(1) рӯпадукам̣

1043. пан̃чаннам̣ кхандха̄нам̣ кати рӯпа̄, кати арӯпа̄…пе… саттаннам̣ читта̄нам̣ кати рӯпа̄, кати арӯпа̄?

рӯпаккхандхо рӯпам̣. чатта̄ро кхандха̄ арӯпа̄. даса̄йатана̄ рӯпа̄. мана̄йатанам̣ арӯпам̣. дхамма̄йатанам̣ сийа̄ рӯпам̣, сийа̄ арӯпам̣. даса дха̄туйо рӯпа̄. сатта дха̄туйо арӯпа̄. дхаммадха̄ту сийа̄ рӯпа̄, сийа̄ арӯпа̄. тӣн̣и сачча̄ни арӯпа̄. дуккхасаччам̣ сийа̄ рӯпам̣, сийа̄ арӯпам̣. саттиндрийа̄ рӯпа̄. чуддасиндрийа̄ арӯпа̄. джӣвитиндрийам̣ сийа̄ рӯпам̣, сийа̄ арӯпам̣. нава хетӯ арӯпа̄. кабал̣ӣка̄ро а̄ха̄ро рӯпам̣. тайо а̄ха̄ра̄ арӯпа̄. сатта пхасса̄ арӯпа̄. сатта ведана̄… сатта сан̃н̃а̄… сатта четана̄ сатта читта̄ арӯпа̄.