4. на̄ма̄ дхамма̄ (1) мӯланайо

86. (ка) йе кечи на̄ма̄ дхамма̄, саббе те на̄мамӯла̄ти?

навева на̄мамӯла̄ни. авасеса̄ на̄ма̄ дхамма̄ на на̄мамӯла̄.

(кха) йе ва̄ пана на̄мамӯла̄, саббе те дхамма̄ на̄ма̄ти? а̄манта̄.

87. (ка) йе кечи на̄ма̄ дхамма̄, саббе те на̄мамӯлена екамӯла̄ти?

ахетукам̣ на̄мам̣ на̄мамӯлена на екамӯлам̣. сахетукам̣ на̄мам̣ на̄мамӯлена екамӯлам̣.

(кха) йе ва̄ пана на̄мамӯлена екамӯла̄, саббе те дхамма̄ на̄ма̄ти?

на̄масамут̣т̣ха̄нам̣ рӯпам̣ на̄мамӯлена екамӯлам̣, на на̄мам̣. на̄мам̣ на̄мамӯлена екамӯлан̃чева на̄ман̃ча.

88. (ка) йе кечи на̄мамӯлена екамӯла̄ дхамма̄, саббе те на̄мамӯлена ан̃н̃аман̃н̃амӯла̄ти?

мӯла̄ни йа̄ни екато уппаджджанти на̄мамӯла̄ни екамӯла̄ни чева ан̃н̃аман̃н̃амӯла̄ни ча. авасеса̄ на̄мамӯласахаджа̄та̄ дхамма̄ на̄мамӯлена екамӯла̄, на ча ан̃н̃аман̃н̃амӯла̄.

(кха) йе ва̄ пана на̄мамӯлена ан̃н̃аман̃н̃амӯла̄, саббе те дхамма̄ на̄ма̄ти? а̄манта̄.

(2) мӯламӯланайо

89. (ка) йе кечи на̄ма̄ дхамма̄, саббе те на̄мамӯламӯла̄ти?

навева на̄мамӯламӯла̄ни. авасеса̄ на̄ма̄ дхамма̄ на на̄мамӯламӯла̄.

(кха) йе ва̄ пана на̄мамӯламӯла̄, саббе те дхамма̄ на̄ма̄ти? а̄манта̄.

90. (ка) йе кечи на̄ма̄ дхамма̄, саббе те на̄мамӯлена екамӯламӯла̄ти?

ахетукам̣ на̄мам̣ на̄мамӯлена на екамӯламӯлам̣. сахетукам̣ на̄мам̣ на̄мамӯлена екамӯламӯлам̣.

(кха) йе ва̄ пана на̄мамӯлена екамӯламӯла̄, саббе те дхамма̄ на̄ма̄ти?

на̄масамут̣т̣ха̄нам̣ рӯпам̣ на̄мамӯлена екамӯламӯлам̣, на на̄мам̣. на̄мам̣ на̄мамӯлена екамӯламӯлан̃чева на̄ман̃ча.

91. (ка) йе кечи на̄мамӯлена екамӯламӯла̄ дхамма̄, саббе те на̄мамӯлена ан̃н̃аман̃н̃амӯламӯла̄ти?

мӯла̄ни йа̄ни екато уппаджджанти на̄мамӯла̄ни екамӯламӯла̄ни чева ан̃н̃аман̃н̃амӯламӯла̄ни ча. авасеса̄ на̄мамӯласахаджа̄та̄ дхамма̄ на̄мамӯлена екамӯламӯла̄, на ча ан̃н̃аман̃н̃амӯламӯла̄.

(кха) йе ва̄ пана на̄мамӯлена ан̃н̃аман̃н̃амӯламӯла̄, саббе те дхамма̄ на̄ма̄ти? а̄манта̄.

(3) мӯлаканайо

92. (ка) йе кечи на̄ма̄ дхамма̄, саббе те на̄мамӯлака̄ти?

ахетукам̣ на̄мам̣ на на̄мамӯлакам̣. сахетукам̣ на̄мам̣ на̄мамӯлакам̣.

(кха) йе ва̄ пана на̄мамӯлака̄, саббе те дхамма̄ на̄ма̄ти?

на̄масамут̣т̣ха̄нам̣ рӯпам̣ на̄мамӯлакам̣, на на̄мам̣. на̄мам̣ на̄мамӯлакан̃чева на̄ман̃ча.

93. (ка) йе кечи на̄ма̄ дхамма̄, саббе те на̄мамӯлена екамӯлака̄ти?

ахетукам̣ на̄мам̣ на̄мамӯлена на екамӯлакам̣. сахетукам̣ на̄мам̣ на̄мамӯлена екамӯлакам̣.

(кха) йе ва̄ пана на̄мамӯлена екамӯлака̄, саббе те дхамма̄ на̄ма̄ти?

на̄масамут̣т̣ха̄нам̣ рӯпам̣ на̄мамӯлена екамӯлакам̣, на на̄мам̣. на̄мам̣ на̄мамӯлена екамӯлакан̃чева на̄ман̃ча.

94. (ка) йе кечи на̄мамӯлена екамӯлака̄ дхамма̄, саббе те на̄мамӯлена ан̃н̃аман̃н̃амӯлака̄ти?

мӯла̄ни йа̄ни екато уппаджджанти на̄мамӯла̄ни екамӯлака̄ни чева ан̃н̃аман̃н̃амӯлака̄ни ча. авасеса̄ на̄мамӯласахаджа̄та̄ дхамма̄ на̄мамӯлена екамӯлака̄, на ча ан̃н̃аман̃н̃амӯлака̄.

(кха) йе ва̄ пана на̄мамӯлена ан̃н̃аман̃н̃амӯлака̄, саббе те дхамма̄ на̄ма̄ти? а̄манта̄.

(4) мӯламӯлаканайо

95. (ка) йе кечи на̄ма̄ дхамма̄, саббе те на̄мамӯламӯлака̄ти?

ахетукам̣ на̄мам̣ на на̄мамӯламӯлакам̣. сахетукам̣ на̄мам̣ на̄мамӯламӯлакам̣.

(кха) йе ва̄ пана на̄мамӯламӯлака̄, саббе те дхамма̄ на̄ма̄ти?

на̄масамут̣т̣ха̄нам̣ рӯпам̣ на̄мамӯламӯлакам̣, на на̄мам̣. на̄мам̣ на̄мамӯламӯлакан̃чева на̄ман̃ча.

96. (ка) йе кечи на̄ма̄ дхамма̄, саббе те на̄мамӯлена екамӯламӯлака̄ти?

ахетукам̣ на̄мам̣ на̄мамӯлена на екамӯламӯлакам̣. сахетукам̣ на̄мам̣ на̄мамӯлена екамӯламӯлакам̣.

(кха) йе ва̄ пана на̄мамӯлена екамӯламӯлака̄, саббе те дхамма̄ на̄ма̄ти?

на̄масамут̣т̣ха̄нам̣ рӯпам̣ на̄мамӯлена екамӯламӯлакам̣, на на̄мам̣. на̄мам̣ на̄мамӯлена екамӯламӯлакан̃чева на̄ман̃ча.

97. (ка) йе кечи на̄мамӯлена екамӯламӯлака̄ дхамма̄, саббе те на̄мамӯлена ан̃н̃аман̃н̃амӯламӯлака̄ти?

мӯла̄ни йа̄ни екато уппаджджанти на̄мамӯла̄ни екамӯламӯлака̄ни чева ан̃н̃аман̃н̃амӯламӯлака̄ни ча. авасеса̄ на̄мамӯласахаджа̄та̄ дхамма̄ на̄мамӯлена екамӯламӯлака̄, на ча ан̃н̃аман̃н̃амӯламӯлака̄.

(кха) йе ва̄ пана на̄мамӯлена ан̃н̃аман̃н̃амӯламӯлака̄, саббе те дхамма̄ на̄ма̄ти?

а̄манта̄.

мӯлава̄раниддесо.