5. пан̃чаканиддесо

804. (1) таттха катамо пан̃чан̇гико самма̄сама̄дхи? пӣтипхаран̣ата̄, сукхапхаран̣ата̄, четопхаран̣ата̄, а̄локапхаран̣ата̄, паччавеккхан̣а̄нимиттам̣. двӣсу джха̄несу пан̃н̃а̄ пӣтипхаран̣ата̄. тӣсу джха̄несу пан̃н̃а̄ сукхапхаран̣ата̄. парачитте н̃а̄н̣ам̣ четопхаран̣ата̄. диббачаккху а̄локапхаран̣ата̄. тамха̄ тамха̄ сама̄дхимха̄ вут̣т̣хитасса паччавеккхан̣а̄н̃а̄н̣ам̣ паччавеккхан̣а̄нимиттам̣. айам̣ вуччати пан̃чан̇гико самма̄сама̄дхи.

(2) таттха катамо пан̃чан̃а̄н̣ико самма̄сама̄дхи? ‘‘айам̣ сама̄дхи паччуппаннасукхо чева а̄йатин̃ча сукхавипа̄ко’’ти паччаттан̃н̃ева н̃а̄н̣ам̣ уппаджджати. ‘‘айам̣ сама̄дхи арийо нира̄мисо’’ти паччаттан̃н̃ева н̃а̄н̣ам̣ уппаджджати. ‘‘айам̣ сама̄дхи ака̄пурисасевито’’ти паччаттан̃н̃ева н̃а̄н̣ам̣ уппаджджати. ‘‘айам̣ сама̄дхи санто пан̣ӣто пат̣иппассаддхаладдхо екодибха̄ва̄дхигато на сасан̇кха̄раниггайхава̄ритагато’’ти паччаттан̃н̃ева н̃а̄н̣ам̣ уппаджджати. со кхо пана̄хам̣ имам̣ сама̄дхим̣ сато сама̄паджджа̄ми сато вут̣т̣хаха̄мӣ’’ти паччаттан̃н̃ева н̃а̄н̣ам̣ уппаджджати. айам̣ пан̃чан̃а̄н̣ико самма̄сама̄дхи. евам̣ пан̃чавидхена н̃а̄н̣аваттху.

пан̃чакам̣.