2-1. ведана̄ттика-хетудукам̣

37. насукха̄йа ведана̄йа сампайуттам̣ нахетум̣ дхаммам̣ пат̣ичча сукха̄йа ведана̄йа сампайутто хету дхаммо уппаджджати хетупаччайа̄. насукха̄йа ведана̄йа сампайуттам̣ нахетум̣ дхаммам̣ пат̣ичча дуккха̄йа ведана̄йа сампайутто хету дхаммо уппаджджати хетупаччайа̄. насукха̄йа ведана̄йа сампайуттам̣ нахетум̣ дхаммам̣ пат̣ичча адуккхамасукха̄йа ведана̄йа сампайутто хету дхаммо уппаджджати хетупаччайа̄. тӣн̣и.

надуккха̄йа ведана̄йа сампайуттам̣ нахетум̣ дхаммам̣ пат̣ичча дуккха̄йа ведана̄йа сампайутто хету дхаммо уппаджджати хетупаччайа̄… тӣн̣и.

наадуккхамасукха̄йа ведана̄йа сампайуттам̣ нахетум̣ дхаммам̣ пат̣ичча адуккхамасукха̄йа ведана̄йа сампайутто хету дхаммо уппаджджати хетупаччайа̄… тӣн̣и.

насукха̄йа ведана̄йа сампайуттам̣ нахетун̃ча наадуккхамасукха̄йа ведана̄йа сампайуттам̣ нахетун̃ча дхаммам̣ пат̣ичча сукха̄йа ведана̄йа сампайутто хету дхаммо уппаджджати хетупаччайа̄… тӣн̣и (дутийам̣ ган̣итакена тӣн̣и). хетуйа̄ екавӣса.

насукха̄йа ведана̄йа сампайуттам̣ нанахетум̣ дхаммам̣ пат̣ичча дуккха̄йа ведана̄йа сампайутто нахету дхаммо уппаджджати хетупаччайа̄… две.

надуккха̄йа ведана̄йа сампайуттам̣ нанахетум̣ дхаммам̣ пат̣ичча… (две пан̃ха̄йева).

наадуккхамасукха̄йа ведана̄йа сампайуттам̣ нанахетум̣ дхаммам̣ пат̣ичча… (двейева. пат̣хамам̣ ган̣итакена екам̣, дутийам̣ ган̣итакена екам̣, татийам̣ ган̣итакена екам̣ ка̄таббам̣.) хетуйа̄ нава.