7. пан̃ха̄ва̄ро

паччайачатуккам̣

хетупаччайо

88. хету дуккха̄йа ведана̄йа сампайутто дхаммо хетусса дуккха̄йа ведана̄йа сампайуттасса дхаммасса хетупаччайена паччайо. хету дуккха̄йа ведана̄йа сампайутто дхаммо нахетусса дуккха̄йа ведана̄йа сампайуттасса дхаммасса хетупаччайена паччайо. хету дуккха̄йа ведана̄йа сампайутто дхаммо хетусса дуккха̄йа ведана̄йа сампайуттасса ча нахетусса дуккха̄йа ведана̄йа сампайуттасса ча дхаммасса хетупаччайена паччайо. (3)

а̄рамман̣апаччайа̄ди

89. хету дуккха̄йа ведана̄йа сампайутто дхаммо хетусса дуккха̄йа ведана̄йа сампайуттасса дхаммасса а̄рамман̣апаччайена паччайо… тӣн̣и.

нахету дуккха̄йа ведана̄йа сампайутто дхаммо нахетусса дуккха̄йа ведана̄йа сампайуттасса дхаммасса а̄рамман̣апаччайена паччайо… тӣн̣и.

хету дуккха̄йа ведана̄йа сампайутто ча нахету дуккха̄йа ведана̄йа сампайутто ча дхамма̄ хетусса дуккха̄йа ведана̄йа сампайуттасса дхаммасса а̄рамман̣апаччайена паччайо… тӣн̣и (сам̣кхиттам̣).

90. нахету дуккха̄йа ведана̄йа сампайутто дхаммо нахетусса дуккха̄йа ведана̄йа сампайуттасса дхаммасса каммапаччайена паччайо… тӣн̣и (сам̣кхиттам̣).

91. хетуйа̄ тӣн̣и, а̄рамман̣е нава, адхипатийа̄ тӣн̣и, анантаре нава, саманантаре нава, сахаджа̄те нава, ан̃н̃аман̃н̃е нава, ниссайе нава, упаниссайе нава, а̄севане нава, камме тӣн̣и, випа̄ке екам̣, а̄ха̄ре тӣн̣и, индрийе тӣн̣и, джха̄не тӣн̣и, магге тӣн̣и, сампайутте нава, аттхийа̄ нава, наттхийа̄ нава, вигате нава, авигате нава (ануломам̣).

паччанӣйуддха̄ро

92. хету дуккха̄йа ведана̄йа сампайутто дхаммо хетусса дуккха̄йа ведана̄йа сампайуттасса дхаммасса а̄рамман̣апаччайена паччайо… сахаджа̄тапаччайена паччайо… упаниссайапаччайена паччайо (сам̣кхиттам̣).

93. нахетуйа̄ нава, наа̄рамман̣е нава, наадхипатийа̄ нава (сам̣кхиттам̣, паччанӣйам̣).

хетупаччайа̄ наа̄рамман̣е тӣн̣и (сам̣кхиттам̣, ануломапаччанӣйам̣).

нахетупаччайа̄ а̄рамман̣е нава (сам̣кхиттам̣, паччанӣйа̄нуломам̣).

(йатха̄ кусалаттике пан̃ха̄ва̄расса ануломампи паччанӣйампи ануломапаччанӣйампи паччанӣйа̄нуломампи ган̣итам̣, евам̣ ган̣етаббам̣.)