1. вибхан̇гава̄ро

хетупаччайо

75. килесо чева сам̣килесико ча дхаммо килесасса чева сам̣килесикасса ча дхаммасса хетупаччайена паччайо – килеса̄ чева сам̣килесика̄ ча хетӯ сампайуттака̄нам̣ килеса̄нам̣ хетупаччайена паччайо (евам̣ чатта̄ри, килесадукасадисам̣.) (4)

а̄рамман̣апаччайо

76. килесо чева сам̣килесико ча дхаммо килесасса чева сам̣килесикасса ча дхаммасса а̄рамман̣апаччайена паччайо – килесе а̄раббха килеса̄ уппаджджанти. (мӯлам̣ ка̄таббам̣.) килесе а̄раббха сам̣килесика̄ чева но ча килеса̄ кхандха̄ уппаджджанти. (мӯлам̣ ка̄таббам̣.) килесе а̄раббха килеса̄ ча сампайуттака̄ ча кхандха̄ уппаджджанти. (3)

77. сам̣килесико чева но ча килесо дхаммо сам̣килесикасса чева но ча килесасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣…пе… пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣ паччавеккхати, асса̄дети абхинандати, там̣ а̄раббха ра̄го уппаджджати…пе… уддхаччам̣ уппаджджати, джха̄не парихӣне виппат̣иса̄рисса доманассам̣ уппаджджати; арийа̄ готрабхум̣ паччавеккханти, вода̄нам̣ паччавеккханти, чаккхум̣…пе… ваттхум̣ сам̣килесике чева но ча килесе кхандхе аниччато…пе… доманассам̣ уппаджджати; диббена чаккхуна̄ рӯпам̣ пассати…пе… а̄ваджджана̄йа а̄рамман̣апаччайена паччайо (итаре две килесадукасадиса̄, гхат̣ана̄рамман̣а̄пи килесадукасадиса̄).

адхипатипаччайо

78. килесо чева сам̣килесико ча дхаммо килесасса чева сам̣килесикасса ча дхаммасса адхипатипаччайена паччайо – а̄рамман̣а̄дхипати… тӣн̣и.

сам̣килесико чева но ча килесо дхаммо сам̣килесикасса чева но ча килесасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣…пе… сӣлам̣…пе… упосатхакаммам̣…пе… пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣ гарум̣ катва̄ паччавеккхати, секкха̄ готрабхум̣ гарум̣ катва̄ паччавеккханти, вода̄нам̣ гарум̣ катва̄ паччавеккханти; чаккхум̣…пе… ваттхум̣ сам̣килесике чева но ча килесе кхандхе гарум̣ катва̄ сам̣килесика̄ чева но ча килеса̄ кхандха̄ уппаджджанти. сахаджа̄та̄дхипати – сам̣килесика̄ чева но ча килеса̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (итаре двепи килесадукасадиса̄. гхат̣ана̄дхипатипи.)

анантарапаччайа̄ди

79. килесо чева сам̣килесико ча дхаммо килесасса чева сам̣килесикасса ча дхаммасса анантарапаччайена паччайо… тӣн̣и (килесадукасадиса̄).

сам̣килесико чева но ча килесо дхаммо сам̣килесикасса чева но ча килесасса дхаммасса анантарапаччайена паччайо – пурима̄ пурима̄ сам̣килесика̄ чева но ча килеса̄ кхандха̄ паччхима̄нам̣ паччхима̄нам̣ сам̣килесика̄нан̃чева но ча килеса̄нам̣ кхандха̄нам̣ анантарапаччайена паччайо; ануломам̣ готрабхусса… ануломам̣ вода̄насса… а̄ваджджана̄ сам̣килесика̄нан̃чева но ча килеса̄нам̣ кхандха̄нам̣ анантарапаччайена паччайо.

(итаре две анантара̄ килесадукасадиса̄, нинна̄на̄каран̣а̄. гхат̣ана̄нантарампи саббе паччайа̄ килесадукасадиса̄, нинна̄на̄каран̣а̄. упаниссайе локуттарам̣ наттхи, идам̣ дукам̣ килесадукасадисам̣, нинна̄на̄каран̣ам̣.)

килесасам̣килесикадукам̣ нит̣т̣хитам̣.