1-7. пат̣иччава̄ра̄ди

паччайачатуккам̣

84. абйа̄катам̣ анидассанасаппат̣игхам̣ дхаммам̣ пат̣ичча абйа̄като анидассанасаппат̣игхо дхаммо уппаджджати хетупаччайа̄. (сам̣кхиттам̣.)

хетуйа̄ екам̣…пе… авигате екам̣. (сам̣кхиттам̣.)

(сахаджа̄тава̄рампи…пе… пан̃ха̄ва̄рампи виттха̄ретаббам̣.)

85. кусалам̣ анидассанааппат̣игхам̣ дхаммам̣ пат̣ичча кусало анидассанааппат̣игхо дхаммо уппаджджати хетупаччайа̄. кусалам̣ анидассанааппат̣игхам̣ дхаммам̣ пат̣ичча абйа̄като анидассанааппат̣игхо дхаммо уппаджджати хетупаччайа̄. кусалам̣ анидассанааппат̣игхам̣ дхаммам̣ пат̣ичча кусало анидассанааппат̣игхо ча абйа̄като анидассанааппат̣игхо ча дхамма̄ уппаджджанти хетупаччайа̄. (3)

акусалам̣ анидассанааппат̣игхам̣ дхаммам̣ пат̣ичча акусало анидассанааппат̣игхо дхаммо уппаджджати хетупаччайа̄… тӣн̣и.

абйа̄катам̣ анидассанааппат̣игхам̣ дхаммам̣ пат̣ичча абйа̄като анидассанааппат̣игхо дхаммо уппаджджати хетупаччайа̄. (1)

кусалам̣ анидассанааппат̣игхан̃ча абйа̄катам̣ анидассанааппат̣игхан̃ча дхаммам̣ пат̣ичча абйа̄като анидассанааппат̣игхо дхаммо уппаджджати хетупаччайа̄. (1)

акусалам̣ анидассанааппат̣игхан̃ча абйа̄катам̣ анидассанааппат̣игхан̃ча дхаммам̣ пат̣ичча абйа̄като анидассанааппат̣игхо дхаммо уппаджджати хетупаччайа̄. (1)

хетуйа̄ нава, а̄рамман̣е тӣн̣и…пе… випа̄ке екам̣…пе… авигате нава. (сам̣кхиттам̣. сахаджа̄тава̄рампи…пе… сампайуттава̄рампи пан̃ха̄ва̄рампи виттха̄ретаббам̣.)

кусалаттикасанидассанаттикам̣ нит̣т̣хитам̣.