1-7. пат̣иччава̄ра̄ди

хетупаччайо

90. випа̄кадхаммадхаммам̣ кусалам̣ дхаммам̣ пат̣ичча випа̄кадхаммадхаммо кусало дхаммо уппаджджати хетупаччайа̄. (сам̣кхиттам̣.)

хетуйа̄ екам̣…пе… авигате екам̣. (сам̣кхиттам̣.)

91. випа̄кадхаммадхаммам̣ акусалам̣ дхаммам̣ пат̣ичча випа̄кадхаммадхаммо акусало дхаммо уппаджджати хетупаччайа̄. (сам̣кхиттам̣.)

хетуйа̄ екам̣. (саббаттха екам̣.)

92. випа̄кам̣ абйа̄катам̣ дхаммам̣ пат̣ичча випа̄ко абйа̄като дхаммо уппаджджати хетупаччайа̄… тӣн̣и.

невавипа̄канавипа̄кадхаммадхаммам̣ абйа̄катам̣ дхаммам̣ пат̣ичча невавипа̄канавипа̄кадхаммадхаммо абйа̄като дхаммо уппаджджати хетупаччайа̄… тӣн̣и.

випа̄кам̣ абйа̄катан̃ча невавипа̄канавипа̄кадхаммадхаммам̣ абйа̄катан̃ча дхаммам̣ пат̣ичча випа̄ко абйа̄като дхаммо уппаджджати хетупаччайа̄… тӣн̣и. (сам̣кхиттам̣.)

хетуйа̄ нава, авигате нава. (сам̣кхиттам̣. саббаттха виттха̄ро.)