1. вибхан̇гава̄ро

хетупаччайо

313. ниййа̄нико дхаммо ниййа̄никасса дхаммасса хетупаччайена паччайо – ниййа̄ника̄ хетӯ сампайуттака̄нам̣ кхандха̄нам̣ хетупаччайена паччайо. (мӯлам̣ ка̄таббам̣.) ниййа̄ника̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо. (мӯлам̣ ка̄таббам̣.) ниййа̄ника̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. (3)

аниййа̄нико дхаммо аниййа̄никасса дхаммасса хетупаччайена паччайо – аниййа̄ника̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (1)

а̄рамман̣апаччайо

314. ниййа̄нико дхаммо аниййа̄никасса дхаммасса а̄рамман̣апаччайена паччайо – арийа̄ магга̄ вут̣т̣хахитва̄ маггам̣ паччавеккханти, четопарийан̃а̄н̣ена ниййа̄никачиттасаман̇гисса читтам̣ джа̄на̄ти, ниййа̄ника̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)

аниййа̄нико дхаммо аниййа̄никасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ паччавеккхати асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати; пуббе сучин̣н̣а̄ни…пе… джха̄на̄…пе… арийа̄ пхалам̣ паччавеккханти, нибба̄нам̣ паччавеккханти, нибба̄нам̣ готрабхусса, вода̄насса, пхаласса, а̄ваджджана̄йа а̄рамман̣апаччайена паччайо; арийа̄ пахӣне килесе…пе… виккхамбхите…пе… пуббе самуда̄чин̣н̣е…пе… чаккхум̣…пе… ваттхум̣ аниййа̄нике кхандхе аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, четопарийан̃а̄н̣ена аниййа̄никачиттасаман̇гисса читтам̣ джа̄на̄ти, а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса…пе… а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса…пе… рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе… аниййа̄ника̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо.

аниййа̄нико дхаммо ниййа̄никасса дхаммасса а̄рамман̣апаччайена паччайо – нибба̄нам̣ маггасса а̄рамман̣апаччайена паччайо. (2)

адхипатипаччайо

315. ниййа̄нико дхаммо ниййа̄никасса дхаммасса адхипатипаччайена паччайо. сахаджа̄та̄дхипати – ниййа̄ника̄дхипати сампайуттака̄нам̣ кхандха̄нам̣ адхипатипаччайена паччайо. ниййа̄нико дхаммо аниййа̄никасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – арийа̄ магга̄ вут̣т̣хахитва̄ маггам̣ гарум̣ катва̄ паччавеккханти. сахаджа̄та̄дхипати – ниййа̄ника̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (мӯлам̣ ка̄таббам̣.) ниййа̄ника̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

316. аниййа̄нико дхаммо аниййа̄никасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣…пе… сӣлам̣…пе… упосатхакаммам̣ катва̄ там̣ гарум̣ катва̄ паччавеккхати асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати, пуббе сучин̣н̣а̄ни…пе… джха̄на̄ вут̣т̣хахитва̄…пе… арийа̄ пхалам̣ гарум̣ катва̄ паччавеккханти, нибба̄нам̣ гарум̣ катва̄ паччавеккханти, нибба̄нам̣ готрабхусса, вода̄насса, пхаласса адхипатипаччайена паччайо; чаккхум̣…пе… ваттхум̣ аниййа̄нике кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – аниййа̄ника̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. аниййа̄нико дхаммо ниййа̄никасса дхаммасса адхипатипаччайена паччайо. а̄рамман̣а̄дхипати – нибба̄нам̣ маггасса адхипатипаччайена паччайо. (2)

анантарапаччайа̄ди

317. ниййа̄нико дхаммо аниййа̄никасса дхаммасса анантарапаччайена паччайо – магго пхаласса анантарапаччайена паччайо. (1)

аниййа̄нико дхаммо аниййа̄никасса дхаммасса анантарапаччайена паччайо – пурима̄ пурима̄ аниййа̄ника̄ кхандха̄ паччхима̄нам̣ паччхима̄нам̣ аниййа̄ника̄нам̣ кхандха̄нам̣ анантарапаччайена паччайо; ануломам̣ готрабхусса… ануломам̣ вода̄насса… пхалам̣ пхаласса… ануломам̣ пхаласама̄паттийа̄ … ниродха̄ вут̣т̣хахантасса невасан̃н̃а̄на̄сан̃н̃а̄йатанам̣ пхаласама̄паттийа̄ анантарапаччайена паччайо. аниййа̄нико дхаммо ниййа̄никасса дхаммасса анантарапаччайена паччайо… готрабху маггасса; вода̄нам̣ маггасса анантарапаччайена паччайо. (2)

саманантарапаччайена паччайо… сахаджа̄тапаччайена паччайо… пан̃ча… ан̃н̃аман̃н̃апаччайена паччайо… две… ниссайапаччайена паччайо… сатта.

упаниссайапаччайо

318. ниййа̄нико дхаммо ниййа̄никасса дхаммасса упаниссайапаччайена паччайо. пакатӯпаниссайо – пат̣хамо магго дутийасса маггасса упаниссайапаччайена паччайо…пе… татийо магго чатуттхасса маггасса упаниссайапаччайена паччайо. ниййа̄нико дхаммо аниййа̄никасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – арийа̄ маггам̣ упанисса̄йа ануппаннам̣ сама̄паттим̣ уппа̄денти, уппаннам̣ сама̄паджджанти, сан̇кха̄ре аниччато…пе… випассанти, магго арийа̄нам̣ аттхапат̣исамбхида̄йа…пе… пат̣ибха̄напат̣исамбхида̄йа т̣ха̄на̄т̣ха̄накосалласса упаниссайапаччайена паччайо, магго пхаласама̄паттийа̄ упаниссайапаччайена паччайо. (2)

319. аниййа̄нико дхаммо аниййа̄никасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – аниййа̄никам̣ саддхам̣ упанисса̄йа да̄нам̣ дети, сӣлам̣…пе… упосатхакаммам̣ кароти, джха̄нам̣ уппа̄дети… випассанам̣… абхин̃н̃ам̣… сама̄паттим̣ уппа̄дети… ма̄нам̣ джаппети… дит̣т̣хим̣ ган̣ха̄ти; аниййа̄никам̣ сӣлам̣…пе… пан̃н̃ам̣… ра̄гам̣…пе… паттханам̣… утум̣… бходжанам̣… сена̄санам̣ упанисса̄йа да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… сан̇гхам̣ бхиндати; аниййа̄ника̄ саддха̄…пе… сена̄санам̣ аниййа̄ника̄йа саддха̄йа…пе… паттхана̄йа… ка̄йикасса сукхасса… ка̄йикасса дуккхасса… пхаласама̄паттийа̄ упаниссайапаччайена паччайо. аниййа̄нико дхаммо ниййа̄никасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – пат̣хамасса маггасса парикаммам̣ пат̣хамасса маггасса упаниссайапаччайена паччайо…пе… чатуттхасса маггасса парикаммам̣ чатуттхасса маггасса упаниссайапаччайена паччайо. (2)

пуреджа̄тапаччайа̄ди

320. аниййа̄нико дхаммо аниййа̄никасса дхаммасса пуреджа̄тапаччайена паччайо… две (арӯпадукасадиса̄ ка̄табба̄)… паччха̄джа̄тапаччайена паччайо… две… а̄севанапаччайена паччайо… две.

каммапаччайо

321. ниййа̄нико дхаммо ниййа̄никасса дхаммасса каммапаччайена паччайо – ниййа̄ника̄ четана̄ сампайуттака̄нам̣ кхандха̄нам̣ каммапаччайена паччайо. ниййа̄нико дхаммо аниййа̄никасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – ниййа̄ника̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо. на̄на̄ккхан̣ика̄ – ниййа̄ника̄ четана̄ пхаласса каммапаччайена паччайо. (мӯлам̣ ка̄таббам̣) ниййа̄ника̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)

322. аниййа̄нико дхаммо аниййа̄никасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ (сам̣кхиттам̣). на̄на̄ккхан̣ика̄ – аниййа̄ника̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо… випа̄капаччайена паччайо… екам̣йева… а̄ха̄рапаччайена паччайо… чатта̄ри… индрийапаччайена паччайо… чатта̄ри… джха̄напаччайена паччайо… чатта̄ри… маггапаччайена паччайо… чатта̄ри… сампайуттапаччайена паччайо… две… виппайуттапаччайена паччайо… тӣн̣и (арӯпадукасадиса̄ ка̄табба̄)… аттхипаччайена паччайо… сатта (арӯпадукасадиса̄ ка̄табба̄, а̄масана̄ на̄на̄пада̄йева)… наттхипаччайена паччайо… тӣн̣и… вигатапаччайена паччайо… тӣн̣и… авигатапаччайена паччайо… сатта.