7-13. чӯл̣антарадука̄ди

7. нааппаччайам̣ дхаммам̣ пат̣ичча саппаччайо дхаммо уппаджджати хетупаччайа̄. хетуйа̄ екам̣.

8. наасан̇кхатам̣ дхаммам̣ пат̣ичча сан̇кхато дхаммо уппаджджати хетупаччайа̄. хетуйа̄ екам̣.

9. насанидассанам̣ дхаммам̣ пат̣ичча санидассано дхаммо уппаджджати хетупаччайа̄. насанидассанам̣ дхаммам̣ пат̣ичча анидассано дхаммо уппаджджати хетупаччайа̄. насанидассанам̣ дхаммам̣ пат̣ичча санидассано ча анидассано ча дхамма̄ уппаджджанти хетупаччайа̄. хетуйа̄ тӣн̣и.

насанидассано дхаммо санидассанасса дхаммасса хетупаччайена паччайо… тӣн̣и.

насанидассано дхаммо анидассанасса дхаммасса а̄рамман̣апаччайена паччайо. наанидассано дхаммо анидассанасса дхаммасса а̄рамман̣апаччайена паччайо.

10. насаппат̣игхам̣ дхаммам̣ пат̣ичча саппат̣игхо дхаммо уппаджджати хетупаччайа̄. насаппат̣игхам̣ дхаммам̣ пат̣ичча аппат̣игхо дхаммо уппаджджати хетупаччайа̄. насаппат̣игхам̣ дхаммам̣ пат̣ичча саппат̣игхо ча аппат̣игхо ча дхамма̄ уппаджджанти хетупаччайа̄. тӣн̣и.

нааппат̣игхам̣ дхаммам̣ пат̣ичча аппат̣игхо дхаммо уппаджджати хетупаччайа̄. нааппат̣игхам̣ дхаммам̣ пат̣ичча саппат̣игхо дхаммо уппаджджати хетупаччайа̄. нааппат̣игхам̣ дхаммам̣ пат̣ичча саппат̣игхо ча аппат̣игхо ча дхамма̄ уппаджджанти хетупаччайа̄. тӣн̣и.

насаппат̣игхан̃ча нааппат̣игхан̃ча дхаммам̣ пат̣ичча саппат̣игхо дхаммо уппаджджати хетупаччайа̄… тӣн̣и. хетуйа̄ нава.

11. нарӯпим̣ дхаммам̣ пат̣ичча рӯпӣ дхаммо уппаджджати хетупаччайа̄… хетуйа̄ нава.

12. налокийам̣ дхаммам̣ пат̣ичча локийо дхаммо уппаджджати хетупаччайа̄. налокийам̣ дхаммам̣ пат̣ичча локуттаро дхаммо уппаджджати хетупаччайа̄. налокийам̣ дхаммам̣ пат̣ичча локийо ча локуттаро ча дхамма̄ уппаджджанти хетупаччайа̄. (3)

налокуттарам̣ дхаммам̣ пат̣ичча локийо дхаммо уппаджджати хетупаччайа̄. (1)

налокийан̃ча налокуттаран̃ча дхаммам̣ пат̣ичча локийо дхаммо уппаджджати хетупаччайа̄. (1). хетуйа̄ пан̃ча.

13. накеначи вин̃н̃еййам̣ дхаммам̣ пат̣ичча кеначи вин̃н̃еййо дхаммо уппаджджати хетупаччайа̄… хетуйа̄ нава.