(3) ана̄гатава̄ро

(ка) ануломапуггало

62. (ка) йасса рӯпаккхандхо уппаджджиссати тасса ведана̄ккхандхо уппаджджиссатӣти? а̄манта̄.

(кха) йасса ва̄ пана ведана̄ккхандхо уппаджджиссати тасса рӯпаккхандхо уппаджджиссатӣти?

йе арӯпам̣ упападжджитва̄ паринибба̄йиссанти тесам̣ ведана̄ккхандхо уппаджджиссати, но ча тесам̣ рӯпаккхандхо уппаджджиссати. итаресам̣ тесам̣ ведана̄ккхандхо ча уппаджджиссати рӯпаккхандхо ча уппаджджиссати.

(кха) ануломаока̄со

63. (ка) йаттха рӯпаккхандхо уппаджджиссати таттха ведана̄ккхандхо уппаджджиссатӣти?

асан̃н̃асатте таттха рӯпаккхандхо уппаджджиссати, но ча таттха ведана̄ккхандхо уппаджджиссати. пан̃чавока̄ре таттха рӯпаккхандхо ча уппаджджиссати ведана̄ккхандхо ча уппаджджиссати.

(кха) йаттха ва̄ пана ведана̄ккхандхо уппаджджиссати таттха рӯпаккхандхо уппаджджиссатӣти?

арӯпе таттха ведана̄ккхандхо уппаджджиссати, но ча таттха рӯпаккхандхо уппаджджиссати. пан̃чавока̄ре таттха ведана̄ккхандхо ча уппаджджиссати рӯпаккхандхо ча уппаджджиссати.

(га) ануломапуггалока̄са̄

64. (ка) йасса йаттха рӯпаккхандхо уппаджджиссати тасса таттха ведана̄ккхандхо уппаджджиссатӣти?

асан̃н̃асатта̄нам̣ тесам̣ таттха рӯпаккхандхо уппаджджиссати, но ча тесам̣ таттха ведана̄ккхандхо уппаджджиссати. пан̃чавока̄ра̄нам̣ тесам̣ таттха рӯпаккхандхо ча уппаджджиссати ведана̄ккхандхо ча уппаджджиссати.

(кха) йасса ва̄ пана йаттха ведана̄ккхандхо уппаджджиссати тасса таттха рӯпаккхандхо уппаджджиссатӣти?

арӯпа̄нам̣ тесам̣ таттха ведана̄ккхандхо уппаджджиссати, но ча тесам̣ таттха рӯпаккхандхо уппаджджиссати. пан̃чавока̄ра̄нам̣ тесам̣ таттха ведана̄ккхандхо ча уппаджджиссати рӯпаккхандхо ча уппаджджиссати.

(гха) паччанӣкапуггало

65. (ка) йасса рӯпаккхандхо нуппаджджиссати тасса ведана̄ккхандхо нуппаджджиссатӣти?

йе арӯпам̣ упападжджитва̄ паринибба̄йиссанти тесам̣ рӯпаккхандхо нуппаджджиссати, но ча тесам̣ ведана̄ккхандхо нуппаджджиссати. паччхимабхавика̄нам̣ тесам̣ рӯпаккхандхо ча нуппаджджиссати ведана̄ккхандхо ча нуппаджджиссати.

(кха) йасса ва̄ пана ведана̄ккхандхо нуппаджджиссати тасса рӯпаккхандхо нуппаджджиссатӣти? а̄манта̄.

(н̇а) паччанӣкаока̄со

66. (ка) йаттха рӯпаккхандхо нуппаджджиссати таттха ведана̄ккхандхо нуппаджджиссатӣти? уппаджджиссати.

(кха) йаттха ва̄ пана ведана̄ккхандхо нуппаджджиссати таттха рӯпаккхандхо нуппаджджиссатӣти? уппаджджиссати.

(ча) паччанӣкапуггалока̄са̄

67. (ка) йасса йаттха рӯпаккхандхо нуппаджджиссати тасса таттха ведана̄ккхандхо нуппаджджиссатӣти?

арӯпа̄нам̣ тесам̣ таттха рӯпаккхандхо нуппаджджиссати, но ча тесам̣ таттха ведана̄ккхандхо нуппаджджиссати. паччхимабхавика̄нам̣ тесам̣ таттха рӯпаккхандхо ча нуппаджджиссати ведана̄ккхандхо ча нуппаджджиссати.

(кха) йасса ва̄ пана йаттха ведана̄ккхандхо нуппаджджиссати тасса таттха рӯпаккхандхо нуппаджджиссатӣти?

асан̃н̃асатта̄нам̣ тесам̣ таттха ведана̄ккхандхо нуппаджджиссати, но ча тесам̣ таттха рӯпаккхандхо нуппаджджиссати. паччхимабхавика̄нам̣ тесам̣ таттха ведана̄ккхандхо ча нуппаджджиссати рӯпаккхандхо ча нуппаджджиссати.