(3) ана̄гатава̄ро

(ка) ануломапуггало

116. (ка) йасса рӯпаккхандхо нируджджхиссати тасса ведана̄ккхандхо нируджджхиссатӣти? а̄манта̄.

(кха) йасса ва̄ пана ведана̄ккхандхо нируджджхиссати тасса рӯпаккхандхо нируджджхиссатӣти?

паччхимабхавика̄нам̣ арӯпам̣ упападжджанта̄нам̣ йе ча арӯпам̣ упападжджитва̄ паринибба̄йиссанти тесам̣ чаванта̄нам̣ тесам̣ ведана̄ккхандхо нируджджхиссати, но ча тесам̣ рӯпаккхандхо нируджджхиссати. итаресам̣ тесам̣ ведана̄ккхандхо ча нируджджхиссати рӯпаккхандхо ча нируджджхиссати.

(кха) ануломаока̄со

117. (ка) йаттха рӯпаккхандхо нируджджхиссати таттха ведана̄ккхандхо нируджджхиссатӣти?

асан̃н̃асатте таттха рӯпаккхандхо нируджджхиссати, но ча таттха ведана̄ккхандхо нируджджхиссати. пан̃чавока̄ре таттха рӯпаккхандхо ча нируджджхиссати ведана̄ккхандхо ча нируджджхиссати.

(кха) йаттха ва̄ пана ведана̄ккхандхо нируджджхиссати таттха рӯпаккхандхо нируджджхиссатӣти?

арӯпе таттха ведана̄ккхандхо нируджджхиссати, но ча таттха рӯпаккхандхо нируджджхиссати. пан̃чавока̄ре таттха ведана̄ккхандхо ча нируджджхиссати рӯпаккхандхо ча нируджджхиссати.

(га) ануломапуггалока̄са̄

118. (ка) йасса йаттха рӯпаккхандхо нируджджхиссати тасса таттха ведана̄ккхандхо нируджджхиссатӣти?

асан̃н̃асатта̄нам̣ тесам̣ таттха рӯпаккхандхо нируджджхиссати, но ча тесам̣ таттха ведана̄ккхандхо нируджджхиссати. пан̃чавока̄ра̄нам̣ тесам̣ таттха рӯпаккхандхо ча нируджджхиссати ведана̄ккхандхо ча нируджджхиссати.

(кха) йасса ва̄ пана йаттха ведана̄ккхандхо нируджджхиссати тасса таттха рӯпаккхандхо нируджджхиссатӣти?

арӯпа̄нам̣ тесам̣ таттха ведана̄ккхандхо нируджджхиссати, но ча тесам̣ таттха рӯпаккхандхо нируджджхиссати. пан̃чавока̄ра̄нам̣ тесам̣ таттха ведана̄ккхандхо ча нируджджхиссати рӯпаккхандхо ча нируджджхиссати.

(гха) паччанӣкапуггало

119. (ка) йасса рӯпаккхандхо на нируджджхиссати тасса ведана̄ккхандхо на нируджджхиссатӣти?

паччхимабхавика̄нам̣ арӯпам̣ упападжджанта̄нам̣ йе ча арӯпам̣ упападжджитва̄ паринибба̄йиссанти тесам̣ чаванта̄нам̣ тесам̣ рӯпаккхандхо на нируджджхиссати, но ча тесам̣ ведана̄ккхандхо на нируджджхиссати. париниббанта̄нам̣ тесам̣ рӯпаккхандхо ча на нируджджхиссати ведана̄ккхандхо ча на нируджджхиссати.

(кха) йасса ва̄ пана ведана̄ккхандхо на нируджджхиссати тасса рӯпаккхандхо на нируджджхиссатӣти? а̄манта̄.

(н̇а) паччанӣкаока̄со

120. (ка) йаттха рӯпаккхандхо на нируджджхиссати таттха ведана̄ккхандхо на нируджджхиссатӣти? нируджджхиссати.

(кха) йаттха ва̄ пана ведана̄ккхандхо на нируджджхиссати таттха рӯпаккхандхо на нируджджхиссатӣти? нируджджхиссати.

(ча) паччанӣкапуггалока̄са̄

121. (ка) йасса йаттха рӯпаккхандхо на нируджджхиссати тасса таттха ведана̄ккхандхо на нируджджхиссатӣти?

арӯпа̄нам̣ тесам̣ таттха рӯпаккхандхо на нируджджхиссати, но ча тесам̣ таттха ведана̄ккхандхо на нируджджхиссати. париниббанта̄нам̣ тесам̣ таттха рӯпаккхандхо ча на нируджджхиссати ведана̄ккхандхо ча на нируджджхиссати.

(кха) йасса ва̄ пана йаттха ведана̄ккхандхо на нируджджхиссати тасса таттха рӯпаккхандхо на нируджджхиссатӣти?

асан̃н̃асатта̄нам̣ тесам̣ таттха ведана̄ккхандхо на нируджджхиссати, но ча тесам̣ таттха рӯпаккхандхо на нируджджхиссати. париниббанта̄нам̣ тесам̣ таттха ведана̄ккхандхо ча на нируджджхиссати рӯпаккхандхо ча на нируджджхиссати.