1. кусала̄ дхамма̄ (1) мӯланайо

50. (ка) йе кечи кусала̄ дхамма̄, саббе те кусаламӯла̄ти? тӣн̣ева кусаламӯла̄ни. авасеса̄ кусала̄ дхамма̄ на кусаламӯла̄.

(кха) йе ва̄ пана кусаламӯла̄, саббе те дхамма̄ кусала̄ти? а̄манта̄.

51. (ка) йе кечи кусала̄ дхамма̄, саббе те кусаламӯлена екамӯла̄ти? а̄манта̄.

(кха) йе ва̄ пана кусаламӯлена екамӯла̄, саббе те дхамма̄ кусала̄ти?

кусаласамут̣т̣ха̄нам̣ рӯпам̣ кусаламӯлена екамӯлам̣, на кусалам̣. кусалам̣ кусаламӯлена екамӯлан̃чева кусалан̃ча.

52. (ка) йе кечи кусаламӯлена екамӯла̄ дхамма̄, саббе те кусаламӯлена ан̃н̃аман̃н̃амӯла̄ти?

мӯла̄ни йа̄ни екато уппаджджанти кусаламӯла̄ни екамӯла̄ни чева ан̃н̃аман̃н̃амӯла̄ни ча. авасеса̄ кусаламӯласахаджа̄та̄ дхамма̄ кусаламӯлена екамӯла̄, на ча ан̃н̃аман̃н̃амӯла̄.

(кха) йе ва̄ пана кусаламӯлена ан̃н̃аман̃н̃амӯла̄, саббе те дхамма̄ кусала̄ти? а̄манта̄.

(2) мӯламӯланайо

53. (ка) йе кечи кусала̄ дхамма̄, саббе те кусаламӯламӯла̄ти? тӣн̣ева кусаламӯламӯла̄ни. авасеса̄ кусала̄ дхамма̄ на кусаламӯламӯла̄.

(кха) йе ва̄ пана кусаламӯламӯла̄, саббе те дхамма̄ кусала̄ти? а̄манта̄.

54. (ка) йе кечи кусала̄ дхамма̄, саббе те кусаламӯлена екамӯламӯла̄ти? а̄манта̄.

(кха) йе ва̄ пана кусаламӯлена екамӯламӯла̄, саббе те дхамма̄ кусала̄ти?

кусаласамут̣т̣ха̄нам̣ рӯпам̣ кусаламӯлена екамӯламӯлам̣, на кусалам̣. кусалам̣ кусаламӯлена екамӯламӯлан̃чева кусалан̃ча.

55. (ка) йе кечи кусаламӯлена екамӯламӯла̄ дхамма̄, саббе те кусаламӯлена ан̃н̃аман̃н̃амӯламӯла̄ти?

мӯла̄ни йа̄ни екато уппаджджанти кусаламӯла̄ни екамӯламӯла̄ни чева ан̃н̃аман̃н̃амӯламӯла̄ни ча. авасеса̄ кусаламӯласахаджа̄та̄ дхамма̄ кусаламӯлена екамӯламӯла̄, на ча ан̃н̃аман̃н̃амӯламӯла̄.

(кха) йе ва̄ пана кусаламӯлена ан̃н̃аман̃н̃амӯламӯла̄, саббе те дхамма̄ кусала̄ти? а̄манта̄.

(3) мӯлаканайо

56. (ка) йе кечи кусала̄ дхамма̄, саббе те кусаламӯлака̄ти? а̄манта̄.

(кха) йе ва̄ пана кусаламӯлака̄, саббе те дхамма̄ кусала̄ти?

кусаласамут̣т̣ха̄нам̣ рӯпам̣ кусаламӯлакам̣ на кусалам̣. кусалам̣ кусаламӯлакан̃чева кусалан̃ча.

57. (ка) йе кечи кусала̄ дхамма̄, саббе те кусаламӯлена екамӯлака̄ти? а̄манта̄.

(кха) йе ва̄ пана кусаламӯлена екамӯлака̄, саббе те дхамма̄ кусала̄ти?

кусаласамут̣т̣ха̄нам̣ рӯпам̣ кусаламӯлена екамӯлакам̣, на кусалам̣. кусалам̣ кусаламӯлена екамӯлакан̃чева кусалан̃ча.

58. (ка) йе кечи кусаламӯлена екамӯлака̄ дхамма̄, саббе те кусаламӯлена ан̃н̃аман̃н̃амӯлака̄ти?

мӯла̄ни йа̄ни екато уппаджджанти кусаламӯла̄ни екамӯлака̄ни чева ан̃н̃аман̃н̃амӯлака̄ни ча. авасеса̄ кусаламӯласахаджа̄та̄ дхамма̄ кусаламӯлена екамӯлака̄, на ча ан̃н̃аман̃н̃амӯлака̄.

(кха) йе ва̄ пана кусаламӯлена ан̃н̃аман̃н̃амӯлака̄, саббе те дхамма̄ кусала̄ти? а̄манта̄.

(4) мӯламӯлаканайо

59. (ка) йе кечи кусала̄ дхамма̄, саббе те кусаламӯламӯлака̄ти? а̄манта̄.

(кха) йе ва̄ пана кусаламӯламӯлака̄, саббе те дхамма̄ кусала̄ти?

кусаласамут̣т̣ха̄нам̣ рӯпам̣ кусаламӯламӯлакам̣ на кусалам̣. кусалам̣ кусаламӯламӯлакан̃чева кусалан̃ча.

60. (ка) йе кечи кусала̄ дхамма̄, саббе те кусаламӯлена екамӯламӯлака̄ти? а̄манта̄.

(кха) йе ва̄ пана кусаламӯлена екамӯламӯлака̄, саббе те дхамма̄ кусала̄ти?

кусаласамут̣т̣ха̄нам̣ рӯпам̣ кусаламӯлена екамӯламӯлакам̣, на кусалам̣. кусалам̣ кусаламӯлена екамӯламӯлакан̃чева кусалан̃ча.

61. (ка) йе кечи кусаламӯлена екамӯламӯлака̄ дхамма̄, саббе те кусаламӯлена ан̃н̃аман̃н̃амӯламӯлака̄ти?

мӯла̄ни йа̄ни екато уппаджджанти кусаламӯла̄ни екамӯламӯлака̄ни чева ан̃н̃аман̃н̃амӯламӯлака̄ни ча. авасеса̄ кусаламӯласахаджа̄та̄ дхамма̄ кусаламӯлена екамӯламӯлака̄, на ча ан̃н̃аман̃н̃амӯламӯлака̄.

(кха) йе ва̄ пана кусаламӯлена ан̃н̃аман̃н̃амӯламӯлака̄, саббе те дхамма̄ кусала̄ти? а̄манта̄.