7. пан̃ха̄ва̄ро

паччайачатуккам̣

хетупаччайа̄ди

222. хету авитаккавича̄раматто дхаммо хетусса авитаккавича̄раматтасса дхаммасса хетупаччайена паччайо… тӣн̣и.

хету авитаккавича̄раматто дхаммо нахетусса авитаккавича̄раматтасса дхаммасса а̄рамман̣апаччайена паччайо… тӣн̣и.

хету авитаккавича̄раматто дхаммо хетусса авитаккавича̄раматтасса дхаммасса адхипатипаччайена паччайо – сахаджа̄та̄дхипати… тӣн̣и.

нахету авитаккавича̄раматто дхаммо нахетусса авитаккавича̄раматтасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати… тӣн̣и.

хету авитаккавича̄раматто ча нахету авитаккавича̄раматто ча дхамма̄ нахетусса авитаккавича̄раматтасса дхаммасса адхипатипаччайена паччайо – а̄рамман̣а̄дхипати (сам̣кхиттам̣).

223. хетуйа̄ тӣн̣и, а̄рамман̣е тӣн̣и, адхипатийа̄ сатта, анантаре нава, саманантаре нава, сахаджа̄те нава, ан̃н̃аман̃н̃е нава, ниссайе нава, упаниссайе нава, а̄севане нава, камме тӣн̣и, випа̄ке нава, а̄ха̄ре тӣн̣и, индрийе нава, джха̄не тӣн̣и, магге нава, сампайутте нава, аттхийа̄ нава, наттхийа̄ нава, вигате нава, авигате нава (сам̣кхиттам̣).

паччанӣйуддха̄ро

224. хету авитаккавича̄раматто дхаммо хетусса авитаккавича̄раматтасса дхаммасса сахаджа̄тапаччайена паччайо… упаниссайапаччайена паччайо (сам̣кхиттам̣).

225. нахетуйа̄ нава, наа̄рамман̣е нава (сам̣кхиттам̣).

хетупаччайа̄ наа̄рамман̣е тӣн̣и (сам̣кхиттам̣).

нахетупаччайа̄ а̄рамман̣е тӣн̣и (сам̣кхиттам̣).

(йатха̄ кусалаттике пан̃ха̄ва̄расса ануломампи паччанӣйампи ануломапаччанӣйампи паччанӣйа̄нуломампи ган̣итам̣, евам̣ ган̣етаббам̣.)