1. рӯпаккхандхо

33. таттха катамо рӯпаккхандхо? екавидхена рӯпаккхандхо – саббам̣ рӯпам̣ на хету, ахетукам̣, хетувиппайуттам̣, саппаччайам̣, сан̇кхатам̣, рӯпам̣, локийам̣, са̄савам̣, сам̣йоджанийам̣, гантханийам̣, огханийам̣, йоганийам̣, нӣваран̣ийам̣, пара̄мат̣т̣хам̣, упа̄да̄нийам̣, сам̣килесикам̣, абйа̄катам̣, ана̄рамман̣ам̣, ачетасикам̣, читтавиппайуттам̣, невавипа̄канавипа̄кадхаммадхаммам̣, асам̣килит̣т̣хасам̣килесикам̣, на савитаккасавича̄рам̣, на авитаккавича̄раматтам̣, авитаккаавича̄рам̣, на пӣтисахагатам̣, на сукхасахагатам̣, на упеккха̄сахагатам̣, нева дассанена на бха̄вана̄йа паха̄таббам̣, нева дассанена на бха̄вана̄йа паха̄таббахетукам̣, нева̄чайага̄мина̄пачайага̄мӣ, невасеккхана̄секкхам̣, париттам̣, ка̄ма̄вачарам̣, на рӯпа̄вачарам̣, на арӯпа̄вачарам̣, парийа̄паннам̣, но апарийа̄паннам̣, анийатам̣, аниййа̄никам̣, уппаннам̣, чхахи вин̃н̃а̄н̣ехи вин̃н̃еййам̣, аниччам̣, джара̄бхибхӯтам̣. евам̣ екавидхена рӯпаккхандхо.

дувидхена рӯпаккхандхо – аттхи рӯпам̣ упа̄да̄, аттхи рӯпам̣ но упа̄да̄ [нупа̄да̄ (сӣ. ка.)]. аттхи рӯпам̣ упа̄диннам̣, аттхи рӯпам̣ анупа̄диннам̣. аттхи рӯпам̣ упа̄диннупа̄да̄нийам̣, аттхи рӯпам̣ анупа̄диннупа̄да̄нийам̣. аттхи рӯпам̣ санидассанам̣, аттхи рӯпам̣ анидассанам̣. аттхи рӯпам̣ саппат̣игхам̣, аттхи рӯпам̣ аппат̣игхам̣. аттхи рӯпам̣ индрийам̣, аттхи рӯпам̣ на индрийам̣. аттхи рӯпам̣ маха̄бхӯтам̣, аттхи рӯпам̣ на маха̄бхӯтам̣. аттхи рӯпам̣ вин̃н̃атти, аттхи рӯпам̣ на вин̃н̃атти. аттхи рӯпам̣ читтасамут̣т̣ха̄нам̣, аттхи рӯпам̣ на читтасамут̣т̣ха̄нам̣. аттхи рӯпам̣ читтасахабху, аттхи рӯпам̣ на читтасахабху. аттхи рӯпам̣ читта̄нупариватти, аттхи рӯпам̣ на читта̄нупариватти. аттхи рӯпам̣ аджджхаттикам̣, аттхи рӯпам̣ ба̄хирам̣. аттхи рӯпам̣ ол̣а̄рикам̣, аттхи рӯпам̣ сукхумам̣. аттхи рӯпам̣ дӯре, аттхи рӯпам̣ сантике…пе… аттхи рӯпам̣ кабал̣ӣка̄ро а̄ха̄ро, аттхи рӯпам̣ на кабал̣ӣка̄ро а̄ха̄ро. евам̣ дувидхена рӯпаккхандхо.

(йатха̄ рӯпакан̣д̣е вибхаттам̣, татха̄ идха вибхаджитаббам̣.)

тивидхена рӯпаккхандхо – йам̣ там̣ рӯпам̣ аджджхаттикам̣ там̣ упа̄да̄, йам̣ там̣ рӯпам̣ ба̄хирам̣ там̣ аттхи упа̄да̄, аттхи но упа̄да̄. йам̣ там̣ рӯпам̣ аджджхаттикам̣ там̣ упа̄диннам̣, йам̣ там̣ рӯпам̣ ба̄хирам̣ там̣ аттхи упа̄диннам̣, аттхи анупа̄диннам̣. йам̣ там̣ рӯпам̣ аджджхаттикам̣ там̣ упа̄диннупа̄да̄нийам̣, йам̣ там̣ рӯпам̣ ба̄хирам̣ там̣ аттхи упа̄диннупа̄да̄нийам̣, аттхи анупа̄диннупа̄да̄нийам̣…пе… йам̣ там̣ рӯпам̣ аджджхаттикам̣ там̣ на кабал̣ӣка̄ро а̄ха̄ро, йам̣ там̣ рӯпам̣ ба̄хирам̣ там̣ аттхи кабал̣ӣка̄ро а̄ха̄ро, аттхи на кабал̣ӣка̄ро а̄ха̄ро. евам̣ тивидхена рӯпаккхандхо.

чатуббидхена рӯпаккхандхо – йам̣ там̣ рӯпам̣ упа̄да̄ там̣ аттхи упа̄диннам̣, аттхи анупа̄диннам̣; йам̣ там̣ рӯпам̣ но упа̄да̄ там̣ аттхи упа̄диннам̣, аттхи анупа̄диннам̣. йам̣ там̣ рӯпам̣ упа̄да̄ там̣ аттхи упа̄диннупа̄да̄нийам̣, аттхи анупа̄диннупа̄да̄нийам̣; йам̣ там̣ рӯпам̣ но упа̄да̄ там̣ аттхи упа̄диннупа̄да̄нийам̣, аттхи анупа̄диннупа̄да̄нийам̣. йам̣ там̣ рӯпам̣ упа̄да̄ там̣ аттхи саппат̣игхам̣, аттхи аппат̣игхам̣; йам̣ там̣ рӯпам̣ но упа̄да̄ там̣ аттхи саппат̣игхам̣, аттхи аппат̣игхам̣. йам̣ там̣ рӯпам̣ упа̄да̄ там̣ аттхи ол̣а̄рикам̣, аттхи сукхумам̣; йам̣ там̣ рӯпам̣ но упа̄да̄ там̣ аттхи ол̣а̄рикам̣, аттхи сукхумам̣. йам̣ там̣ рӯпам̣ упа̄да̄ там̣ аттхи дӯре, аттхи сантике; йам̣ там̣ рӯпам̣ но упа̄да̄ там̣ аттхи дӯре, аттхи сантике…пе… дит̣т̣хам̣, сутам̣, мутам̣, вин̃н̃а̄там̣ рӯпам̣. евам̣ чатуббидхена рӯпаккхандхо.

пан̃чавидхена рӯпаккхандхо – патхавӣдха̄ту, а̄подха̄ту, теджодха̄ту, ва̄йодха̄ту, йан̃ча рӯпам̣ упа̄да̄. евам̣ пан̃чавидхена рӯпаккхандхо.

чхаббидхена рӯпаккхандхо – чаккхувин̃н̃еййам̣ рӯпам̣, сотавин̃н̃еййам̣ рӯпам̣, гха̄навин̃н̃еййам̣ рӯпам̣, дживха̄вин̃н̃еййам̣ рӯпам̣, ка̄йавин̃н̃еййам̣ рӯпам̣, мановин̃н̃еййам̣ рӯпам̣. евам̣ чхаббидхена рӯпаккхандхо.

саттавидхена рӯпаккхандхо – чаккхувин̃н̃еййам̣ рӯпам̣, сотавин̃н̃еййам̣ рӯпам̣, гха̄навин̃н̃еййам̣ рӯпам̣, дживха̄вин̃н̃еййам̣ рӯпам̣, ка̄йавин̃н̃еййам̣ рӯпам̣, манодха̄тувин̃н̃еййам̣ рӯпам̣, мановин̃н̃а̄н̣адха̄тувин̃н̃еййам̣ рӯпам̣. евам̣ саттавидхена рӯпаккхандхо.

ат̣т̣хавидхена рӯпаккхандхо – чаккхувин̃н̃еййам̣ рӯпам̣, сотавин̃н̃еййам̣ рӯпам̣, гха̄навин̃н̃еййам̣ рӯпам̣, дживха̄вин̃н̃еййам̣ рӯпам̣, ка̄йавин̃н̃еййам̣ рӯпам̣ аттхи сукхасампхассам̣, аттхи дуккхасампхассам̣, манодха̄тувин̃н̃еййам̣ рӯпам̣, мановин̃н̃а̄н̣адха̄тувин̃н̃еййам̣ рӯпам̣. евам̣ ат̣т̣хавидхена рӯпаккхандхо.

нававидхена рӯпаккхандхо – чаккхундрийам̣, сотиндрийам̣, гха̄ниндрийам̣, дживхиндрийам̣, ка̄йиндрийам̣, иттхиндрийам̣, пурисиндрийам̣, джӣвитиндрийам̣, йан̃ча рӯпам̣ на индрийам̣. евам̣ нававидхена рӯпаккхандхо.

дасавидхена рӯпаккхандхо – чаккхундрийам̣, сотиндрийам̣, гха̄ниндрийам̣, дживхиндрийам̣, ка̄йиндрийам̣, иттхиндрийам̣, пурисиндрийам̣, джӣвитиндрийам̣, на индрийам̣ рӯпам̣ аттхи саппат̣игхам̣, аттхи аппат̣игхам̣. евам̣ дасавидхена рӯпаккхандхо.

ека̄дасавидхена рӯпаккхандхо – чаккха̄йатанам̣, сота̄йатанам̣, гха̄на̄йатанам̣, дживха̄йатанам̣, ка̄йа̄йатанам̣, рӯпа̄йатанам̣, садда̄йатанам̣, гандха̄йатанам̣, раса̄йатанам̣, пхот̣т̣хабба̄йатанам̣, йан̃ча рӯпам̣ анидассанааппат̣игхам̣ дхамма̄йатанапарийа̄паннам̣. евам̣ ека̄дасавидхена рӯпаккхандхо.

айам̣ вуччати рӯпаккхандхо.