2. абхидхаммабха̄джанӣйам̣

408. чатта̄ро саммаппадха̄на̄ – идха бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати, уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати, ануппанна̄нам̣ кусала̄нам̣ дхамма̄нам̣ уппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати, уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати.

409. катхан̃ча бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати.

410. чхандам̣ джанетӣти. таттха катамо чхандо? йо чхандо чхандиката̄ каттукамйата̄ кусало дхаммаччхандо – айам̣ вуччати ‘‘чхандо’’. имам̣ чхандам̣ джанети сан̃джанети ут̣т̣хапети самут̣т̣хапети ниббаттети абхиниббаттети. тена вуччати ‘‘чхандам̣ джанетӣ’’ти.

411. ва̄йаматӣти. таттха катамо ва̄йа̄мо? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – айам̣ вуччати ‘‘ва̄йа̄мо’’. имина̄ ва̄йа̄мена упето хоти самупето упа̄гато самупа̄гато упапанно сампанно саманна̄гато. тена вуччати ‘‘ва̄йаматӣ’’ти.

412. вӣрийам̣ а̄рабхатӣти. таттха катамам̣ вӣрийам̣? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – идам̣ вуччати ‘‘вӣрийам̣’’. имам̣ вӣрийам̣ а̄рабхати сама̄рабхати а̄севати бха̄вети бахулӣкароти. тена вуччати ‘‘вӣрийам̣ а̄рабхатӣ’’ти.

413. читтам̣ пагган̣ха̄тӣти. таттха катамам̣ читтам̣? йам̣ читтам̣ мано ма̄насам̣…пе… таджджа̄мановин̃н̃а̄н̣адха̄ту – идам̣ вуччати ‘‘читтам̣’’. имам̣ читтам̣ пагган̣ха̄ти сампагган̣ха̄ти упаттхамбхети паччупаттхамбхети. тена вуччати ‘‘читтам̣ пагган̣ха̄тӣ’’ти.

414. падахатӣти. таттха катамам̣ саммаппадха̄нам̣? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – идам̣ вуччати ‘‘саммаппадха̄нам̣’’. авасеса̄ дхамма̄ саммаппадха̄насампайутта̄.

415. катхан̃ча бхиккху уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати.

416. чхандам̣ джанетӣти…пе… ва̄йаматӣти…пе… вӣрийам̣ а̄рабхатӣти…пе… читтам̣ пагган̣ха̄тӣти…пе… падахатӣти. таттха катамам̣ саммаппадха̄нам̣? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – идам̣ вуччати ‘‘саммаппадха̄нам̣’’. авасеса̄ дхамма̄ саммаппадха̄насампайутта̄.

417. катхан̃ча бхиккху ануппанна̄нам̣ кусала̄нам̣ дхамма̄нам̣ уппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе ануппанна̄нам̣ кусала̄нам̣ дхамма̄нам̣ уппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати.

418. чхандам̣ джанетӣти…пе… ва̄йаматӣти…пе… вӣрийам̣ а̄рабхатӣти…пе… читтам̣ пагган̣ха̄тӣти…пе… падахатӣти. таттха катамам̣ саммаппадха̄нам̣? йо четасико вӣрийа̄рамбхо …пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – идам̣ вуччати ‘‘саммаппадха̄нам̣’’. авасеса̄ дхамма̄ саммаппадха̄насампайутта̄.

419. катхан̃ча бхиккху уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати.

420. т̣хитийа̄ти. йа̄ т̣хити со асаммосо, йо асаммосо со бхиййобха̄во, йо бхиййобха̄во там̣ вепуллам̣, йам̣ вепуллам̣ са̄ бха̄вана̄, йа̄ бха̄вана̄ са̄ па̄рипӯрӣ.

421. чхандам̣ джанетӣти. таттха катамо чхандо? йо чхандо чхандиката̄ каттукамйата̄ кусало дхаммаччхандо – айам̣ вуччати ‘‘чхандо’’. имам̣ чхандам̣ джанети сан̃джанети ут̣т̣хапети самут̣т̣хапети ниббаттети абхиниббаттети. тена вуччати ‘‘чхандам̣ джанетӣ’’ти.

422. ва̄йаматӣти. таттха катамо ва̄йа̄мо? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – айам̣ вуччати ‘‘ва̄йа̄мо’’. имина̄ ва̄йа̄мена упето хоти…пе… саманна̄гато. тена вуччати ‘‘ва̄йаматӣ’’ти.

423. вӣрийам̣ а̄рабхатӣти. таттха катамам̣ вӣрийам̣? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – идам̣ вуччати ‘‘вӣрийам̣’’. имам̣ вӣрийам̣ а̄рабхати сама̄рабхати а̄севати бха̄вети бахулӣкароти. тена вуччати ‘‘вӣрийам̣ а̄рабхатӣ’’ти.

424. читтам̣ пагган̣ха̄тӣти. таттха катамам̣ читтам̣? йам̣ читтам̣ мано ма̄насам̣…пе… таджджа̄мановин̃н̃а̄н̣адха̄ту – идам̣ вуччати ‘‘читтам̣’’. имам̣ читтам̣ пагган̣ха̄ти сампагган̣ха̄ти упаттхамбхети паччупаттхамбхети. тена вуччати ‘‘читтам̣ пагган̣ха̄тӣ’’ти.

425. падахатӣти. таттха катамам̣ саммаппадха̄нам̣? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – идам̣ вуччати ‘‘саммаппадха̄нам̣’’. авасеса̄ дхамма̄ саммаппадха̄насампайутта̄.

426. таттха катамам̣ саммаппадха̄нам̣? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, йо тасмим̣ самайе четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – идам̣ вуччати ‘‘саммаппадха̄нам̣’’. авасеса̄ дхамма̄ саммаппадха̄насампайутта̄.

абхидхаммабха̄джанӣйам̣.