(6) атӣта̄на̄гатава̄ро

(ка) ануломапуггало

196. (ка) йасса рӯпаккхандхо уппаджджиттха тасса ведана̄ккхандхо нируджджхиссатӣти?

париниббанта̄нам̣ тесам̣ рӯпаккхандхо уппаджджиттха, но ча тесам̣ ведана̄ккхандхо нируджджхиссати. итаресам̣ тесам̣ рӯпаккхандхо ча уппаджджиттха ведана̄ккхандхо ча нируджджхиссати.

(кха) йасса ва̄ пана ведана̄ккхандхо нируджджхиссати тасса рӯпаккхандхо уппаджджиттха̄ти? а̄манта̄.

197. (ка) йасса ведана̄ккхандхо уппаджджиттха тасса сан̃н̃а̄ккхандхо нируджджхиссатӣти?

париниббанта̄нам̣ тесам̣ ведана̄ккхандхо уппаджджиттха, но ча тесам̣ сан̃н̃а̄ккхандхо нируджджхиссати. итаресам̣ тесам̣ ведана̄ккхандхо ча уппаджджиттха сан̃н̃а̄ккхандхо ча нируджджхиссати.

(кха) йасса ва̄ пана сан̃н̃а̄ккхандхо нируджджхиссати тасса ведана̄ккхандхо уппаджджиттха̄ти? а̄манта̄.

(кха) ануломаока̄со

198. йаттха рӯпаккхандхо уппаджджиттха…пе….

(га) ануломапуггалока̄са̄

199. (ка) йасса йаттха рӯпаккхандхо уппаджджиттха тасса таттха ведана̄ккхандхо нируджджхиссатӣти?

пан̃чавока̄ре париниббанта̄нам̣ асан̃н̃асатта̄нам̣ тесам̣ таттха рӯпаккхандхо уппаджджиттха, но ча тесам̣ таттха ведана̄ккхандхо нируджджхиссати. итаресам̣ пан̃чавока̄ра̄нам̣ тесам̣ таттха рӯпаккхандхо ча уппаджджиттха ведана̄ккхандхо ча нируджджхиссати.

(кха) йасса ва̄ пана йаттха ведана̄ккхандхо нируджджхиссати тасса таттха рӯпаккхандхо уппаджджиттха̄ти?

суддха̄ва̄сам̣ упападжджанта̄нам̣ арӯпа̄нам̣ тесам̣ таттха ведана̄ккхандхо нируджджхиссати, но ча тесам̣ таттха рӯпаккхандхо уппаджджиттха. итаресам̣ пан̃чавока̄ра̄нам̣ тесам̣ таттха ведана̄ккхандхо ча нируджджхиссати рӯпаккхандхо ча уппаджджиттха.

200. (ка) йасса йаттха ведана̄ккхандхо уппаджджиттха тасса таттха сан̃н̃а̄ккхандхо нируджджхиссатӣти?

париниббанта̄нам̣ тесам̣ таттха ведана̄ккхандхо уппаджджиттха, но ча тесам̣ таттха сан̃н̃а̄ккхандхо нируджджхиссати. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха ведана̄ккхандхо ча уппаджджиттха сан̃н̃а̄ккхандхо ча нируджджхиссати.

(кха) йасса ва̄ пана йаттха сан̃н̃а̄ккхандхо нируджджхиссати тасса таттха ведана̄ккхандхо уппаджджиттха̄ти?

суддха̄ва̄сам̣ упападжджанта̄нам̣ тесам̣ таттха сан̃н̃а̄ккхандхо нируджджхиссати, но ча тесам̣ таттха ведана̄ккхандхо уппаджджиттха. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха сан̃н̃а̄ккхандхо ча нируджджхиссати ведана̄ккхандхо ча уппаджджиттха.

(гха) паччанӣкапуггало

201. (ка) йасса рӯпаккхандхо нуппаджджиттха тасса ведана̄ккхандхо на нируджджхиссатӣти? наттхи.

(кха) йасса ва̄ пана ведана̄ккхандхо на нируджджхиссати тасса рӯпаккхандхо нуппаджджиттха̄ти? уппаджджиттха.

202. (ка) йасса ведана̄ккхандхо нуппаджджиттха тасса сан̃н̃а̄ккхандхо на нируджджхиссатӣти? наттхи.

(кха) йасса ва̄ пана сан̃н̃а̄ккхандхо на нируджджхиссати тасса ведана̄ккхандхо нуппаджджиттха̄ти? уппаджджиттха.

(н̇а) паччанӣкаока̄со

203. йаттха рӯпаккхандхо нуппаджджиттха…пе….

(ча) паччанӣкапуггалока̄са̄

204. (ка) йасса йаттха рӯпаккхандхо нуппаджджиттха тасса таттха ведана̄ккхандхо на нируджджхиссатӣти?

суддха̄ва̄сам̣ упападжджанта̄нам̣ арӯпа̄нам̣ тесам̣ таттха рӯпаккхандхо нуппаджджиттха, но ча тесам̣ таттха ведана̄ккхандхо на нируджджхиссати. суддха̄ва̄се париниббанта̄нам̣ арӯпе париниббанта̄нам̣ тесам̣ таттха рӯпаккхандхо ча нуппаджджиттха ведана̄ккхандхо ча на нируджджхиссати.

(кха) йасса ва̄ пана йаттха ведана̄ккхандхо на нируджджхиссати тасса таттха рӯпаккхандхо нуппаджджиттха̄ти?

пан̃чавока̄ре париниббанта̄нам̣ асан̃н̃асатта̄нам̣ тесам̣ таттха ведана̄ккхандхо на нируджджхиссати, но ча тесам̣ таттха рӯпаккхандхо нуппаджджиттха. суддха̄ва̄се париниббанта̄нам̣ арӯпе париниббанта̄нам̣ тесам̣ таттха ведана̄ккхандхо ча на нируджджхиссати рӯпаккхандхо ча нуппаджджиттха.

205. (ка) йасса йаттха ведана̄ккхандхо нуппаджджиттха тасса таттха сан̃н̃а̄ккхандхо на нируджджхиссатӣти?

суддха̄ва̄сам̣ упападжджанта̄нам̣ тесам̣ таттха ведана̄ккхандхо нуппаджджиттха, но ча тесам̣ таттха сан̃н̃а̄ккхандхо на нируджджхиссати. суддха̄ва̄се париниббанта̄нам̣ асан̃н̃асатта̄нам̣ тесам̣ таттха ведана̄ккхандхо ча нуппаджджиттха сан̃н̃а̄ккхандхо ча на нируджджхиссати.

(кха) йасса ва̄ пана йаттха сан̃н̃а̄ккхандхо на нируджджхиссати тасса таттха ведана̄ккхандхо нуппаджджиттха̄ти?

париниббанта̄нам̣ тесам̣ таттха сан̃н̃а̄ккхандхо на нируджджхиссати, но ча тесам̣ таттха ведана̄ккхандхо нуппаджджиттха. суддха̄ва̄се париниббанта̄нам̣ асан̃н̃асатта̄нам̣ тесам̣ таттха сан̃н̃а̄ккхандхо ча на нируджджхиссати ведана̄ккхандхо ча нуппаджджиттха.

уппа̄даниродхава̄ро.

паваттива̄ро нит̣т̣хито.