ самудайасаччам̣ на нируджджхиссати, но ча тесам̣ маггасаччам̣ на нируджджхиссати. аггамаггасса бхан̇гаккхан̣е араханта̄нам̣ тесам̣ самудайасаччан̃ча на нируджджхиссати маггасаччан̃ча на нируджджхиссати.

(кха) йасса ва̄ пана маггасаччам̣ на нируджджхиссати тасса самудайасаччам̣ на нируджджхиссатӣти?

йе путхуджджана̄ маггам̣ на пат̣илабхиссанти тесам̣ маггасаччам̣ на нируджджхиссати, но ча тесам̣ самудайасаччам̣ на нируджджхиссати. аггамаггасса бхан̇гаккхан̣е араханта̄нам̣ тесам̣ маггасаччан̃ча на нируджджхиссати самудайасаччан̃ча на нируджджхиссати.

(н̇а) паччанӣкаока̄со

103. йаттха дуккхасаччам̣ на нируджджхиссати…пе….

(ча) паччанӣкапуггалока̄са̄

104. (ка) йасса йаттха дуккхасаччам̣ на нируджджхиссати тасса таттха самудайасаччам̣ на нируджджхиссатӣти? а̄манта̄.

(кха) йасса ва̄ пана йаттха самудайасаччам̣ на нируджджхиссати тасса таттха дуккхасаччам̣ на нируджджхиссатӣти?

аггамаггасаман̇гӣнам̣ араханта̄нам̣ йасса читтасса анантара̄ аггамаггам̣ пат̣илабхиссанти асан̃н̃асатта̄нам̣ тесам̣ таттха самудайасаччам̣ на нируджджхиссати, но ча тесам̣ таттха дуккхасаччам̣ на нируджджхиссати. паччхимачиттасса бхан̇гаккхан̣е тесам̣ таттха самудайасаччан̃ча на нируджджхиссати дуккхасаччан̃ча на нируджджхиссати.

(ка) йасса йаттха дуккхасаччам̣ на нируджджхиссати тасса таттха маггасаччам̣ на нируджджхиссатӣти? а̄манта̄.

(кха) йасса ва̄ пана йаттха маггасаччам̣ на нируджджхиссати тасса таттха дуккхасаччам̣ на нируджджхиссатӣти?

аггамаггасса бхан̇гаккхан̣е араханта̄нам̣ йе ча путхуджджана̄ маггам̣ на пат̣илабхиссанти а̄па̄йика̄нам̣ асан̃н̃асатта̄нам̣ тесам̣ таттха маггасаччам̣ на нируджджхиссати, но ча тесам̣ таттха дуккхасаччам̣ на нируджджхиссати. паччхимачиттасса бхан̇гаккхан̣е тесам̣ таттха маггасаччан̃ча на нируджджхиссати дуккхасаччан̃ча на нируджджхиссати.

105. (ка) йасса йаттха самудайасаччам̣ на нируджджхиссати тасса таттха маггасаччам̣ на нируджджхиссатӣти?

аггамаггасса уппа̄даккхан̣е йасса читтасса анантара̄ аггамаггам̣ пат̣илабхиссанти тесам̣ таттха самудайасаччам̣ на нируджджхиссати, но ча тесам̣ таттха маггасаччам̣ на нируджджхиссати. аггамаггасса бхан̇гаккхан̣е араханта̄нам̣ асан̃н̃асатта̄нам̣ тесам̣ таттха самудайасаччан̃ча на нируджджхиссати маггасаччан̃ча на нируджджхиссати.

(кха) йасса ва̄ пана йаттха маггасаччам̣ на нируджджхиссати тасса таттха самудайасаччам̣ на нируджджхиссатӣти?

а̄па̄йика̄нам̣ йе ча путхуджджана̄ маггам̣ на пат̣илабхиссанти тесам̣ таттха маггасаччам̣ на нируджджхиссати, но ча тесам̣ таттха самудайасаччам̣ на нируджджхиссати. аггамаггасса бхан̇гаккхан̣е араханта̄нам̣ асан̃н̃асатта̄нам̣ тесам̣ таттха маггасаччан̃ча на нируджджхиссати самудайасаччан̃ча на нируджджхиссати.