1-7. пат̣иччава̄ра̄ди

паччайачатуккам̣

хетупаччайо

35. кусалам̣ рӯпа̄вачарам̣ дхаммам̣ пат̣ичча кусало рӯпа̄вачаро дхаммо уппаджджати хетупаччайа̄. (1)

абйа̄катам̣ рӯпа̄вачарам̣ дхаммам̣ пат̣ичча абйа̄като рӯпа̄вачаро дхаммо уппаджджати хетупаччайа̄. (1) (сам̣кхиттам̣.)

хетуйа̄ две…пе… авигате две (сам̣кхиттам̣).

(сахаджа̄тава̄рампи…пе… пан̃ха̄ва̄рампи виттха̄ретаббам̣.)

36. кусалам̣ нарӯпа̄вачарам̣ дхаммам̣ пат̣ичча кусало нарӯпа̄вачаро дхаммо уппаджджати хетупаччайа̄… тӣн̣и.

акусалам̣ нарӯпа̄вачарам̣ дхаммам̣ пат̣ичча акусало нарӯпа̄вачаро дхаммо уппаджджати хетупаччайа̄… тӣн̣и.

абйа̄катам̣ нарӯпа̄вачарам̣ дхаммам̣ пат̣ичча абйа̄като нарӯпа̄вачаро дхаммо уппаджджати хетупаччайа̄. (1)

кусалам̣ нарӯпа̄вачаран̃ча абйа̄катам̣ нарӯпа̄вачаран̃ча дхаммам̣ пат̣ичча абйа̄като нарӯпа̄вачаро дхаммо уппаджджати хетупаччайа̄. (1)

акусалам̣ нарӯпа̄вачаран̃ча абйа̄катам̣ нарӯпа̄вачаран̃ча дхаммам̣ пат̣ичча абйа̄като нарӯпа̄вачаро дхаммо уппаджджати хетупаччайа̄. (1) (сам̣кхиттам̣.)

37. хетуйа̄ нава, а̄рамман̣е тӣн̣и…пе… авигате нава (сам̣кхиттам̣. сахаджа̄тава̄рампи…пе… сампайуттава̄рампи пат̣иччава̄расадисам̣).

38. кусало нарӯпа̄вачаро дхаммо кусаласса нарӯпа̄вачарасса дхаммасса хетупаччайена паччайо… тӣн̣и.

акусало нарӯпа̄вачаро дхаммо акусаласса нарӯпа̄вачарасса дхаммасса хетупаччайена паччайо… тӣн̣и.

абйа̄като нарӯпа̄вачаро дхаммо абйа̄катасса нарӯпа̄вачарасса дхаммасса хетупаччайена паччайо. (1) (сам̣кхиттам̣.)

39. хетуйа̄ сатта, а̄рамман̣е нава…пе… авигате тераса (сам̣кхиттам̣. йатха̄ кусалаттике пан̃ха̄ва̄рам̣, евам̣ виттха̄ретаббам̣).