1. вибхан̇гава̄ро

хетупаччайо

86. килесо чева сам̣килит̣т̣хо ча дхаммо килесасса чева сам̣килит̣т̣хасса ча дхаммасса хетупаччайена паччайо – килеса̄ чева сам̣килит̣т̣ха̄ ча хетӯ сампайуттака̄нам̣ килеса̄нам̣ хетупаччайена паччайо. (1)

килесо чева сам̣килит̣т̣хо ча дхаммо сам̣килит̣т̣хасса чева но ча килесасса дхаммасса хетупаччайена паччайо – килеса̄ чева сам̣килит̣т̣ха̄ ча хетӯ сампайуттака̄нам̣ кхандха̄нам̣ хетупаччайена паччайо.

килесо чева сам̣килит̣т̣хо ча дхаммо килесасса чева сам̣килит̣т̣хасса ча сам̣килит̣т̣хасса чева но ча килесасса ча дхаммасса хетупаччайена паччайо – килеса̄ чева сам̣килит̣т̣ха̄ ча хетӯ сампайуттака̄нам̣ кхандха̄нам̣ килеса̄нан̃ча хетупаччайена паччайо. (3)

а̄рамман̣апаччайо

87. килесо чева сам̣килит̣т̣хо ча дхаммо килесасса чева сам̣килит̣т̣хасса ча дхаммасса а̄рамман̣апаччайена паччайо – килесе а̄раббха килеса̄ уппаджджанти. (мӯлам̣ ка̄таббам̣.) килесе а̄раббха сам̣килит̣т̣ха̄ чева но ча килеса̄ кхандха̄ уппаджджанти. (мӯлам̣ ка̄таббам̣.) килесе а̄раббха килеса̄ ча сампайуттака̄ кхандха̄ ча уппаджджанти. (3)

88. сам̣килит̣т̣хо чева но ча килесо дхаммо сам̣килит̣т̣хасса чева но ча килесасса дхаммасса а̄рамман̣апаччайена паччайо – сам̣килит̣т̣хе чева но ча килесе кхандхе а̄раббха сам̣килит̣т̣ха̄ чева но ча килеса̄ кхандха̄ уппаджджанти. (мӯлам̣ ка̄таббам̣.) сам̣килит̣т̣хе чева но ча килесе кхандхе а̄раббха килеса̄ уппаджджанти. (мӯлам̣ ка̄таббам̣.) сам̣килит̣т̣хе чева но ча килесе кхандхе а̄раббха килеса̄ ча сампайуттака̄ кхандха̄ ча уппаджджанти. (3)

(итарепи тӣн̣и ка̄табба̄.)

адхипатипаччайо

89. килесо чева сам̣килит̣т̣хо ча дхаммо килесасса чева сам̣килит̣т̣хасса ча дхаммасса адхипатипаччайена паччайо – а̄рамман̣а̄дхипати… тӣн̣и.

сам̣килит̣т̣хо чева но ча килесо дхаммо сам̣килит̣т̣хасса чева но ча килесасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – сам̣килит̣т̣хе чева но ча килесе кхандхе гарум̣ катва̄…пе… тӣн̣и. (две адхипати тӣн̣ипи ка̄табба̄, итаре двепи тӣн̣и ка̄табба̄.)

анантарапаччайа̄ди

90. килесо чева сам̣килит̣т̣хо ча дхаммо килесасса чева сам̣килит̣т̣хасса ча дхаммасса анантарапаччайена паччайо (навапи ка̄табба̄, а̄ваджджана̄пи вут̣т̣ха̄нампи наттхи)… саманантарапаччайена паччайо… сахаджа̄тапаччайена паччайо… ан̃н̃аман̃н̃апаччайена паччайо… ниссайапаччайена паччайо… упаниссайапаччайена паччайо… нава пан̃ха̄ (пуреджа̄тапаччайо паччха̄джа̄тапаччайопи наттхи)… а̄севанапаччайена паччайо.

каммапаччайа̄ди

91. сам̣килит̣т̣хо чева но ча килесо дхаммо сам̣килит̣т̣хасса чева но ча килесасса дхаммасса каммапаччайена паччайо – сам̣килит̣т̣ха̄ чева но ча килеса̄ четана̄ сампайуттака̄нам̣ кхандха̄нам̣ каммапаччайена паччайо. (1)

сам̣килит̣т̣хо чева но ча килесо дхаммо килесасса чева сам̣килит̣т̣хасса ча дхаммасса каммапаччайена паччайо – сам̣килит̣т̣ха̄ чева но ча килеса̄ четана̄ сампайуттака̄нам̣ килеса̄нам̣ каммапаччайена паччайо. (2)

сам̣килит̣т̣хо чева но ча килесо дхаммо килесасса чева сам̣килит̣т̣хасса ча сам̣килит̣т̣хасса чева но ча килесасса дхаммасса каммапаччайена паччайо – сам̣килит̣т̣ха̄ чева но ча килеса̄ четана̄ сампайуттака̄нам̣ кхандха̄нам̣ килеса̄нан̃ча каммапаччайена паччайо. (3)

а̄ха̄рапаччайена паччайо… тӣн̣и… индрийапаччайена паччайо… тӣн̣и… джха̄напаччайена паччайо… тӣн̣и… маггапаччайена паччайо… нава… сампайуттапаччайена паччайо… нава… аттхипаччайена паччайо… нава… наттхипаччайена паччайо… вигатапаччайена паччайо… авигатапаччайена паччайо… нава.