(5) паччуппанна̄на̄гатава̄ро

(ка) ануломапуггало

133. (ка) йасса рӯпаккхандхо нируджджхати тасса ведана̄ккхандхо нируджджхиссатӣти?

пан̃чавока̄ре париниббанта̄нам̣ тесам̣ рӯпаккхандхо нируджджхати, но ча тесам̣ ведана̄ккхандхо нируджджхиссати. итаресам̣ пан̃чавока̄ра̄ чаванта̄нам̣ асан̃н̃асатта̄ чаванта̄нам̣ тесам̣ рӯпаккхандхо ча нируджджхати ведана̄ккхандхо ча нируджджхиссати.

(кха) йасса ва̄ пана ведана̄ккхандхо нируджджхиссати тасса рӯпаккхандхо нируджджхатӣти?

саббесам̣ упападжджанта̄нам̣ арӯпа̄ чаванта̄нам̣ тесам̣ ведана̄ккхандхо нируджджхиссати, но ча тесам̣ рӯпаккхандхо нируджджхати. пан̃чавока̄ра̄ чаванта̄нам̣ асан̃н̃асатта̄ чаванта̄нам̣ тесам̣ ведана̄ккхандхо ча нируджджхиссати рӯпаккхандхо ча нируджджхати.

134. (ка) йасса ведана̄ккхандхо нируджджхати тасса сан̃н̃а̄ккхандхо нируджджхиссатӣти?

париниббанта̄нам̣ тесам̣ ведана̄ккхандхо нируджджхати, но ча тесам̣ сан̃н̃а̄ккхандхо нируджджхиссати. итаресам̣ чатувока̄ра̄ пан̃чавока̄ра̄ чаванта̄нам̣ тесам̣ ведана̄ккхандхо ча нируджджхати сан̃н̃а̄ккхандхо ча нируджджхиссати.

(кха) йасса ва̄ пана сан̃н̃а̄ккхандхо нируджджхиссати тасса ведана̄ккхандхо нируджджхатӣти?

саббесам̣ упападжджанта̄нам̣ асан̃н̃асатта̄ чаванта̄нам̣ тесам̣ сан̃н̃а̄ккхандхо нируджджхиссати, но ча тесам̣ ведана̄ккхандхо нируджджхати. чатувока̄ра̄ пан̃чавока̄ра̄ чаванта̄нам̣ тесам̣ сан̃н̃а̄ккхандхо ча нируджджхиссати ведана̄ккхандхо нируджджхати.

(кха) ануломаока̄со

135. йаттха рӯпаккхандхо нируджджхати…пе….

(га) ануломапуггалока̄са̄

136. (ка) йасса йаттха рӯпаккхандхо нируджджхати тасса таттха ведана̄ккхандхо нируджджхиссатӣти?

пан̃чавока̄ре париниббанта̄нам̣ асан̃н̃асатта̄ чаванта̄нам̣ тесам̣ таттха рӯпаккхандхо нируджджхати, но ча тесам̣ таттха ведана̄ккхандхо нируджджхиссати. итаресам̣ пан̃чавока̄ра̄ чаванта̄нам̣ тесам̣ таттха рӯпаккхандхо ча нируджджхати ведана̄ккхандхо ча нируджджхиссати.

(кха) йасса ва̄ пана йаттха ведана̄ккхандхо нируджджхиссати тасса таттха рӯпаккхандхо нируджджхатӣти?

пан̃чавока̄рам̣ упападжджанта̄нам̣ арӯпа̄нам̣ тесам̣ таттха ведана̄ккхандхо нируджджхиссати, но ча тесам̣ таттха рӯпаккхандхо нируджджхати. пан̃чавока̄ра̄ чаванта̄нам̣ тесам̣ таттха ведана̄ккхандхо ча нируджджхиссати рӯпаккхандхо ча нируджджхати.

137. (ка) йасса йаттха ведана̄ккхандхо нируджджхати тасса таттха сан̃н̃а̄ккхандхо нируджджхиссатӣти?

париниббанта̄нам̣ тесам̣ таттха ведана̄ккхандхо нируджджхати, но ча тесам̣ таттха сан̃н̃а̄ккхандхо нируджджхиссати. итаресам̣ чатувока̄ра̄ пан̃чавока̄ра̄ чаванта̄нам̣ тесам̣ таттха ведана̄ккхандхо ча нируджджхати сан̃н̃а̄ккхандхо ча нируджджхиссати.

(кха) йасса ва̄ пана йаттха сан̃н̃а̄ккхандхо нируджджхиссати тасса таттха ведана̄ккхандхо нируджджхатӣти?

чатувока̄рам̣ пан̃чавока̄рам̣ упападжджанта̄нам̣ тесам̣ таттха сан̃н̃а̄ккхандхо нируджджхиссати, но ча тесам̣ таттха ведана̄ккхандхо нируджджхати. чатувока̄ра̄ пан̃чавока̄ра̄ чаванта̄нам̣ тесам̣ таттха сан̃н̃а̄ккхандхо ча нируджджхиссати ведана̄ккхандхо ча нируджджхати.

(гха) паччанӣкапуггало

138. (ка) йасса рӯпаккхандхо на нируджджхати тасса ведана̄ккхандхо на нируджджхиссатӣти?

саббесам̣ упападжджанта̄нам̣ арӯпа̄ чаванта̄нам̣ тесам̣ рӯпаккхандхо на нируджджхати, но ча тесам̣ ведана̄ккхандхо на нируджджхиссати. арӯпе париниббанта̄нам̣ тесам̣ рӯпаккхандхо ча на нируджджхати ведана̄ккхандхо ча на нируджджхиссати.

(кха) йасса ва̄ пана ведана̄ккхандхо на нируджджхиссати тасса рӯпаккхандхо на нируджджхатӣти?

пан̃чавока̄ре париниббанта̄нам̣ тесам̣ ведана̄ккхандхо на нируджджхиссати, но ча тесам̣ рӯпаккхандхо на нируджджхати. арӯпе париниббанта̄нам̣ тесам̣ ведана̄ккхандхо ча на нируджджхиссати рӯпаккхандхо ча на нируджджхати.

139. (ка) йасса ведана̄ккхандхо на нируджджхати тасса сан̃н̃а̄ккхандхо на нируджджхиссатӣти? нируджджхиссати.

(кха) йасса ва̄ пана сан̃н̃а̄ккхандхо на нируджджхиссати тасса ведана̄ккхандхо на нируджджхатӣти? нируджджхати.

(н̇а) паччанӣкаока̄со

140. йаттха рӯпаккхандхо на нируджджхати…пе….

(ча) паччанӣкапуггалока̄са̄

141. (ка) йасса йаттха рӯпаккхандхо на нируджджхати тасса таттха ведана̄ккхандхо на нируджджхиссатӣти?

пан̃чавока̄рам̣ упападжджанта̄нам̣ арӯпа̄нам̣ тесам̣ таттха рӯпаккхандхо на нируджджхати, но ча тесам̣ таттха ведана̄ккхандхо на нируджджхиссати. арӯпе париниббанта̄нам̣ асан̃н̃асаттам̣ упападжджанта̄нам̣ тесам̣ таттха рӯпаккхандхо ча на нируджджхати ведана̄ккхандхо ча на нируджджхиссати.

(кха) йасса ва̄ пана йаттха ведана̄ккхандхо на нируджджхиссати тасса таттха рӯпаккхандхо на нируджджхатӣти?

пан̃чавока̄ре париниббанта̄нам̣ асан̃н̃асатта̄ чаванта̄нам̣ тесам̣ таттха ведана̄ккхандхо на нируджджхиссати, но ча тесам̣ таттха рӯпаккхандхо на нируджджхати. арӯпе париниббанта̄нам̣ асан̃н̃асаттам̣ упападжджанта̄нам̣ тесам̣ таттха ведана̄ккхандхо ча на нируджджхиссати рӯпаккхандхо ча на нируджджхати.

142. (ка) йасса йаттха ведана̄ккхандхо на нируджджхати тасса таттха сан̃н̃а̄ккхандхо на нируджджхиссатӣти?

чатувока̄рам̣ пан̃чавока̄рам̣ упападжджанта̄нам̣ тесам̣ таттха ведана̄ккхандхо на нируджджхати, но ча тесам̣ таттха сан̃н̃а̄ккхандхо на нируджджхиссати. асан̃н̃асатта̄нам̣ тесам̣ таттха ведана̄ккхандхо ча на нируджджхати сан̃н̃а̄ккхандхо ча на нируджджхиссати.

(кха) йасса ва̄ пана йаттха сан̃н̃а̄ккхандхо на нируджджхиссати тасса таттха ведана̄ккхандхо на нируджджхатӣти?

париниббанта̄нам̣ тесам̣ таттха сан̃н̃а̄ккхандхо на нируджджхиссати, но ча тесам̣ таттха ведана̄ккхандхо на нируджджхати. асан̃н̃асатта̄нам̣ тесам̣ таттха сан̃н̃а̄ккхандхо ча на нируджджхиссати ведана̄ккхандхо ча на нируджджхати.