2. абхидхаммабха̄джанӣйам̣

472. сатта боджджхан̇га̄ – сатисамбоджджхан̇го, дхаммавичайасамбоджджхан̇го, вӣрийасамбоджджхан̇го, пӣтисамбоджджхан̇го, пассаддхисамбоджджхан̇го, сама̄дхисамбоджджхан̇го, упеккха̄самбоджджхан̇го.

473. таттха катаме сатта боджджхан̇га̄? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе сатта боджджхан̇га̄ хонти – сатисамбоджджхан̇го…пе… упеккха̄самбоджджхан̇го.

474. таттха катамо сатисамбоджджхан̇го? йа̄ сати ануссати…пе… самма̄сати сатисамбоджджхан̇го магган̇гам̣ маггапарийа̄паннам̣ – айам̣ вуччати ‘‘сатисамбоджджхан̇го’’.

таттха катамо дхаммавичайасамбоджджхан̇го? йа̄ пан̃н̃а̄ паджа̄нана̄…пе… амохо дхаммавичайо самма̄дит̣т̣хи дхаммавичайасамбоджджхан̇го магган̇гам̣ маггапарийа̄паннам̣ – айам̣ вуччати ‘‘дхаммавичайасамбоджджхан̇го’’.

таттха катамо вӣрийасамбоджджхан̇го? йо четасико вӣрийа̄рамбхо…пе… самма̄ва̄йа̄мо вӣрийасамбоджджхан̇го магган̇гам̣ маггапарийа̄паннам̣ – айам̣ вуччати ‘‘вӣрийасамбоджджхан̇го’’.

таттха катамо пӣтисамбоджджхан̇го? йа̄ пӣти па̄моджджам̣ а̄модана̄ памодана̄ ха̄со паха̄со витти одагйам̣ [одаггам̣ (сӣ.) дха. са. 9] аттаманата̄ читтасса пӣтисамбоджджхан̇го – айам̣ вуччати ‘‘пӣтисамбоджджхан̇го’’.

таттха катамо пассаддхисамбоджджхан̇го? йа̄ ведана̄ккхандхасса сан̃н̃а̄ккхандхасса сан̇кха̄раккхандхасса вин̃н̃а̄н̣аккхандхасса пассаддхи пат̣иппассаддхи пассамбхана̄ пат̣иппассамбхана̄ пат̣иппассамбхитаттам̣ пассаддхисамбоджджхан̇го – айам̣ вуччати ‘‘пассаддхисамбоджджхан̇го’’.

таттха катамо сама̄дхисамбоджджхан̇го? йа̄ читтасса т̣хити…пе… самма̄сама̄дхи сама̄дхисамбоджджхан̇го магган̇гам̣ маггапарийа̄паннам̣ – айам̣ вуччати ‘‘сама̄дхисамбоджджхан̇го’’.

таттха катамо упеккха̄самбоджджхан̇го? йа̄ упеккха̄ упеккхана̄ аджджхупеккхана̄ маджджхаттата̄ читтасса упеккха̄самбоджджхан̇го – айам̣ вуччати ‘‘упеккха̄самбоджджхан̇го’’. име вуччанти сатта боджджхан̇га̄. авасеса̄ дхамма̄ саттахи боджджхан̇гехи сампайутта̄.

475. сатта боджджхан̇га̄ – сатисамбоджджхан̇го…пе… упеккха̄самбоджджхан̇го.

476. таттха катамо сатисамбоджджхан̇го? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, йа̄ тасмим̣ самайе сати ануссати самма̄сати сатисамбоджджхан̇го магган̇гам̣ маггапарийа̄паннам̣ – айам̣ вуччати ‘‘сатисамбоджджхан̇го’’. авасеса̄ дхамма̄ сатисамбоджджхан̇гасампайутта̄…пе… авасеса̄ дхамма̄ дхаммавичайасамбоджджхан̇гасампайутта̄…пе… авасеса̄ дхамма̄ вӣрийасамбоджджхан̇гасампайутта̄…пе… авасеса̄ дхамма̄ пӣтисамбоджджхан̇гасампайутта̄…пе… авасеса̄ дхамма̄ пассаддхисамбоджджхан̇гасампайутта̄…пе… авасеса̄ дхамма̄ сама̄дхисамбоджджхан̇гасампайутта̄.

477. сатта боджджхан̇га̄ – сатисамбоджджхан̇го…пе… упеккха̄самбоджджхан̇го.

478. таттха катаме сатта боджджхан̇га̄? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи …пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, йо тасмим̣ самайе пхассо хоти…пе… авиккхепо хоти – име дхамма̄ кусала̄. тассева локуттарасса кусаласса джха̄насса кататта̄ бха̄витатта̄ випа̄кам̣ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣ сун̃н̃атам̣, тасмим̣ самайе сатта боджджхан̇га̄ хонти – сатисамбоджджхан̇го…пе… упеккха̄самбоджджхан̇го.

479. таттха катамо сатисамбоджджхан̇го? йа̄ сати ануссати…пе… самма̄сати сатисамбоджджхан̇го магган̇гам̣ маггапарийа̄паннам̣ – айам̣ вуччати ‘‘сатисамбоджджхан̇го’’…пе….

таттха катамо упеккха̄самбоджджхан̇го? йа̄ упеккха̄ упеккхана̄ аджджхупеккхана̄ маджджхаттата̄ читтасса упеккха̄самбоджджхан̇го – айам̣ вуччати ‘‘упеккха̄самбоджджхан̇го’’. име вуччанти ‘‘сатта боджджхан̇га̄’’. авасеса̄ дхамма̄ саттахи боджджхан̇гехи сампайутта̄.

480. сатта боджджхан̇га̄ – сатисамбоджджхан̇го…пе… упеккха̄самбоджджхан̇го.

481. таттха катамо сатисамбоджджхан̇го? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. тассева локуттарасса кусаласса джха̄насса кататта̄ бха̄витатта̄ випа̄кам̣ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, йа̄ тасмим̣ самайе сати ануссати самма̄сати сатисамбоджджхан̇го магган̇гам̣ маггапарийа̄паннам̣ – айам̣ вуччати ‘‘сатисамбоджджхан̇го’’. авасеса̄ дхамма̄ сатисамбоджджхан̇гасампайутта̄…пе… авасеса̄ дхамма̄ дхаммавичайасамбоджджхан̇гасампайутта̄ …пе… авасеса̄ дхамма̄ вӣрийасамбоджджхан̇гасампайутта̄…пе… авасеса̄ дхамма̄ пӣтисамбоджджхан̇гасампайутта̄…пе… авасеса̄ дхамма̄ пассаддхисамбоджджхан̇гасампайутта̄…пе… авасеса̄ дхамма̄ сама̄дхисамбоджджхан̇гасампайутта̄.

таттха катамо упеккха̄самбоджджхан̇го? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. тассева локуттарасса кусаласса джха̄насса кататта̄ бха̄витатта̄ випа̄кам̣ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣ сун̃н̃атам̣, йа̄ тасмим̣ самайе упеккха̄ упеккхана̄ аджджхупеккхана̄ маджджхаттата̄ читтасса упеккха̄самбоджджхан̇го – айам̣ вуччати ‘‘упеккха̄самбоджджхан̇го’’. авасеса̄ дхамма̄ упеккха̄самбоджджхан̇гасампайутта̄.

абхидхаммабха̄джанӣйам̣.