1. вибхан̇гава̄ро
хетупаччайо
349. саран̣о дхаммо саран̣асса дхаммасса хетупаччайена паччайо (арӯпадукасадисам̣, чатта̄ри).
а̄рамман̣апаччайо
350. саран̣о дхаммо саран̣асса дхаммасса а̄рамман̣апаччайена паччайо – ра̄гам̣ асса̄дети абхинандати, там̣ а̄раббха ра̄го уппаджджати, дит̣т̣хи…пе… вичикиччха̄…пе… уддхаччам̣…пе… доманассам̣ уппаджджати, дит̣т̣хим̣ асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати, вичикиччхам̣ а̄раббха …пе… уддхаччам̣ а̄раббха…пе… доманассам̣ а̄раббха доманассам̣ уппаджджати, дит̣т̣хи…пе… вичикиччха̄…пе… уддхаччам̣ уппаджджати. саран̣о дхаммо аран̣асса дхаммасса а̄рамман̣апаччайена паччайо – арийа̄ пахӣне килесе…пе… виккхамбхите килесе…пе… пуббе самуда̄чин̣н̣е…пе… саран̣е кхандхе аниччато…пе… випассати, четопарийан̃а̄н̣ена саран̣ачиттасаман̇гисса читтам̣ джа̄на̄ти. саран̣а̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (2)
351. аран̣о дхаммо аран̣асса дхаммасса а̄рамман̣апаччайена паччайо; да̄нам̣…пе… сӣлам̣…пе… упосатхакаммам̣ катва̄ там̣ паччавеккхати, пуббе…пе… джха̄на̄…пе… арийа̄ магга̄ вут̣т̣хахитва̄ маггам̣ паччавеккханти, пхалам̣…пе… нибба̄нам̣ паччавеккханти; нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо. чаккхум̣…пе… ваттхум̣ аран̣е кхандхе аниччато…пе… випассати, диббена чаккхуна̄ рӯпам̣ пассати …пе… ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. аран̣о дхаммо саран̣асса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ асса̄дети абхинандати, там̣ а̄раббха ра̄го уппаджджати…пе… пуббе…пе… джха̄на̄…пе… чаккхум̣…пе… ваттхум̣, аран̣е кхандхе асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати. (2)
адхипатипаччайо
352. саран̣о дхаммо саран̣асса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – ра̄гам̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати… дит̣т̣хи уппаджджати; дит̣т̣хим̣ гарум̣ катва̄ асса̄дети абхинандати. сахаджа̄та̄дхипати – саран̣а̄дхипати сампайуттака̄нам̣ кхандха̄нам̣ адхипатипаччайена паччайо. саран̣о дхаммо аран̣асса дхаммасса адхипатипаччайена паччайо. сахаджа̄та̄дхипати – саран̣а̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. саран̣о дхаммо саран̣асса ча аран̣асса ча дхаммасса адхипатипаччайена паччайо. сахаджа̄та̄дхипати – саран̣а̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)
353. аран̣о дхаммо аран̣асса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣…пе… сӣлам̣ …пе… упосатхакаммам̣ катва̄ там̣ гарум̣ катва̄ паччавеккхати, пуббе…пе… джха̄на̄…пе… арийа̄ магга̄ вут̣т̣хахитва̄ маггам̣ гарум̣ катва̄ паччавеккханти, пхалам̣…пе… нибба̄нам̣ гарум̣ катва̄ паччавеккханти, нибба̄нам̣ готрабхусса, вода̄насса, маггасса, пхаласса, адхипатипаччайена паччайо. сахаджа̄та̄дхипати – аран̣а̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. аран̣о дхаммо саран̣асса дхаммасса адхипатипаччайена паччайо. а̄рамман̣а̄дхипати – да̄нам̣…пе… сӣлам̣…пе… упосатхакаммам̣ катва̄ там̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати… дит̣т̣хи уппаджджати; пуббе сучин̣н̣а̄ни…пе… джха̄на̄…пе… чаккхум̣…пе… ваттхум̣, аран̣е кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати… дит̣т̣хи уппаджджати. (2)
анантарапаччайа̄ди
354. саран̣о дхаммо саран̣асса дхаммасса анантарапаччайена паччайо – пурима̄ пурима̄ саран̣а̄ кхандха̄ паччхима̄нам̣ паччхима̄нам̣ саран̣а̄нам̣ кхандха̄нам̣ анантарапаччайена паччайо. саран̣о дхаммо аран̣асса дхаммасса анантарапаччайена паччайо – саран̣а̄ кхандха̄ вут̣т̣ха̄насса анантарапаччайена паччайо. (2)
355. аран̣о дхаммо аран̣асса дхаммасса анантарапаччайена паччайо – пурима̄ пурима̄ аран̣а̄ кхандха̄ паччхима̄нам̣ паччхима̄нам̣ аран̣а̄нам̣ кхандха̄нам̣ анантарапаччайена паччайо; ануломам̣ готрабхусса…пе… пхаласама̄паттийа̄ анантарапаччайена паччайо. аран̣о дхаммо саран̣асса дхаммасса анантарапаччайена паччайо – а̄ваджджана̄ саран̣а̄нам̣ кхандха̄нам̣ анантарапаччайена паччайо. (2)
саманантарапаччайена паччайо… сахаджа̄тапаччайена паччайо… пан̃ча… ан̃н̃аман̃н̃апаччайена паччайо… две… ниссайапаччайена паччайо… сатта.
упаниссайапаччайо
356. саран̣о дхаммо саран̣асса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – ра̄гам̣ упанисса̄йа па̄н̣ам̣ ханати…пе… сан̇гхам̣ бхиндати; досам̣…пе… паттханам̣ упанисса̄йа па̄н̣ам̣ ханати…пе… сан̇гхам̣ бхиндати, ра̄го…пе… паттхана̄ ра̄гасса…пе… паттхана̄йа упаниссайапаччайена паччайо. саран̣о дхаммо аран̣асса дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – ра̄гам̣ упанисса̄йа да̄нам̣ дети, сӣлам̣…пе… упосатхакаммам̣ кароти, джха̄нам̣ уппа̄дети, випассанам̣…пе… маггам̣…пе… абхин̃н̃ам̣…пе… сама̄паттим̣ уппа̄дети; досам̣…пе… паттханам̣ упанисса̄йа да̄нам̣ дети…пе… сама̄паттим̣ уппа̄дети, ра̄го…пе… паттхана̄ саддха̄йа…пе… пан̃н̃а̄йа… ка̄йикасса сукхасса… ка̄йикасса дуккхасса… маггасса… пхаласама̄паттийа̄ упаниссайапаччайена паччайо. (2)
357. аран̣о дхаммо аран̣асса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саддхам̣ упанисса̄йа да̄нам̣ дети…пе… сама̄паттим̣ уппа̄дети; сӣлам̣…пе… пан̃н̃ам̣… ка̄йикам̣ сукхам̣… ка̄йикам̣ дуккхам̣… утум̣… бходжанам̣… сена̄санам̣ упанисса̄йа да̄нам̣ дети…пе… сама̄паттим̣ уппа̄дети; саддха̄ …пе… сена̄санам̣ саддха̄йа…пе… пан̃н̃а̄йа… ка̄йикасса сукхасса… ка̄йикасса дуккхасса… маггасса… пхаласама̄паттийа̄ упаниссайапаччайена паччайо. (1)
аран̣о дхаммо саран̣асса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саддхам̣ упанисса̄йа ма̄нам̣ джаппети, дит̣т̣хим̣ ган̣ха̄ти; сӣлам̣…пе… сена̄санам̣ упанисса̄йа па̄н̣ам̣ ханати…пе… сан̇гхам̣ бхиндати; саддха̄…пе… сена̄санам̣ ра̄гасса…пе… паттхана̄йа упаниссайапаччайена паччайо. (2)
пуреджа̄тапаччайа̄ди
358. аран̣о дхаммо аран̣асса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… випассати…пе… диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе…. ваттхупуреджа̄там̣ – чаккха̄йатанам̣ чаккхувин̃н̃а̄н̣асса …пе… ка̄йа̄йатанам̣ ка̄йавин̃н̃а̄н̣асса…пе… ваттху аран̣а̄нам̣ кхандха̄нам̣ пуреджа̄тапаччайена паччайо. аран̣о дхаммо саран̣асса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати. ваттхупуреджа̄там̣ – ваттху саран̣а̄нам̣ кхандха̄нам̣ пуреджа̄тапаччайена паччайо. (2)
паччха̄джа̄тапаччайена паччайо… две… а̄севанапаччайена паччайо… две.
каммапаччайо
359. саран̣о дхаммо саран̣асса дхаммасса каммапаччайена паччайо – саран̣а̄ четана̄ сампайуттака̄нам̣ кхандха̄нам̣ каммапаччайена паччайо. (мӯлам̣ ка̄таббам̣.) сахаджа̄та̄, на̄на̄ккхан̣ика̄. сахаджа̄та̄ – саран̣а̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо. на̄на̄ккхан̣ика̄ – саран̣а̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (мӯлам̣ ка̄таббам̣.) саран̣а̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)
аран̣о дхаммо аран̣асса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – (сам̣кхиттам̣). (1)
випа̄капаччайена паччайо… екам̣… а̄ха̄рапаччайена паччайо… чатта̄ри… индрийапаччайена паччайо… чатта̄ри… джха̄напаччайена паччайо… чатта̄ри… маггапаччайена паччайо… чатта̄ри… сампайуттапаччайена паччайо… две… виппайуттапаччайена паччайо… тӣн̣и (арӯпадукасадиса̄).
аттхипаччайо
360. саран̣о дхаммо саран̣асса дхаммасса аттхипаччайена паччайо (сам̣кхиттам̣). саран̣о дхаммо аран̣асса дхаммасса аттхипаччайена паччайо – сахаджа̄там̣, паччха̄джа̄там̣ (сам̣кхиттам̣). саран̣о дхаммо саран̣асса ча аран̣асса ча дхаммасса аттхипаччайена паччайо (сам̣кхиттам̣). (3)
361. аран̣о дхаммо аран̣асса дхаммасса аттхипаччайена паччайо – сахаджа̄там̣, пуреджа̄там̣, паччха̄джа̄там̣, а̄ха̄рам̣, индрийам̣ (сам̣кхиттам̣). аран̣о дхаммо саран̣асса дхаммасса аттхипаччайена паччайо. пуреджа̄там̣ – чаккхум̣ …пе… ваттхум̣ асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати, ваттху саран̣а̄нам̣ кхандха̄нам̣ аттхипаччайена паччайо. (2)
саран̣о ча аран̣о ча дхамма̄ саран̣асса дхаммасса аттхипаччайена паччайо – сахаджа̄там̣, пуреджа̄там̣ (сам̣кхиттам̣). саран̣о ча аран̣о ча дхамма̄ аран̣асса дхаммасса аттхипаччайена паччайо – сахаджа̄там̣, паччха̄джа̄там̣, а̄ха̄рам̣, индрийам̣. сахаджа̄та̄ – саран̣а̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо. паччха̄джа̄та̄ – саран̣а̄ кхандха̄ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – саран̣а̄ кхандха̄ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (2)