89-1. саппӣтикадука-кусалаттикам̣

68. саппӣтикам̣ кусалам̣ дхаммам̣ пат̣ичча насаппӣтико накусало дхаммо уппаджджати хетупаччайа̄. аппӣтикам̣ кусалам̣ дхаммам̣ пат̣ичча насаппӣтико накусало дхаммо уппаджджати хетупаччайа̄. саппӣтикам̣ кусалан̃ча аппӣтикам̣ кусалан̃ча дхаммам̣ пат̣ичча насаппӣтико накусало дхаммо уппаджджати хетупаччайа̄. хетуйа̄ тӣн̣и.

саппӣтикам̣ акусалам̣ дхаммам̣ пат̣ичча насаппӣтико наакусало дхаммо уппаджджати хетупаччайа̄. аппӣтикам̣ акусалам̣ дхаммам̣ пат̣ичча насаппӣтико наакусало дхаммо уппаджджати хетупаччайа̄. саппӣтикам̣ акусалан̃ча аппӣтикам̣ акусалан̃ча дхаммам̣ пат̣ичча насаппӣтико акусало дхаммо уппаджджати хетупаччайа̄. хетуйа̄ тӣн̣и. (абйа̄катамӯлам̣ тӣн̣ийева.)