1-7. пат̣иччава̄ра̄ди

паччайачатуккам̣

хетупаччайо

1. нопара̄ма̄сам̣ кусалам̣ дхаммам̣ пат̣ичча нопара̄ма̄со кусало дхаммо уппаджджати хетупаччайа̄ (сам̣кхиттам̣).

2. хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣.)

3. пара̄ма̄сам̣ акусалам̣ дхаммам̣ пат̣ичча нопара̄ма̄со акусало дхаммо уппаджджати хетупаччайа̄. (1)

нопара̄ма̄сам̣ акусалам̣ дхаммам̣ пат̣ичча нопара̄ма̄со акусало дхаммо уппаджджати хетупаччайа̄… тӣн̣и.

пара̄ма̄сам̣ акусалан̃ча нопара̄ма̄сам̣ акусалан̃ча дхаммам̣ пат̣ичча нопара̄ма̄со акусало дхаммо уппаджджати хетупаччайа̄. (1) (сам̣кхиттам̣.)

4. хетуйа̄ пан̃ча, а̄рамман̣е пан̃ча…пе… авигате пан̃ча (сам̣кхиттам̣).

нахетуйа̄ екам̣, наадхипатийа̄ пан̃ча, напуреджа̄те пан̃ча, напаччха̄джа̄те пан̃ча…пе… (сам̣кхиттам̣). (сахаджа̄тава̄рампи…пе… сампайуттава̄рампи виттха̄ретаббам̣.)

5. нопара̄ма̄со акусало дхаммо нопара̄ма̄сасса акусаласса дхаммасса хетупаччайена паччайо (сам̣кхиттам̣).

6. хетуйа̄ тӣн̣и, а̄рамман̣е нава, адхипатийа̄ нава…пе… авигате пан̃ча (сам̣кхиттам̣).

(йатха̄ кусалаттике пан̃ха̄ва̄расса ануломампи паччанӣйампи ануломапаччанӣйампи паччанӣйа̄нуломампи ган̣итам̣, евам̣ ган̣етаббам̣.)

7. нопара̄ма̄сам̣ абйа̄катам̣ дхаммам̣ пат̣ичча нопара̄ма̄со абйа̄като дхаммо уппаджджати хетупаччайа̄ (сам̣кхиттам̣).

8. хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣.)