(3) ана̄гатава̄ро

(ка) ануломапуггало

175. (ка) йасса рӯпаккхандхо уппаджджиссати тасса ведана̄ккхандхо нируджджхиссатӣти? а̄манта̄.

(кха) йасса ва̄ пана ведана̄ккхандхо нируджджхиссати тасса рӯпаккхандхо уппаджджиссатӣти?

паччхимабхавика̄нам̣ упападжджанта̄нам̣ йе ча арӯпам̣ упападжджитва̄ паринибба̄йиссанти тесам̣ ведана̄ккхандхо нируджджхиссати, но ча тесам̣ рӯпаккхандхо уппаджджиссати. итаресам̣ тесам̣ ведана̄ккхандхо ча нируджджхиссати рӯпаккхандхо ча уппаджджиссати.

176. (ка) йасса ведана̄ккхандхо уппаджджиссати тасса сан̃н̃а̄ккхандхо нируджджхиссатӣти? а̄манта̄.

(кха) йасса ва̄ пана сан̃н̃а̄ккхандхо нируджджхиссати тасса ведана̄ккхандхо уппаджджиссатӣти?

паччхимабхавика̄нам̣ упападжджанта̄нам̣ тесам̣ сан̃н̃а̄ккхандхо нируджджхиссати, но ча тесам̣ ведана̄ккхандхо уппаджджиссати. итаресам̣ тесам̣ сан̃н̃а̄ккхандхо ча нируджджхиссати ведана̄ккхандхо ча уппаджджиссати.

(кха) ануломаока̄со

177. йаттха рӯпаккхандхо уппаджджиссати…пе….

(га) ануломапуггалока̄са̄

178. (ка) йасса йаттха рӯпаккхандхо уппаджджиссати тасса таттха ведана̄ккхандхо нируджджхиссатӣти?

асан̃н̃асатта̄нам̣ тесам̣ таттха рӯпаккхандхо уппаджджиссати, но ча тесам̣ таттха ведана̄ккхандхо нируджджхиссати. пан̃чавока̄ра̄нам̣ тесам̣ таттха рӯпаккхандхо ча уппаджджиссати ведана̄ккхандхо ча нируджджхиссати.

(кха) йасса ва̄ пана йаттха ведана̄ккхандхо нируджджхиссати тасса таттха рӯпаккхандхо уппаджджиссатӣти?

паччхимабхавика̄нам̣ пан̃чавока̄рам̣ упападжджанта̄нам̣ арӯпа̄нам̣ тесам̣ таттха ведана̄ккхандхо нируджджхиссати, но ча тесам̣ таттха рӯпаккхандхо уппаджджиссати. итаресам̣ пан̃чавока̄ра̄нам̣ тесам̣ таттха ведана̄ккхандхо ча нируджджхиссати рӯпаккхандхо ча уппаджджиссати.

179. (ка) йасса йаттха ведана̄ккхандхо уппаджджиссати тасса таттха сан̃н̃а̄ккхандхо нируджджхиссатӣти? а̄манта̄.

(кха) йасса ва̄ пана йаттха сан̃н̃а̄ккхандхо нируджджхиссати тасса таттха ведана̄ккхандхо уппаджджиссатӣти?

паччхимабхавика̄нам̣ упападжджанта̄нам̣ тесам̣ таттха сан̃н̃а̄ккхандхо нируджджхиссати, но ча тесам̣ таттха ведана̄ккхандхо уппаджджиссати. итаресам̣ чатувока̄ра̄нам̣ пан̃чавока̄ра̄нам̣ тесам̣ таттха сан̃н̃а̄ккхандхо ча нируджджхиссати ведана̄ккхандхо ча уппаджджиссати.

(гха) паччанӣкапуггало

180. (ка) йасса рӯпаккхандхо нуппаджджиссати тасса ведана̄ккхандхо на нируджджхиссатӣти?

паччхимабхавика̄нам̣ упападжджанта̄нам̣ йе ча арӯпам̣ упападжджитва̄ паринибба̄йиссанти тесам̣ рӯпаккхандхо нуппаджджиссати, но ча тесам̣ ведана̄ккхандхо на нируджджхиссати. париниббанта̄нам̣ тесам̣ рӯпаккхандхо ча нуппаджджиссати ведана̄ккхандхо ча на нируджджхиссати.

(кха) йасса ва̄ пана ведана̄ккхандхо на нируджджхиссати тасса рӯпаккхандхо нуппаджджиссатӣти? а̄манта̄.

181. (ка) йасса ведана̄ккхандхо нуппаджджиссати тасса сан̃н̃а̄ккхандхо на нируджджхиссатӣти?

паччхимабхавика̄нам̣ упападжджанта̄нам̣ тесам̣ ведана̄ккхандхо нуппаджджиссати, но ча тесам̣ сан̃н̃а̄ккхандхо на нируджджхиссати. париниббанта̄нам̣ тесам̣ ведана̄ккхандхо ча нуппаджджиссати сан̃н̃а̄ккхандхо ча на нируджджхиссати.

(кха) йасса ва̄ пана сан̃н̃а̄ккхандхо на нируджджхиссати тасса ведана̄ккхандхо нуппаджджиссатӣти? а̄манта̄.

(н̇а) паччанӣкаока̄со

182. йаттха рӯпаккхандхо нуппаджджиссати…пе….

(ча) паччанӣкапуггалока̄са̄

183. (ка) йасса йаттха рӯпаккхандхо нуппаджджиссати тасса таттха ведана̄ккхандхо на нируджджхиссатӣти?

паччхимабхавика̄нам̣ пан̃чавока̄рам̣ упападжджанта̄нам̣ арӯпа̄нам̣ тесам̣ таттха рӯпаккхандхо нуппаджджиссати, но ча тесам̣ таттха ведана̄ккхандхо на нируджджхиссати. париниббанта̄нам̣ тесам̣ таттха рӯпаккхандхо ча нуппаджджиссати ведана̄ккхандхо ча на нируджджхиссати.

(кха) йасса ва̄ пана йаттха ведана̄ккхандхо на нируджджхиссати тасса таттха рӯпаккхандхо нуппаджджиссатӣти?

асан̃н̃асатта̄нам̣ тесам̣ таттха ведана̄ккхандхо на нируджджхиссати, но ча тесам̣ таттха рӯпаккхандхо нуппаджджиссати. париниббанта̄нам̣ тесам̣ таттха ведана̄ккхандхо ча на нируджджхиссати рӯпаккхандхо ча нуппаджджиссати.

184. (ка) йасса йаттха ведана̄ккхандхо нуппаджджиссати тасса таттха сан̃н̃а̄ккхандхо на нируджджхиссатӣти?

паччхимабхавика̄нам̣ упападжджанта̄нам̣ тесам̣ таттха ведана̄ккхандхо нуппаджджиссати, но ча тесам̣ таттха сан̃н̃а̄ккхандхо на нируджджхиссати. париниббанта̄нам̣ асан̃н̃асатта̄нам̣ тесам̣ таттха ведана̄ккхандхо ча нуппаджджиссати сан̃н̃а̄ккхандхо ча на нируджджхиссати.

(кха) йасса ва̄ пана йаттха сан̃н̃а̄ккхандхо на нируджджхиссати тасса таттха ведана̄ккхандхо нуппаджджиссатӣти? а̄манта̄.