1. вибхан̇гава̄ро
хетупаччайо
330. нийато дхаммо нийатасса дхаммасса хетупаччайена паччайо… чатта̄ри (ниййа̄никадукасадиса̄ нинна̄на̄каран̣а̄).
а̄рамман̣апаччайо
331. нийато дхаммо анийатасса дхаммасса а̄рамман̣апаччайена паччайо – арийа̄ магга̄ вут̣т̣хахитва̄ маггам̣ паччавеккханти, нийате пахӣне килесе паччавеккханти, пуббе самуда̄чин̣н̣е…пе… нийате кхандхе аниччато…пе… випассати, четопарийан̃а̄н̣ена нийатачиттасаман̇гисса читтам̣ джа̄на̄ти, нийата̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)
анийато дхаммо анийатасса дхаммасса а̄рамман̣апаччайена паччайо – да̄нам̣ датва̄ сӣлам̣…пе… упосатхакаммам̣…пе… пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣ паччавеккхати асса̄дети абхинандати, там̣ а̄раббха анийато ра̄го уппаджджати, дит̣т̣хи…пе… вичикиччха̄…пе… уддхаччам̣…пе… анийатам̣ доманассам̣ уппаджджати, арийа̄ пхалам̣ паччавеккханти, нибба̄нам̣ паччавеккханти, нибба̄нам̣ готрабхусса, вода̄насса, пхаласса, а̄ваджджана̄йа а̄рамман̣апаччайена паччайо; арийа̄ анийате пахӣне килесе паччавеккханти, виккхамбхите килесе…пе… пуббе самуда̄чин̣н̣е…пе… чаккхум̣…пе… ваттхум̣ анийате кхандхе аниччато…пе… випассати асса̄дети абхинандати, там̣ а̄раббха анийато ра̄го…пе… доманассам̣ уппаджджати, диббена чаккхуна̄ рӯпам̣ пассати…пе… а̄ваджджана̄йа а̄рамман̣апаччайена паччайо. анийато дхаммо нийатасса дхаммасса а̄рамман̣апаччайена паччайо; нибба̄нам̣ маггасса а̄рамман̣апаччайена паччайо; рӯпаджӣвитиндрийам̣ ма̄тугха̄тикаммасса… питугха̄тикаммасса… арахантагха̄тикаммасса… рухируппа̄дакаммасса а̄рамман̣апаччайена паччайо; йам̣ ваттхум̣ а̄масантасса миччхаттанийата̄ кхандха̄ уппаджджанти, там̣ ваттху миччхаттанийата̄нам̣ кхандха̄нам̣ а̄рамман̣апаччайена паччайо. (2)
адхипатипаччайо
332. нийато дхаммо нийатасса дхаммасса адхипатипаччайена паччайо. сахаджа̄та̄дхипати – нийата̄дхипати сампайуттака̄нам̣ кхандха̄нам̣ адхипатипаччайена паччайо. нийато дхаммо анийатасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – арийа̄ магга̄ вут̣т̣хахитва̄ маггам̣ гарум̣ катва̄ паччавеккханти. сахаджа̄та̄дхипати – нийата̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. нийато дхаммо нийатасса ча анийатасса ча дхаммасса адхипатипаччайена паччайо. сахаджа̄та̄дхипати – нийата̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)
333. анийато дхаммо анийатасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ сӣлам̣…пе… упосатхакаммам̣ катва̄ там̣ гарум̣ катва̄ паччавеккхати асса̄дети абхинандати, там̣ гарум̣ катва̄ анийато ра̄го уппаджджати… дит̣т̣хи уппаджджати; пуббе…пе… джха̄на̄…пе… арийа̄ пхалам̣ гарум̣ катва̄ паччавеккханти, нибба̄нам̣ гарум̣ катва̄ паччавеккханти, нибба̄нам̣ готрабхусса, вода̄насса, пхаласса адхипатипаччайена паччайо; чаккхум̣…пе… ваттхум̣ анийате кхандхе гарум̣ катва̄ асса̄дети абхинандати, там̣ гарум̣ катва̄ анийато ра̄го уппаджджати, дит̣т̣хи уппаджджати. сахаджа̄та̄дхипати – анийата̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. анийато дхаммо нийатасса дхаммасса адхипатипаччайена паччайо. а̄рамман̣а̄дхипати – нибба̄нам̣ маггасса адхипатипаччайена паччайо. (2)
анантарапаччайа̄ди
334. нийато дхаммо анийатасса дхаммасса анантарапаччайена паччайо – магго пхаласса анантарапаччайена паччайо, нийата̄ кхандха̄ вут̣т̣ха̄насса анантарапаччайена паччайо. (1)
анийато дхаммо анийатасса дхаммасса анантарапаччайена паччайо – пурима̄ пурима̄ анийата̄ кхандха̄ паччхима̄нам̣ паччхима̄нам̣ анийата̄нам̣ кхандха̄нам̣ анантарапаччайена паччайо; ануломам̣ готрабхусса… ануломам̣ вода̄насса… пхалам̣ пхаласса… ануломам̣ пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанам̣ пхаласама̄паттийа̄ анантарапаччайена паччайо. анийато дхаммо нийатасса дхаммасса анантарапаччайена паччайо – анийатам̣ доманассам̣ нийатасса доманассасса, анийата̄ миччха̄дит̣т̣хи нийатамиччха̄дит̣т̣хийа̄ анантарапаччайена паччайо; готрабху маггасса… вода̄нам̣ маггасса анантарапаччайена паччайо. (2)
саманантарапаччайена паччайо… сахаджа̄тапаччайена паччайо… пан̃ча… ан̃н̃аман̃н̃апаччайена паччайо… две… ниссайапаччайена паччайо… сатта.
упаниссайапаччайо
335. нийато дхаммо нийатасса дхаммасса упаниссайапаччайена паччайо. пакатӯпаниссайо – ма̄тугха̄тикаммам̣ ма̄тугха̄тикаммасса… питугха̄тикаммасса… арахантагха̄тикаммасса… рухируппа̄дакаммасса… сан̇гхабхедакаммасса, нийатамиччха̄дит̣т̣хийа̄ упаниссайапаччайена паччайо (чаккам̣). пат̣хамо магго дутийасса маггасса…пе… татийо магго чатуттхасса маггасса упаниссайапаччайена паччайо. нийато дхаммо анийатасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – ма̄тарам̣ джӣвита̄ воропетва̄…пе… сан̇гхам̣ бхиндитва̄ тасса пат̣игха̄таттха̄йа да̄нам̣ дети, сӣлам̣ сама̄дийати, упосатхакаммам̣ кароти, арийа̄ маггам̣ упанисса̄йа ануппаннам̣ сама̄паттим̣ уппа̄денти, уппаннам̣ сама̄паджджанти…пе… т̣ха̄на̄т̣ха̄накосалласса упаниссайапаччайена паччайо; магго пхаласама̄паттийа̄ упаниссайапаччайена паччайо. (2)
336. анийато дхаммо анийатасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – анийатам̣ саддхам̣ упанисса̄йа да̄нам̣ дети, сӣлам̣…пе… упосатхакаммам̣ кароти, джха̄нам̣ уппа̄дети, випассанам̣…пе… абхин̃н̃ам̣…пе… сама̄паттим̣ уппа̄дети, ма̄нам̣ джаппети… дит̣т̣хим̣ ган̣ха̄ти; анийатам̣ сӣлам̣…пе… пан̃н̃ам̣… ра̄гам̣…пе… паттханам̣… ка̄йикам̣ сукхам̣… ка̄йикам̣ дуккхам̣… утум̣… бходжанам̣… сена̄санам̣ упанисса̄йа да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… нигамагха̄там̣ кароти, анийата̄ саддха̄…пе… сена̄санам̣ анийата̄йа саддха̄йа…пе… паттхана̄йа… ка̄йикасса сукхасса… ка̄йикасса дуккхасса, пхаласама̄паттийа̄ упаниссайапаччайена паччайо. (1)
анийато дхаммо нийатасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – анийатам̣ ра̄гам̣ упанисса̄йа ма̄тарам̣ джӣвита̄ воропети…пе… сан̇гхам̣ бхиндати; анийатам̣ досам̣…пе… сена̄санам̣ упанисса̄йа ма̄тарам̣ джӣвита̄ воропети…пе… сан̇гхам̣ бхиндати; анийато ра̄го… досам̣…пе… сена̄санам̣ ма̄тугха̄тикаммасса…пе… сан̇гхабхедакаммасса упаниссайапаччайена паччайо; пат̣хамасса маггасса парикаммам̣ пат̣хамасса маггасса…пе… чатуттхасса маггасса парикаммам̣ чатуттхасса маггасса упаниссайапаччайена паччайо. (2)
пуреджа̄тапаччайа̄ди
337. анийато дхаммо анийатасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣ (сам̣кхиттам̣). анийато дхаммо нийатасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – рӯпаджӣвитиндрийам̣ ма̄тугха̄тикаммасса… питугха̄тикаммасса… арахантагха̄тикаммасса… рухируппа̄дакаммасса пуреджа̄тапаччайена паччайо. ваттхупуреджа̄там̣ – ваттху нийата̄нам̣ кхандха̄нам̣ пуреджа̄тапаччайена паччайо. (2)
паччха̄джа̄тапаччайена паччайо… две… а̄севанапаччайена паччайо… две.
каммапаччайо
338. нийато дхаммо нийатасса дхаммасса каммапаччайена паччайо – нийата̄ четана̄ сампайуттака̄нам̣ кхандха̄нам̣ каммапаччайена паччайо. нийато дхаммо анийатасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – нийата̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо. на̄на̄ккхан̣ика̄ – нийата̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (мӯлам̣ ка̄таббам̣.) нийата̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)
анийато дхаммо анийатасса дхаммасса каммапаччайена паччайо – сахаджа̄та̄, на̄на̄ккхан̣ика̄ (сам̣кхиттам̣).
випа̄капаччайена паччайо… екам̣… а̄ха̄рапаччайена паччайо… чатта̄ри… индрийапаччайена паччайо… чатта̄ри… джха̄напаччайена паччайо… чатта̄ри… маггапаччайена паччайо… чатта̄ри… сампайуттапаччайена паччайо… две… виппайуттапаччайена паччайо… тӣн̣и (арӯпадукасадисам̣)… аттхипаччайена паччайо… сатта (арӯпа̄вачарадукасадисам̣)… наттхипаччайена паччайо… вигатапаччайена паччайо… авигатапаччайена паччайо… сатта.