5. вин̃н̃а̄н̣аккхандхо

26. таттха катамо вин̃н̃а̄н̣аккхандхо? йам̣ кин̃чи вин̃н̃а̄н̣ам̣ атӣта̄на̄гатапаччуппаннам̣ аджджхаттам̣ ва̄ бахиддха̄ ва̄ ол̣а̄рикам̣ ва̄ сукхумам̣ ва̄ хӣнам̣ ва̄ пан̣ӣтам̣ ва̄ йам̣ дӯре сантике ва̄, тадекаджджхам̣ абхисан̃н̃ӯхитва̄ абхисан̇кхипитва̄ – айам̣ вуччати вин̃н̃а̄н̣аккхандхо.

27. таттха катамам̣ вин̃н̃а̄н̣ам̣ атӣтам̣? йам̣ вин̃н̃а̄н̣ам̣ атӣтам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатам̣ уппаджджитва̄ вигатам̣ атӣтам̣ атӣтам̣сена сан̇гахитам̣, чаккхувин̃н̃а̄н̣ам̣ сотавин̃н̃а̄н̣ам̣ гха̄навин̃н̃а̄н̣ам̣ дживха̄вин̃н̃а̄н̣ам̣ ка̄йавин̃н̃а̄н̣ам̣ мановин̃н̃а̄н̣ам̣ – идам̣ вуччати вин̃н̃а̄н̣ам̣ атӣтам̣.

таттха катамам̣ вин̃н̃а̄н̣ам̣ ана̄гатам̣? йам̣ вин̃н̃а̄н̣ам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтам̣ ануппаннам̣ асамуппаннам̣ анут̣т̣хитам̣ асамут̣т̣хитам̣ ана̄гатам̣ ана̄гатам̣сена сан̇гахитам̣, чаккхувин̃н̃а̄н̣ам̣ сотавин̃н̃а̄н̣ам̣ гха̄навин̃н̃а̄н̣ам̣ дживха̄вин̃н̃а̄н̣ам̣ ка̄йавин̃н̃а̄н̣ам̣ мановин̃н̃а̄н̣ам̣ – идам̣ вуччати вин̃н̃а̄н̣ам̣ ана̄гатам̣.

таттха катамам̣ вин̃н̃а̄н̣ам̣ паччуппаннам̣? йам̣ вин̃н̃а̄н̣ам̣ джа̄там̣ бхӯтам̣ сан̃джа̄там̣ ниббаттам̣ абхиниббаттам̣ па̄тубхӯтам̣ уппаннам̣ самуппаннам̣ ут̣т̣хитам̣ самут̣т̣хитам̣ паччуппаннам̣ паччуппаннам̣сена сан̇гахитам̣, чаккхувин̃н̃а̄н̣ам̣ сотавин̃н̃а̄н̣ам̣ гха̄навин̃н̃а̄н̣ам̣ дживха̄вин̃н̃а̄н̣ам̣ ка̄йавин̃н̃а̄н̣ам̣ мановин̃н̃а̄н̣ам̣ – идам̣ вуччати вин̃н̃а̄н̣ам̣ паччуппаннам̣.

28. таттха катамам̣ вин̃н̃а̄н̣ам̣ аджджхаттам̣? йам̣ вин̃н̃а̄н̣ам̣ тесам̣ тесам̣ сатта̄нам̣ аджджхаттам̣ паччаттам̣ нийакам̣ па̄т̣ипуггаликам̣ упа̄диннам̣, чаккхувин̃н̃а̄н̣ам̣ сотавин̃н̃а̄н̣ам̣ гха̄навин̃н̃а̄н̣ам̣ дживха̄вин̃н̃а̄н̣ам̣ ка̄йавин̃н̃а̄н̣ам̣ мановин̃н̃а̄н̣ам̣ – идам̣ вуччати вин̃н̃а̄н̣ам̣ аджджхаттам̣.

таттха катамам̣ вин̃н̃а̄н̣ам̣ бахиддха̄? йам̣ вин̃н̃а̄н̣ам̣ тесам̣ тесам̣ парасатта̄нам̣ парапуггала̄нам̣ аджджхаттам̣ паччаттам̣ нийакам̣ па̄т̣ипуггаликам̣ упа̄диннам̣, чаккхувин̃н̃а̄н̣ам̣ сотавин̃н̃а̄н̣ам̣ гха̄навин̃н̃а̄н̣ам̣ дживха̄вин̃н̃а̄н̣ам̣ ка̄йавин̃н̃а̄н̣ам̣ мановин̃н̃а̄н̣ам̣ – идам̣ вуччати вин̃н̃а̄н̣ам̣ бахиддха̄.

29. таттха катамам̣ вин̃н̃а̄н̣ам̣ ол̣а̄рикам̣ сукхумам̣? акусалам̣ вин̃н̃а̄н̣ам̣ ол̣а̄рикам̣, кусала̄бйа̄ката̄ вин̃н̃а̄н̣а̄ сукхума̄. кусала̄кусала̄ вин̃н̃а̄н̣а̄ ол̣а̄рика̄, абйа̄катам̣ вин̃н̃а̄н̣ам̣ сукхумам̣. дуккха̄йа ведана̄йа сампайуттам̣ вин̃н̃а̄н̣ам̣ ол̣а̄рикам̣, сукха̄йа ча адуккхамасукха̄йа ча ведана̄хи сампайутта̄ вин̃н̃а̄н̣а̄ сукхума̄. сукхадуккха̄хи ведана̄хи сампайутта̄ вин̃н̃а̄н̣а̄ ол̣а̄рика̄, адуккхамасукха̄йа ведана̄йа сампайуттам̣ вин̃н̃а̄н̣ам̣ сукхумам̣. асама̄паннасса вин̃н̃а̄н̣ам̣ ол̣а̄рикам̣, сама̄паннасса вин̃н̃а̄н̣ам̣ сукхумам̣. са̄савам̣ вин̃н̃а̄н̣ам̣ ол̣а̄рикам̣, ана̄савам̣ вин̃н̃а̄н̣ам̣ сукхумам̣. там̣ там̣ ва̄ пана вин̃н̃а̄н̣ам̣ упа̄да̄йупа̄да̄йа вин̃н̃а̄н̣ам̣ ол̣а̄рикам̣ сукхумам̣ дат̣т̣хаббам̣.

30. таттха катамам̣ вин̃н̃а̄н̣ам̣ хӣнам̣ пан̣ӣтам̣? акусалам̣ вин̃н̃а̄н̣ам̣ хӣнам̣, кусала̄бйа̄ката̄ вин̃н̃а̄н̣а̄ пан̣ӣта̄. кусала̄кусала̄ вин̃н̃а̄н̣а̄ хӣна̄, абйа̄катам̣ вин̃н̃а̄н̣ам̣ пан̣ӣтам̣. дуккха̄йа ведана̄йа сампайуттам̣ вин̃н̃а̄н̣ам̣ хӣнам̣, сукха̄йа ча адуккхамасукха̄йа ча ведана̄хи сампайутта̄ вин̃н̃а̄н̣а̄ пан̣ӣта̄. сукхадуккха̄хи ведана̄хи сампайутта̄ вин̃н̃а̄н̣а̄ хӣна̄, адуккхамасукха̄йа ведана̄йа сампайуттам̣ вин̃н̃а̄н̣ам̣ пан̣ӣтам̣. асама̄паннасса вин̃н̃а̄н̣ам̣ хӣнам̣, сама̄паннасса вин̃н̃а̄н̣ам̣ пан̣ӣтам̣. са̄савам̣ вин̃н̃а̄н̣ам̣ хӣнам̣, ана̄савам̣ вин̃н̃а̄н̣ам̣ пан̣ӣтам̣. там̣ там̣ ва̄ пана вин̃н̃а̄н̣ам̣ упа̄да̄йупа̄да̄йа вин̃н̃а̄н̣ам̣ хӣнам̣ пан̣ӣтам̣ дат̣т̣хаббам̣.

31. таттха катамам̣ вин̃н̃а̄н̣ам̣ дӯре? акусалам̣ вин̃н̃а̄н̣ам̣ кусала̄бйа̄катехи вин̃н̃а̄н̣ехи дӯре; кусала̄бйа̄ката̄ вин̃н̃а̄н̣а̄ акусала̄ вин̃н̃а̄н̣а̄ дӯре; кусалам̣ вин̃н̃а̄н̣ам̣ акусала̄бйа̄катехи вин̃н̃а̄н̣ехи дӯре; акусала̄бйа̄ката̄ вин̃н̃а̄н̣а̄ кусала̄ вин̃н̃а̄н̣а̄ дӯре; абйа̄катам̣ вин̃н̃а̄н̣ам̣ кусала̄кусалехи вин̃н̃а̄н̣ехи дӯре; кусала̄кусала̄ вин̃н̃а̄н̣а̄ абйа̄ката̄ вин̃н̃а̄н̣а̄ дӯре. дуккха̄йа ведана̄йа сампайуттам̣ вин̃н̃а̄н̣ам̣ сукха̄йа ча адуккхамасукха̄йа ча ведана̄хи сампайуттехи вин̃н̃а̄н̣ехи дӯре; сукха̄йа ча адуккхамасукха̄йа ча ведана̄хи сампайутта̄ вин̃н̃а̄н̣а̄ дуккха̄йа ведана̄йа сампайутта̄ вин̃н̃а̄н̣а̄ дӯре; сукха̄йа ведана̄йа сампайуттам̣ вин̃н̃а̄н̣ам̣ дуккха̄йа ча адуккхамасукха̄йа ча ведана̄хи сампайуттехи вин̃н̃а̄н̣ехи дӯре; дуккха̄йа ча адуккхамасукха̄йа ча ведана̄хи сампайутта̄ вин̃н̃а̄н̣а̄ сукха̄йа ведана̄йа сампайутта̄ вин̃н̃а̄н̣а̄ дӯре; адуккхамасукха̄йа ведана̄йа сампайуттам̣ вин̃н̃а̄н̣ам̣ сукхадуккха̄хи ведана̄хи сампайуттехи вин̃н̃а̄н̣ехи дӯре; сукхадуккха̄хи ведана̄хи сампайутта̄ вин̃н̃а̄н̣а̄ адуккхамасукха̄йа ведана̄йа сампайутта̄ вин̃н̃а̄н̣а̄ дӯре. асама̄паннасса вин̃н̃а̄н̣ам̣ сама̄паннасса вин̃н̃а̄н̣а̄ дӯре; сама̄паннасса вин̃н̃а̄н̣ам̣ асама̄паннасса вин̃н̃а̄н̣а̄ дӯре. са̄савам̣ вин̃н̃а̄н̣ам̣ ана̄сава̄ вин̃н̃а̄н̣а̄ дӯре; ана̄савам̣ вин̃н̃а̄н̣ам̣ са̄сава̄ вин̃н̃а̄н̣а̄ дӯре – идам̣ вуччати вин̃н̃а̄н̣ам̣ дӯре.

таттха катамам̣ вин̃н̃а̄н̣ам̣ сантике? акусалам̣ вин̃н̃а̄н̣ам̣ акусаласса вин̃н̃а̄н̣асса сантике; кусалам̣ вин̃н̃а̄н̣ам̣ кусаласса вин̃н̃а̄н̣асса сантике; абйа̄катам̣ вин̃н̃а̄н̣ам̣ абйа̄катасса вин̃н̃а̄н̣асса сантике. дуккха̄йа ведана̄йа сампайуттам̣ вин̃н̃а̄н̣ам̣ дуккха̄йа ведана̄йа сампайуттасса вин̃н̃а̄н̣асса сантике; сукха̄йа ведана̄йа сампайуттам̣ вин̃н̃а̄н̣ам̣ сукха̄йа ведана̄йа сампайуттасса вин̃н̃а̄н̣асса сантике; адуккхамасукха̄йа ведана̄йа сампайуттам̣ вин̃н̃а̄н̣ам̣ адуккхамасукха̄йа ведана̄йа сампайуттасса вин̃н̃а̄н̣асса сантике. асама̄паннасса вин̃н̃а̄н̣ам̣ асама̄паннасса вин̃н̃а̄н̣асса сантике; сама̄паннасса вин̃н̃а̄н̣ам̣ сама̄паннасса вин̃н̃а̄н̣асса сантике. са̄савам̣ вин̃н̃а̄н̣ам̣ са̄савасса вин̃н̃а̄н̣асса сантике; ана̄савам̣ вин̃н̃а̄н̣ам̣ ана̄савасса вин̃н̃а̄н̣асса сантике – идам̣ вуччати вин̃н̃а̄н̣ам̣ сантике. там̣ там̣ ва̄ пана вин̃н̃а̄н̣ам̣ упа̄да̄йупа̄да̄йа вин̃н̃а̄н̣ам̣ дӯре сантике дат̣т̣хаббам̣.

суттантабха̄джанӣйам̣.