1-7. пат̣иччава̄ра̄ди

паччайачатуккам̣

хетупаччайо

29. кусалам̣ савитаккасавича̄рам̣ дхаммам̣ пат̣ичча кусало савитаккасавича̄ро дхаммо уппаджджати хетупаччайа̄. (1)

акусалам̣ савитаккасавича̄рам̣ дхаммам̣ пат̣ичча акусало савитаккасавича̄ро дхаммо уппаджджати хетупаччайа̄. (1)

абйа̄катам̣ савитаккасавича̄рам̣ дхаммам̣ пат̣ичча абйа̄като савитаккасавича̄ро дхаммо уппаджджати хетупаччайа̄. (1) (сам̣кхиттам̣.)

хетуйа̄ тӣн̣и, а̄рамман̣е тӣн̣и, авигате тӣн̣и. (сам̣кхиттам̣. сахаджа̄тава̄рампи…пе… сампайуттава̄рампи пат̣иччава̄расадисам̣.)

30. кусало савитаккасавича̄ро дхаммо кусаласса савитаккасавича̄расса дхаммасса хетупаччайена паччайо. (1)

акусало савитаккасавича̄ро дхаммо акусаласса савитаккасавича̄расса дхаммасса хетупаччайена паччайо. (1)

абйа̄като савитаккасавича̄ро дхаммо абйа̄катасса савитаккасавича̄расса дхаммасса хетупаччайена паччайо. (1) (сам̣кхиттам̣.)

31. хетуйа̄ тӣн̣и, а̄рамман̣е нава, авигате тӣн̣и. (сам̣кхиттам̣.) (йатха̄ кусалаттике пан̃ха̄ва̄рам̣ евам̣ виттха̄ретаббам̣).

32. кусалам̣ авитаккавича̄раматтам̣ дхаммам̣ пат̣ичча кусало авитаккавича̄раматто дхаммо уппаджджати хетупаччайа̄. (1)

абйа̄катам̣ авитаккавича̄раматтам̣ дхаммам̣ пат̣ичча абйа̄като авитаккавича̄раматто дхаммо уппаджджати хетупаччайа̄. (1) (сам̣кхиттам̣.)

хетуйа̄ две, авигате две. (сам̣кхиттам̣.)

(сахаджа̄тава̄репи…пе… сампайуттава̄репи пан̃ха̄ва̄репи саббаттха виттха̄ро.)

33. кусалам̣ авитаккаавича̄рам̣ дхаммам̣ пат̣ичча кусало авитаккаавича̄ро дхаммо уппаджджати хетупаччайа̄… тӣн̣и.

абйа̄катам̣ авитаккаавича̄рам̣ дхаммам̣ пат̣ичча абйа̄като авитаккаавича̄ро дхаммо уппаджджати хетупаччайа̄. (1)

кусалам̣ авитаккаавича̄ран̃ча абйа̄катам̣ авитаккаавича̄ран̃ча дхаммам̣ пат̣ичча абйа̄като авитаккаавича̄ро дхаммо уппаджджати хетупаччайа̄. (1) (сам̣кхиттам̣.)

хетуйа̄ пан̃ча, а̄рамман̣е две, авигате пан̃ча. (сам̣кхиттам̣. сахаджа̄тава̄рампи…пе… пан̃ха̄ва̄рампи виттха̄ретаббам̣.)